حب من طرف واحد
هــــا يا قلب ليش انتَ حبيت
وانه أدري بمحبتك من طرف واحـد
كتلك مايحبك أفهــم شبيــك
وتعرف ما يريدك لكن تعــــاند
آه يا قلبى الجــــرح بين عليك
آه يـا طعنات غدرك من محب حاقد
أحبك والگلب مـــا يكدر يبوح
وإنتَ تــدوس حبي بدمك الجامد
حيل اتعذبت بس انتَ مــا حسيت
لان بنارقلبى وقلبك البـــارد
جنت بس انتَ أشوفك ما شفت ناس
وصافن بس أفكر والذهن شــارد
وإنتَ تعيش صــافي وهادئ البال
وتشلع بابقلبى بصمتك الجـاحد
آه شكد صعب مـن تعشك انسان
وتحسه ابمحبتك يجهلك قــاصد
آه شكـــد غشيم وهيج حبيت
وادري هواي گلبك للعشك جـارد
آه من الـــدمع شككلي الخدود
آه مــــن الألم وي همي متواعد
آه شكد صعب مــن تحب باخلاص
وتعرف تالي حبك من طرف واحد
آه شكد صعب مــن تحب باخلاص
وتعرف تالي حبك من طرف واحد