((((( احذرو شركه انفينوكس كابيتال INFINOX - شركه تسرق وكلائها فمبالكم بعملائها )))))

فوركس ايجل

عضو جديد

تاريخ التسجيل: Jun 2012

المشاركات: 71

معدل تقييم المستوى: 12

26 - 01 - 2020, 10:34 PM

((((( احذرو شركه انفينوكس كابيتال INFINOX - شركه تسرق وكلائها فمبالكم بعملائها )))))

السلام عليكم ورحمه الله وبركاته

(((احذرو شركه انفينوكس INFINOX شركه تسرق وكلائها فمبالك بعملائها !!)))

انا هحكي لكم تجربتي مع الشركه النصابه دي عشان الناس تاخد بالها منها وتفهمو كويس هما بيلعبو ف الحسابات ازاي مع الوكلاء الي هما شغالين معاهم وبيجيبولهم شغل يعني جزء منهم ورغم ذلك بتلعب معاهم وتسرقهم فتخيلو ممكن يعملو ايه بقي مع العملاء !!!! وهو دا مطبخ الفوركس الي بيتكلمو عنه

...بيطبخو النصب واللعب في السبريد والسرقه والكدب !

• الموضوع بدأ لما حد من الشركه كلمني علي لينكد ان وتواصلنا تلفونيا وسالتلهم عن الشركه الي اول مره اسمع عنها وانا خبرتي في السوق تقريبا داخل في 11 سنه والاسبريد كام عندكم قالي 1.4 علي اليورو وذكر الاسبريد لباقي العملات ..اتكلمت علي عموله الاي بي قالي تعالا الفرع نتكلم افضل وكنا اتفقنا في التلفون علي 9 دولار عموله من سبريد 1.4 وفيه مميزات تانيه هتعرفها من الفرع لما نتقابل وكنت جبتلهم عميل واودعتله في نفس الوقت قبل ما يجيلي عقد من الشركه .

• المهم قلت لموظف الشركه الريبيت الي هيعمله العميل اخده باثر رجعي قالي ايوا .لاني طبعا مكنش اتفعل الاي بي لسه ولا دخل العميل تحت وكالتي . ( طبعا بعد كدا لا رجع ليا ريبيت باثر رجعي ولاغيره ..المبلغ كان بسيط طبعا لكن بوضح بس انهم مش بينفذوا اي وعود ولا كلام ليهم من البدايه.

• رحتلهم الفرع في 12 شارع مصدق الدقي ادور ع الشركه لقيتها شقه معفنه طبعا .المهم دخلت الشقه دي شويه بنرات وعلي شويه مكاتب معفنه وغرفه اجتماعات دون المستوي .. المهم يعني بتدي انطباع انها شركه فول وطعميه لاي واحد دخل مكاتب وشركات فوركس عالميه في دبي او اي في مكان فالعالم بياخدو مكان يليق بشركه مالتي ناشونال .طبعا البدايه انطباع مخيف ... قولت ماعلينا نسمع منهم ونشوف .

• جالنا بقي الشخصيه الجميله الي اسمه مدير الشرق الاوسط للشركه السيد اسامه عبد الله ...اتعرفنا ودردشنا شويه عن الشغل وخبرتي وشغلي مع الشركات والخ ,, بدأت مفاوضات مع الشركه عن العموله والمميزات وهكذا ..وصلنا لاتفاق في النهايه ان الاسبريد هيكون مثلا 1.9 بدل ما كان 1.4 عشان حساب اسلامي بيضفو نص نقطه يعني قال عشان يبقي اسلامي ويغطي .وانا عمولتي 15 دولار للحسابات الاسلاميه والحسابات الغير اسلاميه 11 دولار بعد مفاوضات كبيره...الخ وصلنا للاتفاق دا وبعتله ايميل بعد الكلام عشان يبقي موثق وميغيرش الكلام الشفوي بينا .

• جينا بعد كدا الراجل البركه دا قالك لما توصل 50 الف دولار ايداعات هنسفرك لندن تاخد كورس معتمد من بورصه لندن في شركه تبعنا مدته اسبوع وبتاخد شهاده قيمتها 10000 دولار غير تكاليف السفر ...قولت كويس ميزه حلوه . وقالي كل 50 الف دولار تسافر بلد سياحيه تتفسح او ممكن تاخد القيمه كاش – قولتله وبعد اول 50 الف نسافر اي دوله تانيه مثلا منا بنتكلم ع البهاما الي فيها تراخيصهم قالي لا انا عايزك تاخد شهاده تانيه من لندن انك مدير محافظ معتمد من هيئه FCA وشهاده نادره ومش اي حد بيعرف ياخدها وهتفيدك في اداره الحسابات . قولت كويس والله بصراحه وللامانه هما دول السببين الي خلاني اشتغل معاهم او الميزه عن باقي الشركات لانه العموله عندهم مش فارقه عن باقي الشركات وقليله عنهم وانا كنت بقولهم اصلا لولا الميزه دي مكنتش اشتغل معاكم اصلا ولا اسيب الشركات الي شغال معاها من 10 سنين .ودا الحافز الي هيخليني افكر اجيبلكم عملائي .

