فواتير الكهرباء فى مصر

قسما بالله انا لا مع الإخوان ولا السيسي ولا مبارك على الإطلاق ..... لكن بمناسبة كلمة ان الإخوان تبع المرشد بكل اسف ده كلام غير صحيح نهائيا .... المرشد هو وبعض مكتب الإرشاد رفضوا ترشيح أحد منهم للإنتخابات وعارض تماما ... تيار خيرت الشاطر وهو الأغلبية هم من تمسكوا بترشيح .... هذا احقاقا للحق لهذا الرجل المحترم الذي اعرفه جيدا والمظلوم فعلا ...
كلمة حق امام الله
اما موضوع الكهرباء بإختصار توقف نهائى الدعم السعودي الإماراتي المالي لمصر لظروف اقتصادية خليجيه. صعبة المرحله السابقة والحالية ... أصبح المصدر الوحيد للدخل في مصر هو الجبايه...ياخد من المواطن .. ليدفع الرواتب ويبني القصور والمدينه الجديدة ....
هيعمل ايه الراجل ......

اقتباس:

المشاركة الأصلية كتبت بواسطة احمد ريان

فعلا لاحظت الفاتوره اللي جت اول الشهر تقريبا 70% زياده برغن نفس الاستخدام تقريبا ..


المشكله في المواضيع دي يا احمد القانون الجديد الي ممكن يتهم الموقع بنشر اخبار تقلب الراي العام الخ الخ
اتوقع انك قريت القانون الجديد وده شيء مخليني بصراحه احذف اي موضوع ينتقد السياسه في مصر او اي دوله عربيه

هنتحبس يا حج

ايوه يااحمد مش احنا بس مصر كلها بتعانى من الموضوع ده نفس الاستخدام مش عارف جابوا الزيادة منين



طبعا اى موضوع او مشاركة مخالفه او ممكن يؤدى الى مشاكل احذفه على طول

انا غير معترض على هذا الامر ربنا مايجيب مشاكل




بس ده احنا بنفضفض زى مابيقولوا

جوانا خنقه بنخرجها عشان ماننفجرش



حتى مش عايزنا نقول حراااام

دى مصر بقى بعد الثورة اللى قامت للحرية والتعبير ؟
مش المفروض المطالبة بالحرية فى التعبير والعدالة الاجتماعية هى السبب فى وجود النظام الان

ازاى بعد كده اصبحت مخالفة وفيها اثارة الرأى العام

التوقيع

يا استاذ احمد حضرتك بتتكلم فى 300 او 400 جنيه

اقسم بالله العظيم الشهر الماضى جارنا فاتورته 10000 جنيه ايوه بالظبط عشرة الاف جنيه و شقته مساحتها 80 متر و مافيش لا تكييف و لا اى حاجه من ده

بعد الشكاوى و اللف نزلوا المبلغ 2000 جنيه و قالوا له هنقسط الباقى

لا تستغرب

انتم مش عارفيين انكم نور عينينا ولا ايه

مش المفروض فيه كمية استهلاك؟و شرائح استهلاك؟
شوف قراءة الفاتورة السابقة و الفاتورة الحالية و كمية الاستهلاك و قارنها بقراءة العداد الحالية

و شوف لو فيه مبالغ متعثرة سابقة (عن طريق مشوار للسنترال)

و ربنا يكرم و يطلع الموضوع خطأ بالسيستم

انا مش حعلق علي الحوار يعني عالماشي كدا لارتباطي بمواعيد دا غير اني تحت السندان اصلا

للاسف انا مدخن سجاير وكلها هنا خاضعه للشرقيه للدخان ايسترن كومبني زي ما كاتبين

المهم لقيت نفسي باصرف واصرف واصرف قلت هو مش انا راجل اقتصاد وبورصه وووو

طيب ما اضارب عليهم واجيب كل اللي خادوه بالشمال اجيبه باليمين واكتر

وفعلا دخلت البورصه وجبت اللي خادوه وزياده واخدت التجاري الدولي في سكتي لانهم كانوا بياخدوا رسوم كده ووالله الذي لا اله الا هو دا حصل

قيس بقي عليها في الاتصالات وكهربا وووقطاعات بالهبل واللي يزعلك أديهوله يا ابو حميد ستاندر

وبكره تشوفوا مصر--- كل واحد يشوفها زي ما هو عايز هي ام الدنيا مش حكر علي احد ---

تحياتي ليكم يا مصريين .........

