افضل البنوك للمصريه للتحويلات الكبيره

الشئ الوحيد الممنوع فعلا قانونا فى مصر أنك ترخص شركة نشاطها الفوركس غير كده ما حدش ليه حاجة عندك أنت حر

السلام عليكم،

هل لدى أحد من الإخوة تجربة في التعامل مع الإيداع المباشر في بنك الخليج كما ذُكر في المشاركة... إذا صح هذا الأمر، فهو مكسب كبير لتفادي عمولات التحويل... كما أنه في هذه الحالة يمكن السحب مباشرة من البنك!

انا ما ليش تجارب مع البنوك المصريه بس من فتره 3 شهور تقريبا صديق لى كان عايز يعمل تحويل بره مصر ب 10000 دولار راح بنك مصر رفضوا و طلبوا منه اوراق و كلام من ده و قالوا له دى تعليمات و احنا بننفذها . المهم الموضوع وقف . انا لى صديق تانى خاله موظف كبير فى البنك ده كلمناه قال له تعالى لى بكره الصبح راح و نفس الموظف اللى طلب منه الاوراق و الكلام ده قال له مش تقول انك تبع فوزى بيه و خلص الاجراءات كلها فى ثوانى

توقع كل شىء و اى شىء فى أم الدنيا

شكرا جزيلا لكم جميعا.

بالنسبه للبنوك فاللي اعرفه انه صعب التحويلات دلوقتي
بس قدامك كذا حاجه بديله
فيزا بنك مصر للنت ودي الحد الاقصي بتاعها 3000 دولار تقريبا شهريا
وفيزا كريدي
وكان بنك سي اي بي مش عارف شغاله ولا وقفت هي والعربي الافريقي
كمان اخر حاجه قدامك البنوك الالكترونيه من خلال وسيط يكون كويس


وبالتوفيق يا اخي

اقتباس:

المشاركة الأصلية كتبت بواسطة اشرف ابو هميله

أخى الكريم السلام عليكم ورحمة الله وبركاته
ما سأقوله لك هو أرض الواقع
أنا أقوم بالعمل بالفوركس منذ 2008 ولم تواجهنى مشكلة فى التحويلات إطلاقا حتى بعد ثورة يناير
مع العلم بأن تعاملاتى مع البنوك الحكومية ولكن كما قال بعض الأخوة لابد من مرور 6 أشهر على فتح الحساب هذا صحيح
ولا يوجد ما يسمى مبلغ صغير ومبلغ كبير كله تحويل للخارج الفرق عند البنك فى العمولة فقط وعند عمل التحويل يقوم البنك بكتابة الغرض من التحويل forex deal
أخى الكريم حسابك الجارى الدولارى أموالك الشخصية من حق الشخص تحويلها للخارج طالما التحويل لجهة معلومة للبنك
وما أقرأئه فى المنتديات منذ سنوات بأن التحويل للفوركس ممنوع والبنك المركزى قافل التحويلات هذا كلام عار تماما من الصحة
وبالنسبة للمبلغ كان البنك المركزى محدد 100 الف دولار حد أقصى فى السنة للأفراد وتم فتحها خلاص
وبالنسبة لى قمت بالتحويل يوم الثلاثاء الماضى بنك القاهرة فرع ميدان الجيزة المواجهة للشهر العقارى بشارع مراد
وكان أول مرة أتعامل مع الفرع ده لأنى دايما بروح فرعى والموظفة تعرفنى بصفة شخصية
المهم ذهبت لفرع الجيزة لأنه كان قريب منى يومها وسألت عن موظف التحويلات فقلت لها عايز أعمل تحويل للخارج قالت لى حضرتك معاك الورق فقلت لها ورق ايه فقالت ورق الشركة الى حضرتك هتحولها فإبتسمت قلت لها هاتى نموذج التحويل أملاه وبعدين نتكلم كتيت النموذج ومضيته فقالتلى تمام حضرتك بقا فين الورق قلتلها أستاذة غادة كلمى الفرع الرئيسى وقوليلهم عندى عميل عايز يعمل تحويل من حسابه وكاتب فى التحويل فوركس ديل اتصلت بيهم قالولها نفذى التحويل بمنتهى الهدوء
نصيحة أخيرة منى لو عندك حساب فعلى دولارى شغال فى أى بنك موجود فى مصر روح اعمل التحويل ولو الموظف رفض قوله انا هشتكيكم فى البنك المركزى دى فلوسى الشخصية ومن حقى أحولها لأى حتى طالما جهة معلومة هى دى قواعد البنك المركزى غير كده ما فيش ولو منفذوش التحويل فعلا روح البنك المركزى قدم شكوى
أما لو كريديت كارد فدى مش فلوسك دى فلوس البنك من حقه يرفض ويحط قواعده الى هو عاوزها

سلام عليكم

وعليكم السلام

معلومة مميزه اخى اشرف ونأخذه بعين الاعتبار كًحل لتحويل الاموال للخارج
وما لفت نظري ايضا انك بتروح فى بنك القاهره فرع الجيزه جنب صالة الجيم فااحنا جيران كمان

التوقيع

كن عظيماً ودوداً قبل أن تكون عظاماً ودوداً

اهلا بيك يا باشا اتشرفت بيك