• 9:55 مساءاً
logo




خطة لادارة راس مال صح=(تدبيل حساب+امان تام لراس المال)

إضافة رد
Like Tree2Likes
  • 1 Post By tarik113
  • 1 Post By كيمو فوركس

الصورة الرمزية كيمو فوركس
عضو جديد
تاريخ التسجيل: Jan 2020
المشاركات: 44
معدل تقييم المستوى: 0
كيمو فوركس is on a distinguished road
28 - 02 - 2020, 06:23 PM
  #1
كيمو فوركس غير متواجد حالياً  
افتراضي خطة لادارة راس مال صح=(تدبيل حساب+امان تام لراس المال)
السلام عليكم

النهارده باذن الله هيكون الموضوع عن خطة لادارة راس المال
يمكن تخلي حد بيخسر دايما
تحافظ علي راس ماله ويقدر يدبل حسابه باقل مخاطرة ممكنة للرصيد

اول حاجة احب اشكر جدا استاذ محمد صلاح (السكندري)
:icon26:[B][SIZE=5][COLOR=#006400]
صاحب موضوع ادارة راس المال وخطط تدبيل الحساب

انا استفدت كتير من الموضوع بتاعه والخطة دي مقتبسة من موضوعه
وده حقه علينا نشكره علي ذوقه واخلاقه في مساعدته وردوده علي الاعضاء كلها
حتي الردود المسيئة مع انه بيحاول يساعد لوجه الله يخليك تربح سواء من موضوعه ده
او من مواضيعه



تاني حاجة الموضوع ده لوجه الله الكريم رجاء لو استفدت ادني استفادة
دعوة باصلاح الحال لينا وللجميع
:icon26:

تالت حاجة بالله عليكم بلاش الهجوم علي اي موضوع بدون اي مبرر
الموضوع برضه مطروح للمناقشة والتطوير اكتر واكتر للاستفادة لينا كلنا
لان بدل ما نضيع وقتنا في الخلاف الافضل نعرف ازاي نربح من السوق اللي كله مخاطر ده
الموضوع عبارة عن خطة زي ما الاستاذ محمد صلاح عامل في موضوعه واللي عايز يطبقها ويستفيد بيها اوك مش عايز برضه اللي يريحك


ندخل في الموضوع
الخطة مقتبسة من اول طريقة في موضوع استاذ محمد صلاح
اللي هي تدبيل الحساب ب 5 صفقات متتالية عن طريق المتاجرة بربح الصفقة السابقة

الفكرة هنا ان النجاح في الفوركس
80% ادارة راس مال+ نفسية
20% استراتيجيك في الدخول

وفعلا انا مكنتش مصدق الكلام ده لكن هو فعلا الحقيقة
انت ممكن تبقي كسبان 20% من صفقاتك
يعني كسبان صفقتين وخسران 8 وتطلع كسبان بادارة سليمة اللي هنقولها وهنشوف المثال ده في الشرح
وممكن العكس تبقي كسبان 8 وتخسر 2 بلوت عالي بسبب الطمع وتلاقي نفسيتك ادمرت وبوظت الدنيا
وخسرت اكتر من مكسب ال8 صفقات وممكن توصل للمرجنة لا قدر الله


انا لما جيت احقق معادلة الادارة والنفسية اللي قولناها فوق
لقيت ان النفسية اهم شوية من الادارة لان فعلا فكرة انك تبقي شغال رايق وبنسبة بسيطة من حسابك وعارف انك مهما خسرت هتكسب في الاخر هي دي مربط الفرس

الخطة كالتالي
فكرة تدبيل الحساب عن طريق 5 صفقات متتالية اللي قالها استاذ محمد جميلة جدا ولكن تطبيقها صعب نفسيا جدا (بتكلم بشكل شخصي) انك تفضل 5 صفقات بيطلع عينك في التحليل ولما تكسب الاولي تتاجر بربح التانية وهكذا لغاية الخامسة
نفسيا بيخليك فعلا علي اعصابك جدا وعن تجربة

فنا عدلت شوية في الطريقة بحيث انك عندك كذا خطة للتدبيل
حسب نفسيتك

وهي هتكون 8 صفقات(متقسمة علي اربع مراحل)
ولكن بطريقة تخليك نفسيا مرتاح جدا (مخاطرة الصفقة 2% فقط)