• في اجتماع تاني مع السيد اسامه بعد ما اتفقنا علي انه العموله بتاعي 15 دولار وحسابات اسلاميه اشتكيت من الاسبريد العالي المفروض يكون علي كلامهم ع اليورو مثلا 1.9 بعد لقيته 2.3 وقالي هشوفهولك ومش عارف ايه .واكتشفت لاحقا منه انها هو الي رافعه بمزاجه وهو اعترف بكدا في اجتماع معاه وهحكيه لاحقا !

• جيت طلبت اضيف عموله علي العملاء بتوعي او مارك اب لاني بديلهم خدمات او بديرلهم محافظ بدل ما اخد نسبه وبعتلهم العموله الي عايز اضيفها عشان يعمل جروب ليها وابعت ايميل .الاقيه يقولي لا متفقتش معاك علي العموله 15 دولار دي وانا متفق علي 9 دولار وانت تاخد العموله نص نقطه بتاع الحساب الاسلامي وهو كان بالفعل رفعها في حساب الاي بي بعد ما جبتله ايداعات وصلت تقريبا 25 الف في اول شهر .المهم دخلنا في خلاف وشد وجذب وهو كان مسافر يصيف .قولتله انا هتكلم مع حد في الاداره في لندن ألي هو سام مدير المبيعات العالميه .والاستاذ احمد محمد هو الي كمل معايا الاتفاق وقالي انا هحل الموضوع المهم قالي هيكون الريبت 11 للحسابات الغير اسلاميه والحسابات الاسلاميه 13 بدل 15 ومش هقدر اجيب اكتر من كدا ...قولتله خلاص ياحمد موافق عشان خاطرك وقالي العقد هيتبعتلك فيه العموله بعد يومين ولا حاجه وبقالي 4 شهور معاهم من غير عقد واضح وصريح ...وطبعا كل دا الجروبات متعملتش

