مذكرات زوجتي وتذكر فيها الفوركس !!

اقتباس:

المشاركة الأصلية كتبت بواسطة hemaya

كما ذكرتم انا بحثت عن عمل كثيرا لكن بحكم مرض البنت كنت انا المسؤول عنها لان امها لا تهتم بها ولا تاخذها خارج البيت ابدا .. فكنت انا يوميا بوديها الجلسات وانتظرها . وكان كل الشغل المناسب بالنسبه لي هو البرمجه يكون في القاهره ونحن من دمياط . والزوجه هي من رفضت ذلك .. وجالي شغل في دمياط لكن في نفس الوقت بنتي ستكون الضحيه والراتب لا يساوي 20% من المصاريف . وليس ذلك فقط هي في المذكرات كتبت كلام كله كذب والمفروض انها تنزل المذكرات عالفيسبوك فذكرت مره اني خسرت فلوسي في البورصه ومره تانيه اني صرفت كل فلوسي عالستات مع اني والله لا ده ولا ده اللي خسرته في الفوركس من ارباح . وعمري ما ليا في الحاجات التانيه دي .. طبعا كاتبه اني بخيل وحارمها .. مع ان مصاريف البيت في حدود 10 الاف شهريا .. اقول ايه بس انا كرهت الستات كلهم والله بس عمري ما هكره الفوركس

الزوجة الصالحة نعمة
انا عايش فى مكان متواضع ولى صديق فى نفس مستوايا
صديقى ربنا كرمة واصبح مدير مطعم كبير ومرتبة ماشاء الله
تزوج منذ سنوات تقريبا وربنا كرمة بولدين وبنت زى القمر
وكان معيشهم احسن عيشة لا يستخسر شىء فى مراتة ولا اولاده ابدا

المهم فى فترة ثورة يناير المطعم قفل ... واصبح بدون عمل حتى مش عارف يلبى طلبات البيت

مراتة جابت من عند مامتها مكينه خياطة وكانت بتخيط ملايات وتبعها للجيران واقاربهم

بيقسم لى بالله لم يراها ابدا مكشرة ودائما تبتسم فى وجهة ولم تتغير ابدا معاملتها له
ولم تطلب منه اى مصاريف للبيت او للاطفال خلال هذه الفترة

بعد شوية ربنا كرمة ورجع تانى شغل افضل بكتير
ولم ينسى مافعلته من اجله

اللهم ارزقنا الزوجات الصالحات

التوقيع

بجد انا محتار هل اطلق ولا لا انا صعبان عليا الاولاد وفقط .. لكنههم الان بقالهم شهر بدونها ..

انا كنت بشتغل بنفس الاسلوب ده لحد ما قرفت و طهقت و زهقت لان الدخل اللى كان بيطلع بيدخل فى جمعيات عشان تجهيز الشقه و خلافه

عايز تجربه تانيه

صديق لى اسمه وائل بيشتغل فى مصنع من 7 الصبح ل 7 بليل و بعد ما يخلص المصنع يروح ياكل و ينام له ساعتيين و ينزل فى مشغل تطريز من 11 ليلا الى 7 الصبح

الله يكون فى عونك يا اخى

انا مش عايز ابقى بخرب البيوت بس الست اللى ما تعيش مع زوجها على الحلوه و المره لا تستحق

اقتباس:

المشاركة الأصلية كتبت بواسطة hemaya

بجد انا محتار هل اطلق ولا لا انا صعبان عليا الاولاد وفقط .. لكنههم الان بقالهم شهر بدونها ..

أخى الغالى ارجو انك ماتزعلش منى كلمة طلاق مش سهلة
قبل اتخاذ اى قرار واجة نفسك بعيوبك واخطائك لانك اكيد ساهمت فى هذه المشكلة
وحاول اصلاح هذه العيوب والاخطاء ورجع مراتك لحضنك وحضن اولادك
واذا وجدت منها نفس الشىء ساعتها تقدر تفكر فى الانفصال بعد دراسة تأثيرة عليك وع الاولاد

ولازم تعرف مهما كانت الست فيها عيوب تقدر تتفاداها بالاحتواء وتشعرها بالامان
فاذا فقدت المرأة الامان سوف تفقد ايضا شعورها تجاهك بالحب والمودة
واكيد مراتك حست بعدم الامان بسبب فقدانك لاموالك واموال اولادك