لغاية 3 صفقات بس للتدبيل لو انت بقي عايز تجازف ودي برضه براحتك(مخاطرة الصفقة 6 % فقط )


شروط جميع الخطط
1/ نسبة الربح للخسارة 3:1 وهنقول حل للي مش عارف يوصل للنسبة دي

2/الالتزام التام بالخطة وعدم الخوف او الطمع

نيجي لاول خطة المريحة نفسيا جدا
اللي هي 8 صفقات للتدبيل(مقسمة علي اربع مراحل)

انت هتدخل اول صفقة 2% من الرصيد (قمة المحافظة علي راس المال)وطبعا بعد تحليل السوق بطريقة تحليلك اللي تكون متقنها
وليس عشوائيا لاننا عارفين اننا في سوق احتمالات وكل ما تحلل صح انت بتزود
احتمالية الوصول للهدف اكتر

يعني لو 100 $ المخاطرة 2$ وتحسب اللوت طبعا حسب نقط الستوب اكيد كله عارف
الطريقة واللي مش عارف يقولي وهقوله ازاي يحسبها

الهدف للستوب 3:1
يعني الخسارة 2%
والمكسب 6%

بفرض انك ربنا يسرلك وكسبت صفقتك
نيجي للصفقة التانية هتدخل بمكسب الصفقة دي لمرة واحدة فقط
بمعني هتدخل بمكسب الصفقة دي اللي هي 6$ لو حسابك كان 100$
وبرضه الهدف 3 اضعاف الستوب

يعني الخسارة 6%(اللي هما مكسب الصفقة السابقة وبكده راس مالك مازال في امان)
والمكسب 18% وبكده خلصت المرحلة الاولي من الاربع مراحل شكرا
انت كده معاك 24 % ربح يعني ربع حسابك مكسب من صفقتين وهنرجع نعيد من الاول
بحسبة 2% من الرصيد الجديد ونكررها اربع مراحل يبقي كده انت دبلت حسابك بتمن صفقات

مميزات الخطة
1/ انت في قمة الامان النفسي والسبب هو انك
كل متاجرتك في صفقاتك عموما ب 2% من حسابك
وطبعا دي نسبة قليلة جداااااااااااااااااااااا علي انك بتجازف ب 2% من حسابك
عشان تكسب 25% من حسابك(ربع الحساب في صفقتين)

2/ المرحلة الوحيدة اللي هتحس فيها ان نفسيتك مش مرتاحة هي مرحلة الصفقة اللي بالربح
ودي حالة مؤقتة هتروح مع الوقت والتعود ولكن عايزك وانت في المرحلة دي
تحط في بالك ان حسابك في امان يعني لو خسرت الصفقة دي
انت فلوسك في امان تام وبتتاجر بالارباح لمرة واحدة بس وليه بنقول مرة واحدة بس
مع ان خطة التدبيل اربع مراحل يعني اربع مرات هنعمل الحركة دي
لانك بكل بساطة لو جيت حسبتها علي 10 صفقات لو انت كسبت الصفقتين المتتاليتين دول
وخسرت بعدها 8 صفقات بحالهم
احسبها كده
8 صفقات خسارة(
16% خسارة)
صفقتين مكسب متتاليتين(
2
4% مكسب)
بشرط طبعا نسبة الهدف للخسارة 3:1
يعني نسبة نجاح صفقاتك
20% وطلعت كسبان برضه
مع العلم ان حركة المجازفة بالربح لمرة واحدة فقط هي اللي خلتك طلعت ربحان
لان في الحالة العادية لو كنت كسبت نفس عدد الصفقات(صفقتين مكسب) بنفس نسبة الربح للخسارة 3:1
كانت المحصلة هتكون خسارة
8 صفقات خسارة(
16% خسارة)
صفقتين مكسب (
12% مكسب)
المحصلة خسارة
4%
وحتي لو ده حصل وده طبعا هيدل ان طريقتك غلط او انك بتعمل حاجة غلط اكيد او عشواءي
لكن طلعت ربحان بالادارة السليمة وتقدر بعد الخساير دي كلها تستمر في السوق
لان مش شرط الخطة صفقاتك ال8 تكون متتالية انت ممكن تكسب 24%
في الصفقتين وتلاقي شوية خساير طبعا وارد بس عشان تخسر ارباحك دي
محتاج خسارة 12 صفقة متتالية
شايفين اد ايه النفسية في السما بعد مكسب صفقتين فقط متتاليتين

