مطلوب اكسبيرت اخر قوي

اخى الكريم
مش فاهم حاجة
انت طلبت عند عمل المضاعفات
يفتح صفقة مضاعفات بهدف واستوب ومعه صفقة بدون مضاعفات وبدون هدف او استوب لوز
ماهى المشكلة هنا
ارجو التوضيح اكثر مع التوضيح من على الشارت لو ممكن
تحياتى

انا اسف جدا لو تعبت حضرتك هفهمك واحدة واحدة
هذا الشارت المؤشر اعطى اشارة بيع فتم فتح صفقة بيع بعشرة سنت ليس هناك هدف او ستوب

هنا تم تغيير الاشارة يتم اغلاق العقد اللي اتفتح بعشرة سنت
وفتح مكانه عقد بعشرة سنت شراء
ومش هنفتح حاجة تاني لان اغلاق العقد الاول كان على الدخول

طيب لو كنا اغلقنا العقد على خسارة مثلا 20 نقطة
يبقا الاكسبيرت هيفتح عقدين
الاول بعشرة سنت ويتم وضع هدف له 20 نقطة
والثاني بعشرة سنت بردوا ومالهوش هدف

انظر حضرتك هنا

المؤشر رجع غير الاشارة فأغلقنا العقد الشراء بخسارة 30 نقطة
وتم فتح عقدين كل واحد قيمته عشرة سنت فقط
وهدف الاول 30 نقطة والثاني مفتوح

لو فرضنا ان المؤشر رجع غير الاشارة تاني هنغلق العقدين اللي كل واحد منهم قيمته عشرة سنت
بخسارة مثلا لكل واحد 20 نقطة
يعني مجموع الخسارة 40 نقطة
هنا الاكسبيرت هيفتح عقد قيمته 20 سنت ويحط هدف ليه اللي هو الخسارة اللي راحت كلها
وهيفتح عقد تاني بعشرة سنت مفتوح
نفرض ان المؤشر غير اشارة تاني
يبقا هنغلق العقود كلها بخسارة
العقد الاول مثلا ابو 20 سنت بخسارة 8 دولار
والعقد ابو 10 سنت بخسارة 4 دولار
ومعانا خسارة قديمة ب مثلا 6 دولار يبقا مجموع الخسارة 18 دولار

هنا الاكسبيرت هيفتح مع الاشارة الجديدة عقدين
الاول قيمته 30 سنت وهدفه 18 دولار
والثاني 10 سنت وهدفه مفتوح
نفرض ان السعر غير تاني ودا بيحصل في فترات التذبذب
هنقفل الكل بخسارة مثلا 12 دولار
ونفتح عقدين
الاول قيمته 40 سنت وهدفه 12 + 18 القديمة يبقا هدفه 30 دولار
والثاني بعشرة سنت هدف مفتوح
ونفضل كدا نزود عقد واحد يعني بعد 40 سنت
نفتح 50 سنت هدفه الخسارة كلها ومعاه عقد بعشرة سنت مفتوح
وبعده 60 سنت - 70 سنت - 80 سنت
لحد ما نوصل ل دولار و 90 سنت
يعني دولار و90 سنت هدفه الخسارة كلها وعقد بعشرة سنت مفتوح
لو غير الاشارة نفتح عقد ب 2 دولار ومعاه عقد 10 سنت طيب غير الاشارة
المرادي بعد الوصول للعقد ابو 2 دولار هنزود 2 يعني 2.20 ومعاه العقد ب 10 سنت
وبعده يبقا 2.40 ومعاه عقد ب 10 سنت
وبعده يبقا 2.60 ومعاه عقد ب 10 سنت
وهكذا

طبعا انا كدا في عقد هيجيب الخسارة ما السوق لازم يشد اتجاه عمره ما هيفضل واقف في مكانه هلاقي ان مثلا الخسارة وصلت عندي 200 نقطة يبقا لما ياخد اتجاه هيجيبلي 200 نقطة اللي هي الخسارة طيب وربحي فين
العقد ابو 10 سنت المفتوح بقا هو دا اللي مكمل معايا لحد ما يغير اشارته اقفله بربح وابدأ من اول
اتمنى تكون الفكرة كدا وصلت لحضرتك
مطلوب بس ان الاكسبيرت يفتح 10 قصاده 10
وبعدين 10 قصاده 20
وبعدين 10 قصادة 30
وبعدين 10 قصادة 40
وبعدين عقد ب 10 قصاده عقد ب 50
ويتم الاكسبيرت حساب الخسارة اللي راحت من الحضاب ووضعها للعقد اللي قيمته كبيرة كهدف ويسيب التاني مفتوح

بردوا لو فرضنا ان السعر مشي وكان هدف العقد الكبير مثلا 70 نقطة والسعر غير الاشارة وانا كسبان مثلا في العقد الكبير 30 والعقد ابو عشرة سنت 15 يعني مجموع ربحي 45 نقطة ولسة خسران 25 نقطة هنا هدخل مع الااشارة الجديدة بنفس كمية العقود ويكون هدف اءلكبير باقي الخسارة اللي هو 25 نقطة وابو 10 سنت هدفه مفتوح

اخى الكريم
الموضوع معقد ومش مفهوم جدا
بجد الموضوع عايز وقت كبير حتى افهم الطريقة وعمل الطريقة
والله اعلم
هل تنجح او لا
وكما انت تشاهد الطلبات كثيرة جدا
يوجد طلبات كثيرة جدا بطريقة بسيطة
ممكن عمل هذه الطلبات الكثير اسرع من العمل فى هذا الطلب
ارجو المعذرة الشديدة لك
لا استطيع تكملة العمل هنا
ارجو لك التوفيق
تحياتى لك

السلام عليكم
متابع معكم

الاستراتيجية جيدة وتستحق التعب في عمل اكسبيرت وتنفع بشكل جيد مع الازواج التي تتحرك بسرعة