هل تريد 2000 نقطة شهريا بدون اى مجهود..؟؟

المشاركة الأصلية كتبت بواسطة إلزعيم

بصى يا فيروز

انا شفت مشاركتكم بالصدفة عند قرائتى للموضوع لشغفى بقراءة اى موضوع لم اقراه من قبل .

انا حقولك على اللى فهمته من قرائتى السريعة وركزى معايا كويس رجاء

الشارتات مقسمة لفريمات زمنية من دقيقة الى شهر وهى معناها مع كل تغيير لفريم الشارت تتغير شكل الشموع لتمثل هذه الفترة الزمنية فى كل شمعة

مثال اذا وضعت فريم النصف ساعة لاى عملة سيظهر عندى شموع . كل شمعة ستمثل نصف ساعة بصعودها او هبوطها .

طيب اى متاجر عند وجود استراتيجية يتوقع عدد نقاط ربحه تبعا للفريم بمعنى انا لو استراتيجيتى على فريم الخمس دقائق يبقى ارباحى اتوقعها ما بين 5 نقاط الى 15 نقطة

طيب الاخ الفاضل صاحب الموضوع كان يتابع فريم الاسبوعى اذن هو يتوقع مابين 500-700 نقطة وقد تاكد من توقعه بالمتابعة لفترة كبييرة ولكنه يتبع القاعدة الرئيسية وهى اذا دخل بعقدين سوف يخرج عقد بعد 100 نقطة ليضمنهم بالحساب ثم يترك العقد الثانى يكمل الطريق .

ولكنه حدد بطرق فنية الشروط التى يجب معها الاكتفائ بالارباح ( هو الشق الفنى الذى لا استطيع افادتك به لانى لا اعلمه)

ما قد لاحظه الدكتور اسامة او نسر كما هو المعرف انه يحدث رالى ومعنى رالى سرعة صعود او هبوط للسعر فى فى تجاه واحد . واراد ان يستفيد من هذا الرالى ولكنه لا يعرف السعر سوف يهبط ام يصعد ففكر ووضع خطة

1- وضع فريم الاسبوعى فاصبحت الشموع كل واحدة تمثل اسبوع
2- عرف من الشموع الهاى واللو لاخر شمعة ( الشمعة الحالية )
3- وضع اوامر معلقة عقدين شراء فوق الهاى للشمعة ب 30 نقطة و عقدين بيع تحت سعر اللو ب 30 نقطة

4 - بعد تفعل امر منهما يغلق الاخر ثم ينتظر وصول الامر لربح 100 نقطة فيغلق عقد ويترك الاخر لنهاية الترند او الاتجاه يعنى .

هذا ما فهمته من الاستراتيجية بالقراءة السريعة . اذا فيه اى اسئلة رجاء لا تترددى وساحاول اجابتك حسب ما فهمته

اتمنى اكون افدتك وتحياتى وبالتوفيق

المشاركة الأصلية كتبت بواسطة د.أسامة عادل

السلام عليكم.
مين فينا بيحب وجع القلب و العينين و الراس
و التحليل و الموجات و..و..و..

طيب ايه رأيك فى 2000 نقطة شهريا يعنى 500 نقطة فى الاسبوع من غير حتى ما ترسم فيبوناشى و لا تحط دعم و مقاومة ولا حتى تهتم بالاخبار
حتقوم مع الافتتاح يوم الاثنين من كل اسبوع حتحط الاوردات و تستنى تتفعل يوم ما من الاسبوع و يلغى التفعل فى حالة نهاية الاسبوع.,
الطريقة مجربة و معمول لها باك تست طويل و هى لاعضاء المنتدى الحبيب
طبعا فى ناس حتقول ان ده كلام فاضى و مفيش الكلام ده و الناس اللى بتتعب دى على الفاضى ولا ايه و انا حقول رد واحد
المية تكدب الغطاس..
اسمع رأيكم الاول و بعد كده نفتح موضوع خاص ان شاء الله و نجرب سوا و ان شاء الله حتشوفوا كل الخير
مع اسكندرية..
مش حتقدر تقفل حسابك..

المشاركة الأصلية كتبت بواسطة د.أسامة عادل

رجعنا تانى
زى ما اتفقنا اننا نبحث عن الربح الوفير بدون ضرب ستوبات ان شاء الله
بس ازاى ديول الويكلى ممكن تبقى 300 بيب مثلا.

طيب و العقود حندخل ازاى
و انه ازواج؟؟

واحدة واحدة عليا.
كله حيبان بس بالصبر.

بالنسبة للعقود:
سندخل بعقدين معلقين بيع بعد كسر اللو الويكلى
و عقدين معلقين شراء و ننتظر كسر هاى الويكلى السابق.
سنخرج من العقد الاول بعد 100 نقطة هدف
و سنترك الثانى يجرى
و نحرك الستوب كل 200 بيب بس يكون اعلى هايات دايلى لو احنا داخلين بيع
او تحت لوهات دايلى لو داخلين شراء.
طبعا الستوب المبدئى للصفقة سنختاره فنيا
اعلى ترند مكسور دايلى مثلا
او تحت ترند صاعد اربع ساعات لو داخلين شراء
بالعربى دخولنا عارفينه مقدما
و هدفنا 100 كاول عقد و الثانى يجرى
اما سنحصل على ربح 100 كعقد اول و صفر للعقد الثانى.
او 100 للعقد الاول و الربح الغزير للثانى
طيب نحسبها ماديا و بأدارة رأس مال.

لو دخلنا بعقد 10 سنت للنقطة بستوب 300 نقطة للعقدين معناه اننا سنخسر 30 دولار فى حالة ضرب الستوب.
حوالى 3% من راس المال لو الحساب ب 1000$
او 6% من راس المال لو 500$
فى حالة تحريك الستوب مرة واحدة للعقد الثانى سنضمن 100 نقطة ربح للعقد الاول و مع كل تحريك سناخد 200 نقطة ربح على ان يكون الربح النهائى 300-400 نقطة او سنخرج من نقطة قوية فنيا.
بمعنى لو حركنا الستوب مرتين سنربح 500 نقطة حلال صافى و من خلال الباك تست فالموضوع مجدى و 90% ما يتحقق
الازواج التى عملت عليها باك تست قوى و فعال هى الباوند دولار و اليورو استرالى.
ازواج الين كلها لا تصلح لهذه الاستراتيجية لان ذيولها طويلة جدا
حتى الان ننتظر ازواج الكندى فى الباك تست و ان كنت ارى ان فيها خير
من سيدخل الحظائر هو الباوند دولار و اليورو استرالى هذا الاسبوع
سنجربها على الديمو
لا تزيد العقود
و التزم بالدخول حتى ترى بعينيك جدوى الاستراتيجية.,
اى سؤال؟
انا فى الخدمة.,
الله كريم..