__@@ شارتات متنوعة @@___

تمام يا غالي بس ليا عندك طلب
لو تسمح اخويا ابوزين ما تفتح موضوع كده نتعرف علي كيف تقرا الشارت
لو امكن تعرفنا علي المؤشرات اللي بتفضلها
انا باقول كده
علشان انت خبرة سنيين في الفوركس
لو يسمح وقتك

التوقيع

شوف يا حبى انا بالنسبالى الحدث اهم من النظرية النظامية
يعنى مرة هتلاقينى راسم خطوط اتجاه مرة تلاقينى مقتنع بنموذج مؤشر مرة هتلاقينى بدون اى مؤشرات بس منظر الشارت بيوحى بشئ
و ده بسبب انى قضيت سنين بتفرج على الشاشة و اخسر فلوس كل الطموحات اللى قرأتها فى الكتب و المواضيع و شوفتها فى الفيديوهات كانت مؤذية بالنسبالى
و عشان افتح موضوع خاص لازم التزم بيه و انا جربت افتح موضوعين لتجربة طرق بس عشان انا ماليش مربط فرس فا مالتزمتش
فالموضوع يطول شرحه من الألف للياء و ده انا ممكن اعمله معنديش مانع و مش شرط فى موضوع ممكن فى موضوعك انت لو تسمح اقول كل يوم فكرة او نظرية معينة
ثانياً انا بحب العمل الجماعى جداً انا والدى بيضارب فى الفوركس و اخويا اللى علمنى الفوركس
ده حوار بينى و بين اخويا الليلة

رسمت القنوات و مقتنع انه فى دعم و حتى لو كسره هعزز من ضلع القناة اللى فوقها العلوى
-------------
و ده نفس النصيحة وجهتها لوالدى يا سوكا

و الطريف بقى رد والدى لأنه بيتابع المحللين بشكل يومى و مستمر و بيعاندنى بيهم على اساس انهم محللين بقى بينشروا اعمالهم و قالى انت مخك ضرب

بس انا عايز اقولك على حاجة يا صاحبى
فى المجال ده ما خاب من استشار
اللى شايف نفسه كبير فالسوق اكبر منه
يومياً بقول لوالدى قبل ماتفكر تفتح صفقة خد رأيى من باب العلم بالشئ مش لازم تعمل بيه

و قبل ماشرح اى حاجة عن اساليب للتداول فهقولك اول نصيحة
السوق عشوائى جداً و يجب ان تتماشى بمرونة مع عشوائيته
الأساليب المنظمة ستعطيك مرة و ستحرمك مرات

و صدقنى لو حابب نعمل حاجة فيها عمل جماعى هتلاقينى من انشط الناس و هقول كل اللى عندى من الألف للياء

التوقيع

ده نموذج تانى بعيداً عن القنوات فى اليورو لأن ده الواضح امامى

و دى الرسمة من منظور اوسع

و بيدعم كلامى اندكس الدولار


الشارت العارى أفضل الف مرة من الشارت المزدحم
الشارت العارى بيخلى رؤيتك اوضح
حركة السعر هى الشئ الوحيد الحقيقى

التوقيع

طيب نرجع للباوند ليه شراء
اولا على الشارت الشهرى مش محتاج اقول حاجة هو شارح نفسه و الشموع نفسها بدون اى مؤشر بتقول ان دى منطقة انهى فيها البائعون خدمتهم

و ده الاسبوعى يا سوكا

و برضه شارح نفسه الاسترلينى خرج من المثلث لفوق برغم كل الغيوم السلبية عليه اثناء واقعة الانفصال بس اثبت انه اقوى من كده بكتير و مستحيل يعود تانى للمنطقة بتاعة ال20 و ال22 دى لفترة ليست بالقصيرة زمنياً
ثانياً احنا داخلين على انتخابات و حزب العمال الأقرب للفوز و ده بيدعم الباوند بقوة
ده بكل بساطة