وطبعا حتي بعد الخساير دي كلها مجرد ربحك لصفقة واحدة بتعيد الخطة تاني
وتدخل بارباحها لمرة واحدة فقط وتعوض كل اللي فات من خسارة بارباح اعلي كمان

واظن مش صعبة انك تكسب صفقتين ورا بعض دنتا حتي لو شغال عشوائي
ممكن تعمل كده

وطبعا اللي عايز يخلي التدبيل بدل 8 صفقات يخليها 6
او 4 او 2
هيعلي نسبة المجازفة في الصفقة
يعني الخطة الاولي السابقة
مجازفة 2% للصفقة (8 صفقات للتدبيل)
(6%+ 18%=24%) دي مرحلة من صفقتين هتكررها اربع مرات=96%


الخطة التانية
مجازفة 3% للصفقة (6 صفقات للتدبيل وزيادة )
(9%+ 27%=36%) دي مرحلة من صفقتين هتكررها تلت مرات=108%


الخطة التالتة
مجازفة 4% للصفقة (4 صفقات للتدبيل)
(12%+ 36%=48%) دي مرحلة من صفقتين هتكررها مرتين =96%

الخطة الرابعة
مجازفة 5% للصفقة (4 صفقات للتدبيل وزيادة اوي :AA:)
(15%+ 45%=60%) دي مرحلة من صفقتين هتكررها مرتين =120%

الخطة الخامسة والاخيرة
مجازفة 6 % للصفقة (3 صفقات تقريبا للتدبيل)
(18%+ 54%=72 %) دي مرحلة من صفقتين
ومع الصفقة التالتة العادية اللي ب6 % من رصيدك الاجمالي
الاجمالي 72+18 = 90 %
يعني تقريبا 3 صفقات


لو حد هيسالني انا بطبق انهي خطة هي الاولي
لان بصراحة نفسيتي ارتاحت الي مجازفة 2% فقط في الصفقة (تعتبر اطول خطة من حيث المدة)
وبرضي الحمد لله بمكسب ربع الحساب في صفقتين وساعتها بحس
انه حتي المجازفة بمكسب اول صفقة مع انه بعيد عن راس مال لكن بحس انه برضه مجازفة
6% مش كتير
وطبعا تقدر تطبق الخطة اللي تناسب نفسيتك

ملاحظات مهمة واخيرة في الموضوع

1/ اختار الخطة اللي تناسب نفسيتك وانت بتتاجر
بمعني متبقاش بتتاجر وانت بتعض علي ضوافرك وخايف
هدف ادارة راس المال هي انك تكسب بدون ضغط نفسي ورصيدك الاصلي يكون في امان
وتكون بتتاجر بس بالربح لصفقة واحدة فقط ولازم تعود نفسك علي النفسية العالية في المتاجرة

2/ عدم ترويض النفس البشرية يعني هلاك حسابك
نفسيتك اهم عنصر في الفوركس بدون النفسية العالية هتلاقي نفسك
لو اعظم محلل في العالم هتلاقي نفسك بتقفل صفقات بدري قبل الوصول للهدف
بتبعد الستوب كل ما يقرب السعر منه بحجة انه هيرجع للهدف وبحجة ان السوق في حد بيخسرني وبيعكس عليا السعر بتصبر علي الخسارة لكن الربح لا
دي خطوات الفشل في الفوركس


3/ اشتغل بمبدا كان ده مش حسابك
يعني ده حساب لصديق او حد تعرفه بيقولك اعمل كذا وكذا
وهيحاسبك علي كده يعني بيقولك حدد المكان الدقيق للستوب
وخلي الهدف اكبر من الستوب وتسيب الصفقة تعيش حياتها
يا تضرب الهدف او وقف الخسارة اوعي تغير في ارقامها خااااااااااااااااااااااااااااالص
تقرب الستوب للدخول وتحجز ارباح فقط فقط فقط فقط
لكن تبعد الستوب او تقفل علي هدف قريب مرفوووووووووووض عشان تقدر تتعود علي الصح


