رد: مفاجأه مصر ستسدد 5.2 مليار دولار لبنك التصدير والاستيراد فى ديسمبر القادم
لا يصح الا الصحيح
قيمه الدولار في مصر لا تتناسب مع حجم اقتصاد مصر او حتي تتناسب مع ظروف الطلب المرتفع علي الدولار وسط عرض قليل جدا وشح التصدير او مصادر دخل عاليه
التعويم بصراحه قلل القوه الشرائيه للنصف ومشكله مصر الاقتصاديه اتحلت للنصف وده كان قرار عظيم برغم انه له عليوب كتير -- هنتكلم عنها بعدين
لكن مميزات التعويم الان يلمسها كل فرد في البلد كفايه القضاء علي مشكله الدولره وكلنا شايفين قد ايه الطلب انخفض علي الدولار وده دليل كبير علي نجاح الحكومه لتوفير الدولار بكل كميات يحتاجها اي مستورد .
البرنامج اللي مكتوب في صفحات صندوق النقد لعمليه الاصلاح الاقتصادي واللي شارك فيها اقتصاديين كبار ممتاز وهيضع مصر علي الطريق الصحيح خلال اعوام بسيطه ان شا ءالله --- لو اتنفذ صح -
هنا بقي عندي تعليق في حاله تنفيذ الامر واصبح المواطن يتحمل كل شيء بتكلفته الحقيقيه الزيت بسعره والبنزين والسولار بسعره الحقيقي اصبحت الدوله لا تدفع شيء من جيبها كدعم
وده شيء ممتاز للدوله وسوف تكتفي الدوله فقط بامور التنظيميه كمراقب للاسواق
وده شيء ممتاز اننا نشتري السلع بسعرها الحقيقي عالميا ولم يحدث في مصر منذ السادات عام 1976 م
اوك
الان وبعد شراء الشعب كل شيء بسعرها الحقيقي يوجد امرين مهمين
اولا
دعم الفقراء والمعدمين والبطاقات التموينيه ومشروع صندوق تكافل الي حد ما يدعم الحد الادني لمعيشه الفرد -- هوا قل من الحد الادني ولكن المفروض يكون في زياده - لو تم القضاء علي الفساد في الامر ده
ثانيا
الدوله في المستقبل اصبحت بلا دعم والسلع بسعرها العالمي ولا تدفع من جيبها شيء وده له فوائد عظيمه وهي سد العجز في الموازنه عدم طباعه نقود فبالتالي التضخم ينخفض عدم الاحتياج لقروض جديده - مع امكانيه سداد القرضو القديمه براحه اكبر وسرعه افضل
وده كمان له ميزه في دفع الانتاج ونمو حقيقي وجذب استثمارات للبلد
طيب جميل الاصلاح وخلال خمس الي 10 اعوام فعليا لو اتنفذ صح هيكون في طفره قويه في الاقتصاد المصري . بس تعالي للعيوب
اولا
مع تخفيض القوه الشرائيه الي النصف اصبحت الطبقه المتوسطه في خطر كبير والطبقه المتوسطه في اي مجتمع هي عماد الامه ومستقبلها وحائط صد كبير لتقدمها - اللي مرتبه اكبر من 5000 جنيه الي 30 الف جنيه دول هما القوه الحقيقيه المحركه للسوق
الان اصبحو في خطر وقوه الرشاء ضعفت
طبعا لا يوجد لهم دعم تمويني كالفقراء ولا هم اغنياء ليواجهو المخاطر وحدهم
الطبقه دي هي اللي بتشتري العربيات او الشقق الخ
ومنذ التعويم شاهدنا هبوط كبير في الطلب علي السيارات والعقارات وده السبب
طبعا مع استمرار ارتفاع الاسعار الطبقه دي هيتم تدميرها بشكل كبير وجزء كبير جدا منها هيكون في عداد الفقراء ومحدودي الدخل ولكن بدون دعم تمويني حتي .
ثانيا
اصبحت الحكومه لا تدفع دعم الا جزي صغير للفقراء
واصبح جموع الشعب المصري يدفع لكل سلعه سعرها الحقيقي
هنا بقي وجب الاتي
انا بشتري السلع بسعرها الحقيقي يا حكومه
وبدفعلك ضريبه قيمه مضافه 14% وهتزيد كمان كده بلطجه
وهدفع ضرائب بتصل في بعض المنتجات الي 30%
وهدفع ضرائب علي الدخل كمان
قشطه حلو قوي انا معنديش مانع بس بشرط
الان انتي كبرتي وعقلتي واصبحتي مراقب للسوق ولا تدعميني بشيء
وانا بدفع كل اللي عليا لكم
انا الان بدفع ضرائب وباخد سلع بسعرها ومش بكلفك حاجه
هاتي بقي التزاماتك
انا عايز تعليم ممتاز
عايز تامين صحي وحق الدواء بصوره ادميه
عايز خدمات جيده ومنتظمه غاز كهربا صرف صحي
عايز حقي
عايز حقي
عايز حقي
انا بدفع ضرائب الان وعايز حقي كامل
.
احمد ريان
التوقيع
للتبليغ عن اي مشاركة مخالفة اضغط على 
بجانب اي مشاركة مخالفة ليتم حذفها فورا . 
المواضيع المتشابهه 
16Likes