والله يا اخى عمل كل ده و اكثر من ده الراجل بيلف من مكتب لمكتب و من مكان لمكان و كل واحد يقول له حاجه ييجى موظف تانى و يقول له عكسها

انا روحت معاه يوم واحد بس والله دوخنا و تعبنا وفى الاخر معرفناش نعمل اى حاجه

طب انت راجل فاهم بورصه و خلافه و تقدر تشترى اسهم و تتداول و تكسب طب بالنسبه لباقى الشعب يموت و يخلص يعنى و لا ينتحر و لا يعمل ايه

اللي معاه يعطي للي مش معاه التكافل يا أخي
( طبعا الكلمه دي تتبخر مع الخوف اللي معيشين نفسكم فيه )

وبعدين الموضوع مش بورصه ومضاربات وبس في حاجات تانيه كتير تقدر تنظم بيها حياتك أو حياه غيرك وتقلل من معاناتهم

انت كدا حدخلنا في صناعه وزراعه وحاجات تانيه كتير ...

المشكله في مصر والوطن العربي كله هو الجهل ولعلمك مصر من اغني دول العالم كله

الكل مجمع ان هناك خلل في نظام التسعير وان الزيادة في الفواتير اكبر بكثير من من حجم زيادة اسعار الكهرباء المعلنة

المبادرات جميلة والتكافل اجمل والعلم جدا جدا رائع ............ والاروع من هذا وذاك ان تكون الامور شفافة ويعرف المواطن لماذا يتم اصدار فواتير له باعلى من قيمتها الحقيقية وما سبب هذا الارتفاع غير المبرر ........ ولا اعتقد ان هذه المعرفة وان تكون الفواتير دقيقة تتناقض مع كل المثاليات التي تدعو لها بل هي جزء من هذه المثالية .......... كما ان ازدواجية المعايير ليس من المثالية ولا العلم والرقي في شيئ

رائع ان ندافع عن الاوطان ونرد الهجمة عليها ولكن ليس بالطلب بغض النظر عن سرقه علينة في الفواتير من قبل شركة فهل اصبح الوطن يختزل في شركة ؟؟؟!!!

ثم من يضمن ان هذه الفروق ستذهب الى الموازنة العامة وليس لجيب بعض اللصوص في الشركة ويتم التوريد لخزانة الدولة بالقيمة الحقيقية للفواتير .......... تتوقع صعبه هذه الحركة على كبار اللصوص والتنفذين الفاسدين ؟؟

السلام عليكم ورحمة الله وبركاتة
تقديرى الخاص لشخصك الكريم استاذ احمد
لقد طفح الكيل كنا نأمل فى أصلاحات أقتصادية قوية ولكن الفكر والأشخاص لم يتغيروا
تخيل رفض البنك الخاص بى تحويل من أرباح فى الفوركس والسبب غريب قال لى مدير البنك أن الفوركس حرام
وقلت لة انت تعطون الناس قروض بفائدة كبيرة جدا اهذا ليس بحرام ؟؟ المشكلة استاذ احمد ان مدير البنك سمح لنفسة يتكلم فى الحلال والحرام ولا يفقة شىء
والأن انا احول ارباحى على نيتلر وثم اخاطب شخص احول لة النقود ثم يعطينى بالمصرى
لماذا كل هذا ؟؟ كدة احتكار تداول الدولار على فئة معينة بمعنى ان هناك اجانب يشترون بالبورصة المصرية ويسحبون ارباحهم بالدولار ويحولوها الى بلدهم
واخيرا احب ان أقول رأى بصراحة تامة الرأسمالية ما هى الا أحتكار
وربنا يصلح احوال البلد لما فية الخير
والسلام عليكم ورحمة الله وبركاتة