4/ الحل بتاع نقطة
الهدف 3 اضعاف الخسارة اللي قولنا فوق هنقول حلها
حلها بسيط جدا انا مثلا لو هتكلم بشكل شخصي في ورشتي اللي في التوقيع
وهي الترند المكسور بتحليل كلاسيكي بحت
بعمل ايه اهم حاجة الستوب بحدده كويس جدا فوق مقاومات وموفنجات وحاجة قوية
كانك بتخبي حد هربان ومش عايز حد يمسكه هههههه
:AA:
بفرض طلع الستوب المناسب ده 100 نقطة اي كان الرقم يعني
بحط الهدف 3 اضعاف حتي لو شايف ان الهدف قدامه حاجات تعوقه
مربط الفرس في الترند انك بتستني كسر لاخر منطقة دعم او مقاومة في ظل الترند ولو حد عايز يفهمها يدخل الورشة عندي بوضحها في الفرص
فبالتالي الكسر بيكون قوي لانه الترند من الاصل تصحيح لفريمات الشهري والاسبوعي
فنتا مع صناع السوق
لو هتكلم بشكل شخصي الاستراتيجية ناجحة بنسبة كبيرة فبستني الكسر للمناطق المهمة بعد كسر الترند للتاكيد وبتوكل علي الله وبدخل
الملخص هنا في النقطة دي مش عرض طريقتي وخلاص
انا عايزك تشوف صناع السوق بيفكروا ازاي وامشي معاهم
انت ممكن تكون شغال باستراتيجية مفيش ابسط منها
مثلا موفنج 200 بعد كسره بتدخل
ولكن انت بتحطلها شروط واضافات تخليك متدخلش غير بعد كسر حاجات كتير
او برايس اكشن في شارت فاضي بس بتعرف تدخل وتخرج
حط شروط بتخلي استراتيجيتك اقوي

حط بصمتك عشان توصل لوحدك
لو الورش هنا هدفها نساعد بعض
لكن عمرها ما هتتاجر مكانك
ولا تعلي نفسيتك
ولا تخليك تدير حسابك صح

من الاخر لو انت شغال علي طريقة الهدف قد الستوب مثلا
خليها اكبر ومتخافش انت مجرد ما يتحرك السعر في اتجاه صفقتك احنا في سوق بيقوم علي علم الاحتمالات مرة هيضرب ستوب ومرة هيجرررررررررررررررررري في اتجاه ارباحك

حرك الستوب للدخول وسيبها تعيش حياتها
لو ضربتلك ستوب الدخول في غيرها كتير السوق مش هيخلص
لانك لازم تستفيد بتحرك السعر في اتجاه صفقتك كل ده ربح ضايع
ولكن اذا ضرب الستوب من البداية مش مشكلة هتشوف برضه غيرها لانك ماشي بادارة راس مال ونفسيتك كويسة


5/ عود نفسك علي تقبل الخسارة وتحط في بالك انك خسرت النهارده
هتكسب بكرة او بعده او بعد اسبوع
(ادارة راس المال والنفسية اهم من الدخول زي ما قلنا)




6/ النقطة دي حصلت لي شخصيا
:0016:
في صفقة كنت بدخلها وكتبت في قيمة اللوت رقم غلط مكنتش مركز وانا حسابي مايكرو وكانت الصفقة قيمة النقطة 10 سنت بدل ما اكتب
1 ايدي كتبت 9 مش عارف ايه العلاقة ههههههههه
وكانت كارثة وطبعا اضطريت اقفل الصفقة لان السبريد كان كبير في وقت الليل والستوب كان 100 نقطة وفتحت غيرها باللوت الصحيح

فخلوا بالكم من النقطة دي التركيز في كتابة اللوت
الحساب الستاندرد قيمة اللوت 1 يبقي النقطة بعشرة دولار
الحساب الميني قيمة اللوت 1 يبقي النقطة دولار
الحساب المايكرو قيمة اللوت 1 يبقي النقطة عشرة سنت

وطبعا لو عايز النقطة باقل او اكتر بتحسبها واكيد المعلومة دي كله عارفها
ولكن كان لازم التنبيه ليها جدا ممكن حسابك يتدمر بسببها لو اتعملت غلط
ربنا يحفظ اموالكم جميعا


7/ حاول وانت معاك صفقة ركز فيها لوحدها واصبر لغاية ما تخلص وتدخل غيرها
ولكن النقطة دي لازم فيها المرونة لانك ممكن تدخل صفقتين لكن مش علي ازواج
ليها علاقة ببعض
بمعني معاك صفقة بيع باوند فرنك مثلا
متدخلش بيع باوند دولار مثلا معاها
لانك لو حللت غلط او جه خبر او اي حاجة ضربت لك ستوب
90% الصفقة التانية هتضرب ستوب برضه لانهم الي حد ما ماشيين سوا ولكن مش في جميع الاحوال فتجنبا لكده لو هتدخل صفقتين يبقوا في ازواج ملهاش علاقة ببعض



