مع EXNESS لا ماضى لا حاضر لا مستقبل

المشاركة الأصلية كتبت بواسطة أحـمـد

السلام عليكم ورحمة الله وبركاتة

انا مش فاتح الموضوع ده عشان اغلط فى الشركة انا فاتحة عشان اوضح مصيبة كبيرة جدا داخل الشركة
العنوان ليس مبالغ فيه بالعكس هو يصف الحقيقة بالضبط

نعلم جميعا ان احد اكبر ابواب الربح فى هذا السوق هو ادارة الحسابات بلا شك
ومن الطبيعى عندما تعرض على احد ادارة حساب ان يطلب منك تاريخ تداولاتك

يعنى كمثال هذه المواقع (myfxbook , mql5 ,fxjunction ) وغيرها من المواقع
او اذا تحدثت مع شخص لتدير حسابة سيطلب منك باسورد المشاهدة ليتابع تاريخ تداولاتك بنفسه
كلنا متفقين على ذلك ولا يوجد اى خلاف بخصوصه

اللى حصل كالاتى
كنت عايز اربط حسابى بموقع MQL5 بفضل الله حسابى محقق ارباح جيدة جدا
وشغال على الحساب من عدة شهور والحساب فى زيادة بفضل الله مستمرة
فتحت الحساب من عدة ايام اتصدمت لقيت صفقات كتير مش موجوده

قلت يبقى حصل مشكلة وكلمت الدعم (وكان الرد صادم)

الشركة EXNESS بتحذف الهيستورى كل 35 يوم

نعم تداولاتك كل 35 يوم سوف يتم حذفها من المنصة نهائيا ولن يكون لها اثر
هذا لا يؤثر على رصيدك (رصيدك لن ينقص منه شىء) ولكن سيعامل على انه ايداع

مثال للتوضيح

انت اودعت 100 دولار وتاجرت وحققت ربح 400 دولار واصبح الحساب 500 دولار
بعد 35 يوم هيتم حذف جميع الصفقات ويبقى حسابك كما هو 500 دولار
طيب ومصدر ال 400 دولار ايه ؟ ليس لهم مصدر يعتبروا ايداع

وارباحك وتعبك بتاع الشهور ده ؟ خلاص انساه ...

قلت للدعم كده حرام شغل شهور يضيع بالشكل ده افرض حد طلب منى باسورد المشاهدة
او حبيت اربط حسابى بمواقع نسخ الصفقات

كان رده هو ده نظام الشركة كل 35 يوم هيتم حذف الهيستورى بتاعك من الميتاتريدر

وتقدر تجيب الهيستورى من مسحتك الشخصية على الموقع




يعنى مع اكسنس ماضيك فى التداول ضاع
وحاضرك فى التداول هيضيع
ومستقبلك فى التداول برده هيضيع



وانسى مع اكسنس انك تملك اثبات انك انسان ناجح وحسابك بيكبر شهر بعد شهر




وكل عام وانتم بخير

المشاركة الأصلية كتبت بواسطة hamdonforex

ههههه يا اخي افزعتني اعتقدت أن الأمر خطير ههههه .. اعتقد في رأيي أن هذا أمر بسيط جدا لا يؤثر على شخصيا طالما أن مزايا exness غير موجودة في اى شركة اخري و هذا ما جعل الجميع تقريبا بالمنتديات و جروبات الفيسبوك يتعاملون مع الشركة و شجعني هذا على ايداع مبلغ اكبر بها.

مسألة كشف حساب الأرباح اعتقد موجود من البيانات التاريخية بموقع الشركة تقدر تنزلهم على المنصة و لا استطيع وضع الرابط هنا لان المنتدي يمنع الروابط لكن تقدر تدخل بالموقع و تبحث عن البيانات التاريخية و تنزلها على المنصة و ايضا من داخل الحساب بموقع الشركة ادخل الى monitoring بها كل تفاصيل الأرباح التي حققها الحساب.

المشاركة الأصلية كتبت بواسطة hamdonforex

ملحوظة صغيرة .. اتمني أن تكون كل الشركات تمسح هيستورى الصفقات أو لا توفرها اصلا تعبنا من النصابين اللى يأتون بكشوف حسابات لأرباح حققوها بالصدفة و يتحايلون على الناس لإدارة الحسابات.. و الله هذا اريح لنا

المشاركة الأصلية كتبت بواسطة Rock

لا حول ولا قوة الا بالله
الله يعوض عليك يا أحمد على مجهود الفترة دي



اخى حمدون
من فضلك توضيح اكثر ازاى هيظهر تفاصيل الارباح من monitoring بالضبط
هل ستظهر الصفقات بالشكل ده ؟


بتفاصيل كل صفقة فين اتغلقت وفين اتفتحت ؟

المشاركة الأصلية كتبت بواسطة أحـمـد

انا عارف انك بتحاول تقلل من حجم المشكلة
(وعارفين انك بتختفى خالص وترجع ترد فى مواضيع اكسنس فقط )


وانا ماعنديش مشكله فى اسلوبك ده خلاص ماعنديش وقت اضيعة معاكم زى الاول



ولكن رجاء بلاش كلام لا يتعلق بالمنطق فى شىء

اذا كنت تتمنى ان يتم حذف الهيستورى فى حساباتك مافيش مانع ده شىء يخصك

لكن الناس المجتهدة الناجحة فى السوق ماينفعش يضيع تعبها كده على الفاضى

ماينفعش انى اتعب ومايبقاش معايا دليل انى ناجح

الكلام ده فى سوق الجمعة بتبيع كلب ولا قطة وانتهى الموضوع

احنا فى سوق مال لازم دليل على نجاحك عشان تقدر تكبر

ده حتى البنوك بتطلب منك كشف ودليل على مصدر اموالك



بالتوفيق