• رجع السيد اسامه من المصيف واحمد قالي ابعت الجروبات ع الايميل عشان نعمولهولك ع العموله الجديده . المهم بعته للاستاذ اسامه لقيته بيقولي ف الايميل ان الاتفاق الي احمد جابه من لندن برضو مش هينفع ومش عارف ايه وبيقولي كلام تاني بعد ما احمد في اجازته كان جاب الاتفاق دا . المهم لقيت كل شويه الكلام يتغير ومفيش وضوح ولا عارفين هما بيعملو ايه . قولت اشتكي في فرع لندن كدب السيد اسامه وتغيير كلامه وعدم الالتزام بالوعود وبالفعل بعت للسيد سام البريطاني وكلمته اكتر من مره كان مسافر شغل وسايب تلفونه وبعتله علي كل طرق التواصل والايميل بيشوف ومبيردش وطنش ... المهم حطيت السيد اسامه في احد الايميلات وعشان اشتكيته في الايميلات لمديره في لندن قولتله انك كداب وبعت لمدير الاثباتات انه كداب دخلنا في خلاف وبدأ هو بقي يلعب في حساب الوكاله بتاعي ...راح باعت ايميل يقولي لازم تبعت خطه عمل لانك بتهرب منها والا هنخفض الريبيت لو مبعتش الخطه قبل يوم كذا ...المهم راح مقلل العموله لاقل حاجه عندهم 5 دولار وانا كنت باخد 15 دولار وحتي قبل انتهاء المده الي المفروض باعتها في الايميل ... رغم انه بيقولك انا مرفعتهاش ومثبته في حساب الوكاله انه كداب وكنت باخد بالفعل العموله دي وهو حتي باعتلي واتس انه كان رافعهالي ل 15 بعد ما جبتله ايداعات وصلت 25 الف تقريبا .المهم حتي مستناش المده الي باعتها ف الايميل عشان ابعتله الخطه وراح منزل العموله دي اول حركه . النقطه التانيه راح شايل المارك اب من علي العملاء الي كنت ضايفه لاني كنت بدير الحسابات ليهم مقابل مارك اب بدون نسبه .هو كان ضايفه اصلا بدون اذن العملاء ولما اختلفنا بقي قال لازم رسمي من العملاء ههه ! وبعت ايميل لازم موافقه العملاء علي المارك اب لان مينفعش اضيفه الا بموافقه العملاء ودا غير قانوني وانه كلمنا العملاء بتوعك واشتكو من العموله بتاعك وعشان كدا قولتله كداب لان العملاء بتوعي موافقين وبعتهوله ايميل ومكلمش حد فيهم...المهم كلمت العملاء وبعتهوله الميل ليه ولاحمد محمد في نفس الساعه الي طلب فيها ايميل وميشيلش المارك اب و عشان يضيف المارك اب تاني ..مضافوش برضو عشان الخلاف الشخصي مع انه بيضيفه من جهازه في مصر وعنده صلاحيه بكدا وبيقدر يزود الاسبريد ويلعب براحته . يعني اي خلاف شخصي معاهم مش بيلتزم باي عقود او اتفاقات او ايميلات رسميه من العملاء .وهو بيعمل كدا يعني عشان يضايقني عشان غلطت فيه وقولتله انت كداب قدام مديره وانك مدير فاشل والشركه هتفشل باداره شخص مبيفهمش حاجه في المجال زيه وعشان بتغير وعودك وكلامك ....اه صحيح بعد تقريبا ما جبت ايداعات 25 الف لقيته بيقولي انه سفر لندن والكورس هيبقي علي مبلغ اعلي عشان احمد قالهم في لندن انك جايب عميل ب 700 الف في شركه تانيه ومش عارف ايه فطلبو رقم عالي فوق ال 50 الف الي متفقين عليها واي كلام هبل وكدب . قولتله انا مقبلش الكلام دا طالما في اتفاق يبقي تلتزمو بيه حتي لو جايب مليار في شركه تانيه .في بينا اتفاق ...قالي منتا بتاخد ريبيت عالي نزل الريبيت وانا اسفرك طب نزل الريبيت 2 دولار وانا اسفرك قولتله يعني شركه كبيره و10 سنين ف السوق بتفاصل في 2 دولار هما دول الي هيخلوها تقدر تسفرني ...المهم قعد يقولي هحاول معاهم ...الخ والي اكتشفته بعدين انهم فرق الاسبريد الي وصلوه ل 2.3 ع اليورو بدلا من 1.7 الزياده دي هيا بيديهالك كمارك اب زياده عليك مش من الشركه .
• يعني هو اي حاجه عايز تاخدها هيديلك بس هيضحك عليك ويرفع عليك الاسبريد ويقولك اصله متحرك .المشكله انهم اغبيه جدا وانا بحب اعمل نفسي عبيط ...انا اشتغلت في شركات فوركس وعارف بيحصل ايه والمشكله اني قايلهم انا فاهم كدا عشان يبطلو لعب ...لا مفيش فايده وفاكرين نفسهم اذكيه وبيستخفو بعقولنا .

