(حصريا) شرح تكوين جهاز تعدين من الف الى الياء بكروت الشاشة

بسم الله الرحمن الرحيم

حبيت اشارككم تجربتى من البداية باذن الله تعالى لتكوين مزرعة ممكونة من 10 اجهزة بكل جهاز 3 كروت فقط كمرحلة اولى باذن الله تعالى ..

الحمد الله اليوم قمت بشراء مكونات اول جهاز ناقص فقط حاجات بسيطة كابلات 8 بن و عمل الدرج من الخشب .. بكرة باذن الله تعالى انزل اشتريهم وابدء تجميع الجهاز

* فى هذا الموضوع سوف ارفق بالصور

1- تكلفة الجهاز بالتفاصيل كل قطعة فيه .. وتكلفة الكهرباء بعد شهر باذن الله تعالى
2- ايرادات الكروت يوم بيوم
3- مراحل التعدين من اول تنزيل برنامج التعدين حتى تحويل الفلوس لحساب البنك
4- نتعمق فى اختيار العملات اللى نقوم بتعدينها وكيفية الاستثمار بعد التعدين
5- معاكم لاى استفسار خاص بهذا الموضوع .. باذن الله تعالى

*بعد 10 ايام اذا حققت نسبة الربح المطلوبة .. كنسبة وتناسب من راس المال حبدء باذن الله تعالى فى تجميع 9 اجهزة الناقصة فى المزرعة .. كمرحلة اولى



نتابع بدءا من بكرة باذن الله تعالى بعد شراء النواقص نبدء فى الشرح والصور التكاليف بالكامل ..

.
.

معاكم لاى استفسار باذن الله تعالى .. ومنتظر اقتراحاتكم

.
.

لكم ودى وتقديرى

التوقيع

موضوع رائع
تسجيل متابعة

بانتظارك

التوقيع

متداول عملات واسهم محترف خبرة 11 سنة

مزرعه موفقه
وفي انتظارك

السلام عليكم و رحمة الله تعالى و بركاته أخي الكرمي و ان شاء الله تجد مرادك ، و لكن خلينا نحكي الصراحة و اكيد ان تعرف التعدين و المراحل التي مر بها

- تعدين البتكوين كان في بادئ الامر سهل جدااا و الاشخاص يعملون على حواسيبهم فقط ا، ثم طورو اجهزتهم الى اجهزة قوية و يربطونها مع معالجات التي تم تحويلها الى اجهزة التعدين و الى كروت الشاشة و هذه تسمى ب GBU bitcoin mining ....... و هذا كله يسمى بالتعدي فقط يعني تقوم بالتعدين في البيت و هو غير مجدي (ارجو ان تربح و تثبت اني على غلط حتى نعمل كلنا نفس فكرتك)
--- اما الان فالتعديت تكور من تعدين الى تعدين سحابي و هو ان تقوم بفتح حساب عند شركات التعدين التي تقوم هي بشراء اجهزة التعدين المتطوة رجدااااااا و تاخذ انت نسبةارباح معاها (و اكيد تقريب الكل يعرف ما هي شركات التعدين )
----- و اذا كنت تريد ان تعمل من دون ان تشترك مع شركات التعدين ( التي اصبحت مشتهرة بالنصب) ، فما عليك اخي الا بشراء الجهاز القوي جداااااا Antminer S9 9 و قوته تصل الى حوالي 13TH/s ، يعني في اليوم راح تحقق تعدين جيد و لكن سعره ايضا غالي ....
هذا هو الشئ الذي اردت ان اقوله لك اخي الكريم و لكن تبقى التجربة خير برهان و ان شاء الله نستفاد من تجربتك و تحقق النجاح المطلوب
-------------------- سلام------------------

التوقيع

طيب ليه الناس بردك بيقفولوا نفس الكلام وانها هتقف بخسارة هل مثلا جهاز كروت الشاشة عمرة قليل وبيبوظ بسرعة فبالتالى يمكن حتى مايجبش سعرة عمال ما يبوظ ؟
كمان انت هتحسب الارباح والتكاليف على كام يوم والجهاز جديد فين بقى لما يستعمل ويشتغل ليل نهار
طب ولما اجهزة كروت الشاشة احسن كده ليه فيه اللى بيشترى الاجهزة التانية
اتمنى حسبتك تكون صح ونشوف حد فينا بيكسب بطريقة جديدة بقلب ميت زى تجربتك دى
شجاعة ولا مغامرة منك
اتمنى تكون شجاعة
ربنا يوفقك

نعم اخي صياد الجراح كل ما قلته انا معاك فيه و كما قلت لك ايضا التجربة خير برهان و لو اثبت انها جيدة راح اكون اول واحد يطبق تجربتك ، و انا معاك ان شاء الله

هى مشكلتنا فى اللى بيقولوه دول .. اسالهم جربتوه ولالا ..


- كروت الشاشة جديدة .. الجهاز استعمال خارج مش جديد .. مالهوش لازمة يكون جديد وتكلفة زيادة .. ( حنشرح مكونات الجهاز بالتفاصيل لاحقا )

كروت الشاشة عمرها الافتراضى 3 سنين واكثر .. بدون كسر سرعة لها ..
و الجهاز المفروض يجمع ثمنه فى 8-10 شهور من التعدين فقط باذن الله تعالى

يعنى لو حابب تيبع الكروت بعد ستنان وتشترى كروت جديدة واعلى يبقه افضل وحتكون جمعت ثمن الجهاز والكروت ومكسب مرة ونصف من راس المال تقريبا ..





اقولك نتابع عملى افضل .. ونشوف النتائج لمدة كام شهر مع بعض فى الموضوع هنا ..


معاك لاى استفسار


.
.


لك ودى وتقديرى

التوقيع

كلام جميل ومشجع بس بردك خايف لانك عايز تعملها مزرعة واحنا اول مرة نزرع ولسة ماشوفناش اول نبتة وعايزين نحكم عليها من اول كام يوم
اتمنالك التوفيق وتحقق ارباح مستدامة ان شاء الله
اظن كدة مفيش غير عقبة واحدة ان خلصت تبقى تمام اوى
صعوبة التعدين هل ليها حسبة معاك من وقت ماشتريت الجهاز و كام كانت وقتها درجة الصعوبة وبعدين لما الدرجة اتغيرت اتناسب التغيير دة مع سعر الجهاز ولا وقتها ممكن الامور تختلف
يعنى هل صعوبة التعدين هتتماشى دايما مع سعر العملة وكميتها من وقت شراء الجهاز
عارف سؤال عويص شوية محتاجة بتكوينى قديم
السؤال دة ان وصلنا لاجابتة وعلى كلامك انت انه كلة معمول حسابة فى النقاط السابقة
يبقى كدة تمام التمام
غير كدة وقبل اجابة السؤال دة ياريت نتريث شوية قبل مانفتح فى الاستثمار
ياريتنا نشوف مبادرات زى دى كتير