المتاجره بالبيتكوين والعملات المشفره

اقتباس:

المشاركة الأصلية كتبت بواسطة Mahfoudh

نرجو احياء هاته الورشة

ياه انا النهارده دخلت المنتدى بعد غياب اكثر من9 شهور .
اعتذر لعدم المتابعه لظروف انشغالى فى امريكا , عموما الموضوع ملك كل الاعضاء وممكن تعيدوا نشاطه بالمشاركات .
بالنسبه لاخبارى فالحمد لله العملات المشفره غيرت مجرى حياتى تماما , فى شهر يناير 2018 كنت محقق حوالى 550 الف دولار من ال2000 دولار اللى كنت بدات بيهم فى اول 2017 , وكنت متردد اسحبهم ولا اكمل زى ماكنت كتبت فى بعض الردود قبل كده , واخيرا قررت ان اسحب ولو نص المبلغ , وانا بسحب لقيت نفسى مستقر ان اسحب المبلغ كله واسيب مبلغ صغير تحسبا للاستمرار فى الارتفاع , فلقيت نفسى ساحب حوالى نص مليون دولار , وسبت مايعادل حوالى 50 الف دولار فى العديد من العملات المشفره , والحمد لله القرار كان صائب بعد شهر يناير الاسعار ابتدت تهبط , والناس اللى دخلت فى التوقيت ده خسرت جامد ,المهم انا قررت استثمر الاموال دى على ارض الواقع مع بعض اصدقائى هنا فى امريكا , والحمد لله الامور ماشيه تمام .
بالنسبه للعملات المشفره فاعتقد ان الاسواق حتستمر مابين عام الى 3 اعوام فى حالة تذبذب مائل للهبوط , فاللى استثمر فعلا بلاش يبيع دلوقتى من القيعان بخساره , اما اللى لسه لم يستثمر بها منصحوش انه يدخل دلوقتى , لان انا شايف ان موجة الهبوط والتذبذب ممكن تستمر مابين عام الى 3 اعوام , طبعا دى مجرد وجهة نظر شخصيه , تحتمل الخطا اكتر مما تحتمل الصواب , عموما انا مستنى بداية عام 2019 لان هوه اللى حياكدلى اكتر وجهة نظرى , لو لقيت اى علامات للصعود , حدخل تانى بنص المبلغ اللى معايه , اما لو مفيش علامات صعود , فحنتظر عام اخر (مع انى برجح عدم الصعود العام القادم) .
اعتذر لعدم المتابعه , بس الحياه هنا فى امريكا ايقاعها سريع جدا . وان شاء الله لو فيه اى اخبار جديده ابقى ادخل على الموضوع .
وبالتوفيق للجميع .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾

انا ان شاء الله ناوى اشحن حساباتى الايام اللى جايه , وحعاود الاستثمار فى العملات المشفره ,
كده النظره الصعوديه اتاكدت بالنسبه ليه , مع انى مكنتش متوقع الصعود السنه دى ,
بس بعد تحليل شارت البيتكوين , فاتاكدت ان الموجه اللى بدات من اول السنه دى الموجه الرابعه , والنهارده بدانا الصعود واعتقد ان القاع اللى اتكون حيكون قاع السنه دى , كنت عايز ارفع شارت توضيحى , بس انا بكتب من التابلت وانا بره المنزل والمكتب . ممكن لما ارجع ابقى ارفع شارت .
انا قررت ادخل بنص المبلغ اللى معايه ولو السعر خالف توقعاتى , فحدخل العام القادم بالنص التانى , بالتوفيق للجميع .
دى مش دعوه للشراء , دى مجرد وجهة نظر شخصيه .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾

بالتوفيق اخي

ربنا يوفقك اخى ويكرمك يارب .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾

بالتوفيق لك يا عز
إن شاء الله

التوقيع

كن عظيماً ودوداً قبل أن تكون عظاماً ودوداً

ربنا يكرمك يارب اخى , ويرزقك من حيث لاتحتسب .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾

ربنا يكرمك يارب ويوفقك اخى .
حوالى نص ساعه وارجع ارفع الشارت .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾

دقايق وحرجع المكتب واعمل شارت جديد , انا فى وقت الاستراحه دلوقتى فبره المكتب دقايق وحرجع وارفع الشارت .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾

انا حاولت ارفع الصوره على سيرفر المنتدى بس رفض لان حجمها كبير ححاول مع مركز رفع .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