رد: المتاجره بالبيتكوين والعملات المشفره
اقتباس:
المشاركة الأصلية كتبت بواسطة tarik113
اين تحتفظ بها اذن و كيف تبيعها لمستثمرين امريكيين بالاتفاق على السعر انا لم افهم ممكن توضيح اكثر لاني اريد ان اخوض هذه التجربة و اشتري كاش سواءا عملات رقمية او حتى اسهم
على محافظ على الجهاز بتاعى
انا من ساعة مابدات المجال وانا عمرى مااحتفظت بعملات على اى موقع ونبهت هنا كذا مره ان المنصات كلها مش مضمونه ,
انا كنت بشترى منها بس وبحول على المحافظ بتاعتى على جهاز الكمبيوتر .
موضوع بيعى لمستثمرين امريكيين ده بس لو وصلت لمبالغ كبيره جدا جدا , مش حتستفيد منه حاجه الا لو كنت بتتعامل بمبالغ كبيره جدا جدا
بس انا حشرحه برضه من باب العلم بالشىء.
حفترض ان سعر البيتكوين فى منصة باينانس 60 الف وانا عندى مثلا 1000 بيتكوين لو عايز ابيعهم بسرعه على اى منصه زى باينانس فالسعر حينزل جامد لان الكميه كبيره وانا عايز ابيعها بسرعه مثلا حتلاقى على باينانس ناس عارضه تشترى 1 بيتكوين مقابل 60 الف دولار وواحد تانى عارض شراء 2 بيتكوين على سعر 50 الف وهكذا ممكن لو عايز ابيع ال 1000 بسرعه الاقى السعر مثلا 30الف ( كل دى امثله على فكره),
او اعرض ال100 بسعر 60 الف على باينانس بس ممكن استنى ايام وشهور لغاية مالاقى حد يقبل يشترى الكميه دى كلها بسعر 60 الف وساعتها حيكون السعر نزل جامد ,
ده غير تاثير بيعى الكميه دى كلها اللى حينزل من سعر العمله على المنصه .
فالحل انا بشوف مستثمرين عايزين يشتروا كميات كبيره وبنتفاوض على السعر حفترض نفس المثال السابق
فممكن اتفق مع المستثمر على 55 الف او 50 الف مثلا وساعتها احنا الاتنين كسبانين هوه كسبان شارى باقل من سعر السوق , وانا بعت باقل من سعر السوق بحاجه بسيطه , وبعت الكميه الكبيره دى كلها بسرعه.
ده غير انى صعب اثق فى منصه ماقيمته 60 مليون دولار مثلا .
عموما انت فى البدايه مش محتاج الكلام ده خالص , الكلام ده للمبالغ الكبيره جدا جدا .
لو عايز اكثر عن الموضوع ابحث عن اسواق ال OTC والبيع خارج المقصوره .
عموما الموضوع ده مش حيفيدك فى الوقت الحالى زى ماقلتلك بس ابحث عنه اكثر من باب المعرفه.
.
وربنا يوفقك .