• المهم احمد محمد اتدخل وقالي تعالي الشركه وهنحل الموضوع بالتراضي طبعا بعد ما ضيع عليا تقريبا فرق عموله 2000 دولار راحو عليا . قولت لاحمد انا هاجي اعتذرله عشان انا غلطت فيه وقولتله انه كداب رغم انه كدا فعلا وبيغير كلامه كتير جدا وملوش كلمه ولا اتفاق .رحت الشركه واعتذرتله ...الخ وطلب مني احمد ابعت ايميل رسمي ليه واحط سام مديره البريطاني فيه عشان يبقي شكله حلو يعني ...قولت مش مشكله وبعتله عشان نمشي الدنيا . ورجعنا نعيد الاتفاق من الاول وكانت شروطي اني مش هتنازل عن السفريات والاتفاق عند كل 50 الف لانه انا اخدت الاتفاق دا وبعد كدا الشركه رفعته 200 الف بدل 50 الف . قولتله الشركه ترفعه براحتها ع الاتفاقات الجديده انما انا واخد اتفاق يبقي يتم الالتزام بيه. المهم عم اسامه قالي انا مش هقدر اديلك سبريد اكتر من 7 دولار والاسبريد هيبقي 1.7 وحساب اسلامي الدهب 1.9 حساب اسلامي لانه اصلا كان كله شويه لخطبه الحساب تلاقيه اسلامي ويومين ويبقي مش اسلامي ...لعب مشفتش زيه في 10 سنين فوركس .المهم قالي اي زياده فوق 7 دولار عموله هزود الاسبريد ومش عارف ايه ودا اقصي حاجه ...ونزلت العموله ل 7 دولار .وقالي هعوضك عن الخساره دي وهتكلم معاهم في سفر لندن وهرد عليك يوم الاربع ...المهم الكلام دا كان من شهرين تقريبا ....اكلمه الاربع يقولي بيحدثو الموقع ...اصلي مسافر ...اصل مش عارف ايه ...وتحوير وانا كنت في يومها لما قعدت معاه قولتله كعربون صلح جبتله ايداع ب 20 الف بعد ما مشيت من عنده بساعتين وقولتله انا صالحتك وانا كدا عديت ال 50 الف يبقي انا وفيت بوعدي انتو توفو بوعدكم ..لو كنتو اتفقتو من البدايه انه السفر عند 200 الف مش هقولك حاجه انما متغيرش كلامك بعد الاتفاق وجبتلك ايداعات ...المهم فضلت في ممطاله وووعود انه خلاص الموضوع هيتظبط واكلمك تاني بعدها يقولي مرضوش بعد 3 شهور كلام ولف ودوران وحورات كبيره يقولي كدا ..قولتله انا مش موافق بالكلام دا قالي طيب هقابل سام في الكويت واقنعه وش لوش بس بعد 20 يوم قولت ماشي انا استنيت كتير ...عدو ال 20 وبعت لاسامه ولاحمد وقالي هنرد عليك بعد 3 ايام ... والاقي احمد بيكلمني يقولي جواز سفرك جاهز قولت خير ...لقيته بيقولي هتسافر في شهر 3 اي دوله اوروبيه مش هينفع لندن لانها هتكلفنا كتير واي كلام ملوش لزمه ( احمد انا بعزه ع المستوي الشخصي طبعا ودا مش كلامه لانه هو ف النهايه بينفذ كلام الشركه وخلاص ... قولت ف نفسي هقوله ماشي عشان اشوف جديه كلامه وقولتله انا عايز السفر الشهر دا مش ف شهر 3 علي اسس اختبرهم واشوف جديتهم هينفذوا ولا هيماطلو كالعاده وبيسكتوني عشان اجيب ايداعات اكبر وقولتله طالما سفر شخصي مش محتاج استني لشهر 3 قالي لا اصل في كام واحد هيسافر معاك قولتله هو لو اجتماع او سيمنار لعدد معين هقولك ماشي انما دنا لوحدي يبقي ايه لزمته انتظر 4 شهور . طبعا قالي مش هينفع غير ف شهر 3 عشان في ناس كتير مسافره ...قولتله انا عايز دلوقتي قالي مش هينفع غير بعد شهر 3 ...المهم بقي شوفو الحقاره وقد ايه بيلعبو في الحسابات ...كنت لقيت لاسبريد زاد ع الدهب 1.8 نقطه فجاه كدا واليورو والازواج التانيه نص نقطه والكروسات زادت نقطه لنقطين بالهبل كدا ...فكلمت احمد قالي هشوف وارد عليك ..تاني يوم كلمته قالي اه الاسبريد زاد قولتله هو بيزد فجاه كدا بمزاج الشركه قالي اه امال بمزاج مين ...قولتله مش تشوفو اسبريدات الشركات التانيه وكذا وكذا ...قالي اه هما قررو يزود الاسبريد نقطه كمان ع الحسابات الاسلاميه والشركه بتزود بمزاجها ! وياريتهم بقي علي كلامه بيزود نقطه فعلا لا دا انت تلاقي الكروسات زادت بالنقطيتن تلاته لو في عميل بيتاجر بزوج كتير يزود نقطه ونص عالماشي ..انا فاهم لعبهم كويس فقولتله انتو مزودين بقي الاسبريد علي حسابات العملاء عندي عشان تجيبو تكلفه الرحله الي لسه بعد 4 شهور بهزار كدا يعني قالي لا طبعا دي زادت علي كل العملاء ف الشركه ...طبعا انا خدت كلامه وعملت نفسي اهبل وسكت وعارف ومتاكد تماما انهم مزودينها عليا انا بس عشان يجيبو تكلفه الرحله لان دا مبدأهم لو عايزين يدولك هديه او مكافأه يزودو الاسبريد عليك عشان يجيبو تكلفتها .. حتي لو زودوها ع الكل ودا محلصش مكنتش هقبل اكمل مع شركه بالهبل دا تصحي من النوم تزود بدون اسباب رغم ان الشركات بتقلل عشان تكسب عملاء اكتر دا حد رده يدل انهم مش بيفهمو ابعاد الكدبه الي بيقولوها ولا هيبقي تاثيرها ايه ف الماركت لما الناس تشوف شركه صحيت من النوم قررت تزود الاسبريد ...دا يدل علي عدم الخبره في الاداره وعدم الفهم .المهم انا عارف الاسبريد الطبيعي للشركه من 1نقطه ل 1.2 نقطه عالازواج الرئيسيه وبيضيفو نص نقطه بيبقي من 1.4 ل 1.7 والدهب 1.9 ل 2 نقطه ...من خلال حساب عندي لعميل نسيو يرفعو عليه الاسبريد وربنا كشفلي غبائهم ...وفعلا مزودوش الاسبريد علي الكل زي ما بيقولو والكلام المتخلف دا .وجبت حسابات تانيه تحت وكلاء تانيه معايا صوره ليها لقيتها فعلا مزادتش الا عندي واكتر من حساب عميل ...واتاكدت انهم ضايفين عندي انا بس .فطبعا اخدت القرار هسحب عملائي واحذر من مثل هذه الشركه الرخيصه ...وانا غلطت فعلا اني كملت مع شركه حقيره زي دي رغم اني شفت تحذيرات منها كتير بس للاسف كنت استعجلت وسيبت الشركات الكبيره الي شغال معاهم ورحت لشركه زباله بالشكل دا ...انا مش بحذر منهم عشان عايز سفر او عشان عايز مقابل ...لا انا بس بحذر منهم عشان محدش يغلط نفس غلطتي ..وهوريهم انا هعمل فيهم ايه لسه ..عشان بعد كدا يبطلو يستخفو بالعملاء والوكلاء ويحترموهم .وانا هحطلكم سكرين شوتات تثبت كلامي كله وعندي مكالمات متسجله فيها كل الكلام دا ليهم ووريني ينكروه ازاي .شركه زي دي يتخاف منها جدا ان واحد شغال فالشركه قاعد يلعب بمزاجه بدون احترام لعقود وقوانين او جهات رقابيه حتي ضعيفه او قويه ..يرفع اسبريد ينزل سبريد ويغير حسابات ويشيل ويحط وحتي لما اشتكتيه بالادله لمديره في لندن مش يهتم بقي ويحل المشكله وكنت فاكر اني بشتكي لكيان محترم ...لا معملش حاجه وسابه عادي كدا يعني عصابه مع بعض ومتفقين .
•
• وانا قاعد معاهم ف جلسه الصلح هههه قالي هديك سبريد مميز وهميزك ف الهدايا الي عاملينا بمناسبه مرور 10 سنين دا ودخل من الجهاز بتاعه نزل الاسبريد الزياده الي كان ضايفه ..يعني بيلعب براحته مع اي حد !!! ولو علاقته كويسه يظبط الاسبريد وحشه يزوده .! ..شركه شغاله بالمزاج ولعب براحتهم ! مصيبه كبيره انه شركه تدي صلاحيات لواحد يلعب في الحسابات بمزاجه والمشكله انهم مبيفهمش حتي !