التوقيع

و انت بتدوس معايا فى موضوع اليورو دولار و انا و انت فى عز ما ناس كتير خسرت منه احنا كنا بنجلده بالكرباج
فا هنا مثلا نموذج لمؤشر ADX
http://forum.borsaat.com/t161541-2224.html#post2368902
هل حد نعرفه بيستخدم ADX؟؟..لأ
طيب ازاى انا استخدم مؤشر زى ده
كل زوج له متوسط رينج مبيخرجش منه مفيش زوج صعد او هبط الى ما لا نهاية
و لو راجعت الازواج على الشهرى هتلاقى ليها رينج بمقياس متغير بس ليه حد اقوى و حد ادنى
ابسط شئ انى لما اشوف زوج زى اليورو دولار عمل صعود قوى بدون ارتداد و الصعود فوق ال400 نقطة احط مؤشر زى ده
طالما شايف الاصفر فوق ال80 و الاحمر تحت ال10 انتظر شمعة هامر مقلوب و ابيع من عندها و عشان الاتجاه العام صاعد حددت هدفى 60 نقطة
-----------------------------
ده نموذج فيبو لليورو ين مع اقوى نسب للموفنجات على الفريمات الكبيرة 55 و 200 و اللى كان نوه ليها ايضا استاذنا المخضرم أبو عبد الله و كبار المحللين على مستوى العالم بيحترموا النسبتين دول جداً
http://forum.borsaat.com/t161541-2223.html#post2367739
مقاومة الفيبو مع مقاومة خط ال200 مع مقاومة القناة الصاعدة دى حاجة مش سهلة ابداً ابداً ان السعر يخترقها
طبعاً مش هوصيك اليورو ين حصل فيه ايه
--------------------------------

الخلاصة يا حبى أولا انا مبنزلش المشاركات دى للتفاخر انا بس بوريك انا اد ايه مرن مع السوق ابن الـ@#$% ده لأنى عشت الكثير و الكثير من لحظات الندم و الحسرة قصاد الشاشة
ثانياً حدد النمط اللى الزوج اتخذه او عايز يتخذه و حلل بناءً عليه
لا تغفل الأساسى ضعه فى الحسبان
تاجر و عزز و ماتحطش ستوب خلى عينك هى الستوب
ماتنتظرش السعر ينعكس عشان تركب وراه على اساس انه صديقك لا هو مش صديقك ابداً ده اكبر عدو
حدد مناطق السعر يروحلها و اشتغل عليها ماتروحش انت للسعر خليه هو اللى يجيلك لحد عندك
من كام يوم قلت لعزام انا هشترى استرالى نيوزيلاندى عند 1.0590 و منطقة دعم و بتاع و السلوك خذلنى و السعر هبط
هل انا حطيت ستوب و خسرت مثلا 50 نقطة ولا 100 نقطة؟!!
لأ

خرجت منه بمكسب حتى لو كان بسيط بس مخسرتش بسبب الستوب
الستوب بستخدمه فقط لما بنشغل عن المنصة و مش فى كل الاحوال كمان
و التعزيزات مكانتش مقلقة بالنسبالى
و منتظر اشتريه تانى بس لما اخلص من متابعة اليورو و اشوف هفتح فيه صفقة ولا لا
المرونة و الادارة المالية هى أساس البقاء
هكتفى بده النهاردة كتوضيح بسيط تلبية لطلبك بالرغم من ان خبرتك فى المجال ده لا يستهان بها يا سوكا
تحياتى

التوقيع

صفقة طازة اهه على الدولار ين

نموذج راس و كتفين زى مابيقول الكتاب

التوقيع

انت يا ابوزين كلاسيكي ممتاز لا غش فيك
مع استخدامك لبعض المؤشرات التي لاغني عنها
اوجزت وكفيت ووفيت

تعبتك ياريس خالص

تقديري وتحياتي لك

التوقيع

التوقيع

التوقيع

التوقيع