واخيرا احنا مانعرفش اصل المشكلة ولم نسمع من الطرفين
وانت ادرى باحوالك

اسال اللى ان يصلح بينكم ويصلح احوالكم

التوقيع

يا باشا مش عايز امثلة كنت بس عايز اعرف دخل الشغلانة دى وملاقتش اجابة
ربنك يكرمك

اصلا مواضيع هيما لما تربطها تحس انه جاى عليها كتير و تحس انك لو مكانها هتعمل اكتر من كده بكتير
بس بردك فى مبالغات من ناحيتها ازاى خسر فلوسة امال بيصرف على البيت منين
لكن بردك ازاى مصاريف البيت 10000 وانت لابتكسب ولابتخسر من الفوركس وخسران فى كذا مشروع
ودخلك على حسب مانعرف لما كنت فى السعودية انك كنت عايش حياة مستقرة وبس
يعنى مكنتش بتشتغل مدير عام حقول البترول مثلا ف ازاى
مابقرش ربنا يزيدك بس الكلام عجيب
واذا كان المبلغ دة متوفر وبشكل مضمون اى كان بقة ساعتها خسر كام كسب كام بيشتغل ولا قاعد بيتهوى تحت فى الجنينة انا اللى يهمنى دا مبلغ محترم اذا كان متوافر بشكل ثابت فمش من حق حد ابدا يتكلم فى موضوع الشغل دة
ليك اكل ولا بحلقة
بس بالنسبة لموضوع الطلاق شايف اساسا مفيش اى اساس او داعى حتى للتفكير فى كدا
وهو حصل ايه اساسا
ابراهيم من ساعة معرفناة بيافور حبتين
عايز كل حاجه على هواة
مفيش كدة كلنا بشر ماينفعش تدور على الصح اللى بتعوزة من الناس وانت شايف الصح دة من منظورك انت وبس
دة انت يا هيما
وادى من عيوبك ياريس
واكيد ليك بردك مميزات
بس الكل بيدور على الغلط اللى فى التانى وبس
واجه نفسك
والولاد فى جميع الاحوال ملهمش ذنب فى شغل زى دة مذكرات وفيس وشعر فى ميكروباص
ايه دة دا طلاق ياعم الحج هو انتوا رايحين جروبى

اه نسيت اقولك واجبلك من الاخر
حاول تتلكك عشان تتصلحوا باى طريقة بقة يعنى لو من النوع اللى مايحبش يتك على نفسه شفلك اى تلكيكة ورجعوا ونسوا بقي الكلام دة
مش عايز اقولك اعرف ناس بينهم جنايات وسلاح ورجعوا لبعض عشان الولاد لان دة بردك مش مظبوط
بس كمان كدة اوفر اوى
هى مصلحة الولاد بالبساطة كدة بالنسبالكوا
بس ان رجعتوا لازم وقتها تغيروا من المفاهيم دى والا السيناريو دى هيتكرر كتير
فكروا فى الحاجات الكويسة اللى مابينكوا هتنسوا مع الوقت الوحش
اكتب دايما فى ورقة الاوقات اللى كنت فيها راضى عنها وحصل ايه حتى لو اكلة حلوة عملتهالك
بلاش تشيلها من جواتك مش هتعرف تكمل
شيل الحلو او سيب بقه
ماتعش متبستر طول حياتك
قول دايما الحمد لله
ماتقولش خسرت مشروع كذا وحصل كذا وكذا فكر فى الحاجات الحلوة شوية

اقتباس:

المشاركة الأصلية كتبت بواسطة hemaya

بجد انا محتار هل اطلق ولا لا انا صعبان عليا الاولاد وفقط .. لكنههم الان بقالهم شهر بدونها ..

السلام عليكم
اللهم فرج همك
اخى الكريم
هناك نوع من الستات غير متزنات نفسيا

بتخاف بسرعة و بتفرح بسرعة
مشكلة النوعية دى انها تفكر كثيرا
كما قال لك الاخوة هذا النوع من الستات تبحث عن الامان
بس باسلوب نكدي ,يعنى باسلوب لوى الذراع
تفكر في المستقبل , عمرها ما تشوف قدامها ,عمرها ما تحمد ربها على النعمة
يعنى لو جبتلها لبن العصفور و لن تقتنع به
الحل في نظرى شوف ست عجوزة جبها وقدم لها مرتب ( حسب قدراتك ) لكى تهتم بالاولاد
و حل مشكلتك مع زوجتك براحتك
الزوجة ليس عملها انها تخدم البيت بس
لكنها تقدم بالدعم النفسي و هو اهم
ولكن لنتفق على شيئ واحد ذيل الكلب عمرو ما يتعدل
و زوجتك عمرها ما تغير اسلوبها معاك مهم حدث
ابغض الحلال عن الله الطلاق
لماذا الطلاق حلال لانه عندما يحدث انشقاق بين الزوجين مش حيتحل الا بعد ذهاب كل واحد في طريقه
و هناك الف الف ست ممكن تهتم باولاك
مش مهم تجبها عانس او مطلقة
يعنى مش مهم انك تضحى بسعادتك من اجل الاولاد
يقال لك اقلب الجرة لامها تخرج البنت لامها
هناك ملايين العائلات المصرية بتربي واحد او اكثر من الاهل بسبب ما
ممكن تلاقي بنت الحلال
وربنا يرزقك على قد نيتك

نصحية استمع لكلام النساء ولكن لاتجعلة يشغل عقلك .. لان منهم من ينظر الى نصف الكوب الفارغ دائما
اذ كان لديك المال وعملك بسيط او قليل الوقت والمجهود .. تصبح شخص خامل
اذ كنت تعمل طوال اليوم لكن المال قليل ... تقول لك انها تريد ان تعيش فى وسط معين والمشكلة عندك
اذ كنت تعمل ولديك المال ... تقول انك لا تقعد فى البيت
يعنى دائما النظر الى الجزء الفارغ من الكوب ... وهذا من كيد الشيطان
لاتفكر فى الطلاق ... بسبب الاولاد لانهم من حقهم ان يعيش مه امهم .. فلا تكن انت البداء وتحمل الوزر

التوقيع