• الهدايا الي بيقولو عليها دي هنديلك ايفون ولو حققت 400 لوت تاخد عربيه او 20 الف دولار كاش والحاجات الي كانت محطوطه ف المعرض دي... كلها نصب بيزودو الاسبريد عليك وانت الي بتشتري الحاجات دي من جيبك ..الشركه لما بتعمل هدايا بتدفع من جيبها ..مش بتضيف عليك اسبريد وتزوده وتبقي واخده تمن الهديه منك وتقولك انا الي جايبلك .....اسلوب رخيص جدا ومبيفهموش حاجه في الماركتنج ...لما تتعامل معاهم تحس انك بتتعامل مع شركه علي باب الله كدا حاجه بلدي ماشيه بالبركه او مصلحه حكوميه ...هاتلك مكتبين علي كام موظف ويلا ...هيجيلك الاحساس دا كدا لما تتعامل معاهم موظفين مش فاهمين حاجه ف المجال ...( طبعا في منهم اشخاص كويسه وانا بعزهم ع المستوي الشخصي ) وبيجيبو ناس مبتدئه في المجال مش بيعرفو يكلمو العملاء اصلا ازاي ويطلعو اسرار العملاء بكل سهوله وكذا وكيل محترم اشتكي منهم ...العيب مش عليهم لانه مديرهم اصلا مش بيفهم حاجه ...للاسف كنت بتعامل معاهم مضطر لحد ما اخد حقي لاني كنت جيبت ايداعات معاهم قرب 100 الف دولار في شهرين .وفي نفس الوقت لو ليك عند الكلب حاجه قولي يا سيدي ..رغم اني مضايق كدا واول مره اتعامل مع شركه بالمستوي المتدني دا علي مدار 10 سنوات خبره في السوق وكنت بقولهم انا مشفتش زيكم خلال 10 خبره ف السوق .

• انا نسيت اقولكم سوحوني شويه برضو في موضوع اننا نفتحلك فرع او فرانشيز وانت تديره وتجيب موظفين ومش عارف ايه ودخلنا في شهر مفاوضات نعمل مكتب ف اسكندريه الخ ... وبعدين شركه تفتح الفرع ف اسكندريه وتجيب الفريق ...لشويه التكلفه عاليه ...لشويه لا ابدأو من غير مرتبات ...واشتغلو بعموله ...المهم الموضوع كله في النهايه عايزك تدخله شغل ويقولك اجربك فتره وبعد كدا نبدأ ...الهدف يعني انه ياخد عملائك والاي بي الي هتجيبهم وبعد كدا يقولك لا اصل الشغل مش عارف ايه ...يعني لا تتخيلو كميه اللف والدوران والغموض مع الشركه دي ...تحس دايما انه مش عارفين يعملو حاجه سليمه وواضحه من كتر اللعب واللف والدوران ...قال يعني كدا شاطرين وبيعرفو يتفاوض ويهندل العميل ...وهما اصلا مبيفهموش حاجه والله ف الماركت ...(اكيد قالو لوكلاء كتير زيي كدا ).

- المهم فجأه لما طلبو مني صوره السبريد العالي لان بلغت احمد اني فاهم الحركات وعندي اثبات انكم رفعتوه عليا بس قالي ابعتلي ووريني ..ومبعتش حاجه ومردتش عليهم وقولتله انكم مصممين تخسروني وتخسرو سمعتكم لما اتاكدت من اكتر من حساب انهم رفعو الاسبريد عليا فقط وعملائي عشان يغطو تكلفه الرحله وقالي يعني بقي كدا هيدوني رحله سياحيه واو .. واتبسط ..رغم اني كنت مش هوافق عليها ..بس قولت اختبرهم هينفذوا بقي كلامهم ولا يقولك استني لشهر 3 علي ما يكونو جابو التكلفه ..او ادخلهم شغل جديد او ممكن بعد كدا يطلعو اي حجه يوقف بها الشغل ...اي حاجه يعني المهم يماطلو 6 شهور كمان فوق ال4 شهور الي السابقين .!
-
- المهم السيد اسامه الاوفيس بوي دا لقيته باعتلي ايميل بيقولي احنا هنجمد حساب الوكاله يوم السبت وكاتب التاريخ غلط كمان شوف لدرجه ايه مبيفهمش ههه وهو باعتلي الايميل يوم الجمعه ...وبيقولي اجيب ايداعات وهنضطر نجمد حساب الوكاله ونخفض العموله لاقل حاجه عشان مجبتش ايداعات من زمان وشويه هبل كدا هبقي احطلكم صوره الايميل !!
- الكلام دا فجاه كدا عملو بعد يومين من اني رفضت الرحله المزيفه بتاعهم بعد ما رفعو الاسبريد وكشفت كدبهم ! طب ازاي كنا لسه حبايب من يومين وخلاص بتصالحوني وهتعملولي رحله وفجاه كدا تبعتلي ايميل بتوقف الشغل بشكل غير قانوني واي تخاريف !! فهتمو ليه ؟ عشان بس هما حمير وانا كشفت رفعهم ولعبهم في الاسبريد ولما رفضت الرحله وقولتلهم هتخسرو سمعتكم فراح باعتلي الايميل الاهبل زيه !! الي حتي مبيعرفش يتكتب تواريخ صح سبتمبر من ديسمبر هههه .
- ...الساده الوكلاء المحترمين عمركم شفتو شركه بتهدد الاي بي ولا بتطالبه بتارجت شهري والا تقفل الوكاله ؟ ...والله شغال مع شركات من 10 سنين وما جبتلهم ايداعات بقالي 6 سنين مثلا ولسه كل حاجه شغاله والناس بتكلمني باحترام جدا وتتواصل معاه وتطمن وتحاول ترجعك للشركه من تاني مش زي شويه الحمير دول ...يقولي ف خلال 12 ساعه لازم اجيبله حسابات جديده واناا اصلا حاليا في حسابات كانت شغال في حدود 40 الف دولار ويقولك هقفل الوكاله عشان مجبتش حسابات جديده بقالك شهرين ...ما هو طبيعي يا حمار مجبتش حسابات لانه شايفك راجل ملكش كلمه ولا اتفاق وبشتغل معاكم وانا مش واثق فيكم اصلا لانك مش بتوفي وعودك ...يبقي منطقي مش هجيبلك شغل جديد الا لما تديني حقوقي وتثبتلي انك قد كلامك ...ومفيش شركه ف الدنيا بتكلم الوكلاء بالتهديد والاسلوب البلدي والبيئه دا ...لكن هو بيدور يعمل اي حاجه وخلاص عشان عرف اني هقلب عليه الطربيزه وافضحه ولسه قبلها بيوم كانو بيقولو هنسفرك والمشكله اتحلت لكن لما كشفت انهم رفعو الاسبريد عشان يغطو الرحله وكشفت سرقتهم قالك نلحق بقي نتغدي بيه قبل ما يتعشي بينا ...الشركات يالي مبتفهموش بقت توظف تيم كامل تخصصه customer satisfaction and loyalty عشان تحافظ ع العملاء والوكلاء وتساعدهم ازاي يكبرو الشغل ...مش حمير زيكم بس انتو شركه زباله ..ولا مش شركه دا تحسهم بتوع مصلحه حكوميه وجو مدام عفاف في الدور الرابع .

- وطبعا راحو كلمو كل العملاء بتوعي اتفرجو بقي ع المسخره والشغل البلدي ...قال ايه بيحاولو يخلو العملاء يشتكو بالعافيه من الاسبريد عشان ينزلو المارك اب بتاعي ..الي اصلا العملاء باعتين الف ايميل ومكالمه انهم موافقين يعني ..لكن يكلموهم باسلوب بلدي اوي وهوريكم الشات والمكالمه متسجله ...عمالين يلفو ويدورو ع العميل عشان يشتكي من الاسبريد ...ورغم ذلك شال المارك اب بدون اذن العميل ..وقبل كمان ما العميل يبعتله ايميل رسمي او يطلب منه يشيل الاسبريد ...لا شاله فورا وبدون ايميل ..ومع ذلك شالو المارك اب من حساب الوكاله عندي ...بعد كدا العميل قالهم ضيفو السبريد انا موافق ومقولتش شيلوه والوكيل بتاعي يعمل الي عايزه وانا موافق ...راحو مزودين الاسبريد تاني ...ومزودوش المارك اب بتاعي ...يعني شوف النصب والسرقه ...وهرفعلكم المكالمه الجميله عشان تضحكو وتشوفو قد ايه مستواهم في النصب عامل ازاي والاسلوب الرخيص وعدم الخبره ...وبيتكلمو ازاي مع العملاء .., وهحطلكم اثبات بالساعه والصوره انهم خفضو المارك اب بتاعي وسايبين الاسبريد عالي ب 2 نقطه او اكثر رغم ان العميل قالهم متنزلوش حاجه وانا موافق وشالوه في لحظه ...وياكلو حقوقي ويعيد ويزيد في الكلام تاني معاه عشان يشوفو اي حجه يينزلو بيها المارك اب بتاعي ( طبعا احمد غلبان وانا بعزه عالمستوي الشخصي ..ودا مش كلامه انا عارف هو بينفذ طلبات المدير الاوفيس بوي .

- تلخيص للكلام الكتير دا كله .... الشركه دي لو في وكلاء بيتعاملو معاهم ..اتاكدو كويس انه العموله بتاعكم بتنزل صح لانه احيانا معايا كانو مبينزلوش صفقات وتضيع عليا .

- اتاكد انو الاسبريد معاهم 1.5 ل 1.7 مش اكتر من كدا عشان بيلعبو كتير اوي فيه ممكن يضيفو ب 0.2 ل .5 ع العملات الرئيسيه وهقولك احنا اقل من الشركات التانيه ...متفهمش بقي الزياده دي بياخدها الموظف ولا بيعملو بيها ايه ..لانه بيلعبو كتير واتاكدو من فروع الشركه في تايلاند او اي فرع تاني هتلاقيهم شغالين من اول 1.2 نقطه .

- اتاكد لو ضيفت مارك اب علي عمليك انه الشركه الجميله مضافتش عليك حاجه زياده ليها .اصلهم لما كنت بضيف مارك اب بيضيفو لنفسهم حاجه ..اه طبعا لازم يطلعو باي مصلحه .
- الجوايز والمسابقات الي بيعملوها من جيبك مش منهم ...ضايفين عليك الاسبريد زياده 100% .

- مش هيدولك اي وعود ولا سفريات كله كدب ووعود ع الفاضي ...ولو في اي اتفاق يبقي بعقد رسمي او ايميل رسمي ...وحتي دي مش مضمونه معاهم لانه مش بيحترمو العقود بتاعهم خالص ..

- عندهم ضرب ستوب بالهبل قبل الوصول للستوب وكذلك قبل الوصول للتارجت ... هحطلكم كل الصور والاثباتات لصفقات كتير جدا .ويقولك معنديش غير سيرفر واحد ومعندناش لعب ...دا لعب بالهبل في اسبريد وسلبيدج وكل حاجه تحبها .

- عادي جدا تلاقي الاسبريدات مختلفه لعميل عن عميل تاني حتي لو نفس الجروب او نفس الشروط واحده ..متفهمش ازاي يعني تلاقي حساب مثلا الاسبريد عليه 2 نقطه وحساب زيه بالظبط بنفس الشروط تلاقيه 2.2 ...مش مشكله يعني ياخدو دولارين زياده ف السكه اهو اي حاجه ع الماشي وهحطلكم اثباتات برضو وتاكيد لكلامي .

اسف للاطاله الكبيره دي ...خليهم بس يطلعو يقولو كلمه عكس كلامي ...انا عندي كلامي بالادله ...والمكالمات مسجله وهرفعها الان...مش بكدب زيكم ولا ليا مصلحه ...ولا طالب منكم فلوس ولا بساومكم علي حاجه ...لكن هخسركم اكتر من الي اخدوته مني او حقي الي مفروض اخده ... وانا مش بسيب حقي ... وانتظرو المفاجأت الي جايه مني الفتره الجايه ليكم .عشان بعد كدا تتعلمو لو بقي ليكم عملاء تعرفو تتعامل معاهم باحترام وتبطلو سرقه ولعب ...جايز يبقي درس ليكم تتعلمو ويبقي عندكم سياسه واضحه في الدكان الي انتو فاتحينه دا .

[عذراً, فقط الأعضاء يمكنهم مشاهدة الروابط ]

أحـمـد

عضو سوبر

تاريخ التسجيل: Mar 2010

المشاركات: 10,028

خبرة السوق: اكثر من 10 سنوات

معدل تقييم المستوى: 25

رد: ((((( احذرو شركه انفينوكس كابيتال INFINOX - شركه تسرق وكلائها فمبالكم بعملائها )))))

26 - 01 - 2020, 11:08 PM

يعنى انت دخلت المكتب لقيته محل فول وطعمية (وبرده استمريت معاهم وجلبت لهم عملاء )
الشخص ده اعترف انه بيزود الاسبريد بمزاجة (وبعدها تفاوضت معاهم على زيادة عمولاتك)

طيب ايه الفرق بينك وبينهم ؟
انت بتبحث عن مصلحتك بدون مراعاه اموال العملاء

وهما كمان بيبحثوا عن مصلحتهم بدون مراعاة حقوق الوكلاء

سليم بشر, tarik113, khaledjom and 2 others like this.

التوقيع

قال المتنبى

فإن سمعت كلاماً فيك جاوزه ... وخل قائله في غيه ساري
فما تبالي السما يوماً إذا نبحت ... كل الكلاب وحق الواحد الباري
لو كل كلب عوى ألقمته حجراً ... لأصبح الصخر مثقالاً بدينار

أبو أحمد الهوارى

عضو نشيط

تاريخ التسجيل: Dec 2014

المشاركات: 261

معدل تقييم المستوى: 10

رد: ((((( احذرو شركه انفينوكس كابيتال INFINOX - شركه تسرق وكلائها فمبالكم بعملائها )))))

27 - 01 - 2020, 01:07 AM

والله قطعت قلبى ياكبد أمك يعنى لولا الخلاف بنكم كان زمانك شغال مع بتوع الفول والطعمية وبتأكل الناس ليهم عادى إن شاء الله حسابك مع المولى عز ووجل يوم الحساب يا ضلالى.....

سليم بشر likes this.

mota7adi

عضو جديد

تاريخ التسجيل: Jan 2016

المشاركات: 19

معدل تقييم المستوى: 0

رد: ((((( احذرو شركه انفينوكس كابيتال INFINOX - شركه تسرق وكلائها فمبالكم بعملائها )))))

27 - 01 - 2020, 08:23 PM

لم تقل اخدت كم عمولك في طول شغلك معاهم ؟

Rock

عضو ذهبي

تاريخ التسجيل: Apr 2011

المشاركات: 14,766

خبرة السوق: 5 الى 10 سنوات

معدل تقييم المستوى: 28

رد: ((((( احذرو شركه انفينوكس كابيتال INFINOX - شركه تسرق وكلائها فمبالكم بعملائها )))))

27 - 01 - 2020, 08:29 PM

لا حول ولا قوة الا بالله
انا شوفت يوم آمس بوستات عديدة على جروبات الفيس عن هذه الشكوي وقراءة الاثباتات بالكامل
وبصراحة شعرت اننا ما زال وسنزال بمصيدة مافيا باك جراوند السوق بمعنى الكلمة مستاء جداً من الامور دي وياتري ايه تاني بيدور مع شركات اخري ومستخبية ، واعذرنى انا مثل الاخوه بلومك انك كنت بتتفاوض معاهم فى زيادة الاسبريد او خلافة بس ده مش موضوعنا حالياً ولكنه موضوع مهم لا يقل اهمية عن مشكلتنا الاساسية مع الشركة اللى بتشتري وكلائها وبتفرشلهم الارض ورد من سفريات واموال ومميزات وكمان بتطلب تارجت من الوكيل زي ما الشركة بتطلب من موظفيها

الشركات دي لازم تقفل مكاتبها المنتشرة في القاهره الكبري و مقاضاة مسؤوليها

التوقيع

كن عظيماً ودوداً قبل أن تكون عظاماً ودوداً

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ما رايكم في شركه نور كابيتال ماركتس ؟	bodominjarvi	منتدى تداول العملات العام	8	30 - 04 - 2012 12:54 PM

((((( احذرو شركه انفينوكس كابيتال INFINOX - شركه تسرق وكلائها فمبالكم بعملائها )))))

التوقيع

التوقيع

روابط سريعة