اسف جدا للاطالة لكن والله حاولت بكل جهدي اقولكم كل حاجة انا توصلت ليها
لان النفسية وادارة راس المال علم زي التحليل الفني والاخباري
بل هو اهم منهم بكتير

ياريت لو شخص واحد استفاد وقدر يحول اي خسارة لمكسب
مش مطلوب اكتر من الدعوة وبس
:icon26:

السلام عليكم

رد مع اقتباس


عضو نشيط
 
تاريخ التسجيل: May 2012
المشاركات: 449
معدل تقييم المستوى: 9
tarik113 is on a distinguished road
افتراضي رد: خطة لادارة راس مال صح=(تدبيل حساب+امان تام لراس المال)
2#
28 - 02 - 2020, 09:49 PM
طبعا اهم شيء هو ان يكون الهدف ضعف الستوب مرة او اثنين و كل ما كبر كان احسن لكن بالنسبة الى صاحبك السكندري صاحب مواضيع ادارة راس المال فهو يتاجر بدون ستوب خالص فما رايك فيمن لا يضع ستوب بصفة عامة
ahmedhatem likes this.

التوقيع

وما من كــاتب إلا سيفنى … ويبقى الدهر ما كتبت يداه
فلا تكتب بكفك غير شىء … يسرك يوم القيامه ان تراه

اللهم اني أستغفرك وأتوب اليك عددَ ما خَلَقت اللهم إني أستغفرك وأتوب اليك مِلء ما خَلَقت اللهم إني أستغفرك وأتوب اليك عدد كل شيء وملء كل شيء
tarik113 غير متواجد حالياً  
رد مع اقتباس
الصورة الرمزية كيمو فوركس
عضو جديد
الصورة الرمزية كيمو فوركس
 
تاريخ التسجيل: Jan 2020
المشاركات: 44
معدل تقييم المستوى: 0
كيمو فوركس is on a distinguished road
افتراضي رد: خطة لادارة راس مال صح=(تدبيل حساب+امان تام لراس المال)
3#
28 - 02 - 2020, 09:53 PM
اقتباس:
المشاركة الأصلية كتبت بواسطة tarik113 مشاهدة المشاركة
طبعا اهم شيء هو ان يكون الهدف ضعف الستوب مرة او اثنين و كل ما كبر كان احسن لكن صاحبك السكندري صاحب مواضيع ادارة راس المال يتاجر بدون ستوب خالص فما رايك فيمن لا يضع ستوب بصفة عامة

بصراحة لو هتكلم بشكل شخصي انا لازم احط ستوب
لكن فيه بيستريح لنظام عدم وضع ستوب
فطبعا الافضل كل واحد يحاول يوصل لطريقة تخليه يكسب
لكن لو هنتكلم علي الموضوع هنا الستوب شئ اساسي
كيمو فوركس غير متواجد حالياً  
رد مع اقتباس
عضو جديد
 
تاريخ التسجيل: Jan 2019
المشاركات: 225
معدل تقييم المستوى: 2
ابو رشيدي is on a distinguished road
افتراضي رد: خطة لادارة راس مال صح=(تدبيل حساب+امان تام لراس المال)
4#
28 - 02 - 2020, 10:19 PM
موضوع طويل ممكن تليخص لموضوعك استاذ كيمو لان احتاج الى اداره راس مال حكيمه
ابو رشيدي غير متواجد حالياً  
رد مع اقتباس
الصورة الرمزية كيمو فوركس
عضو جديد
الصورة الرمزية كيمو فوركس
 
تاريخ التسجيل: Jan 2020
المشاركات: 44
معدل تقييم المستوى: 0
كيمو فوركس is on a distinguished road
افتراضي رد: خطة لادارة راس مال صح=(تدبيل حساب+امان تام لراس المال)
5#
28 - 02 - 2020, 10:28 PM
اقتباس:
المشاركة الأصلية كتبت بواسطة ابو رشيدي مشاهدة المشاركة
موضوع طويل ممكن تليخص لموضوعك استاذ كيمو لان احتاج الى اداره راس مال حكيمه

مينفعش تلخيص يا فندم
حاول تقراه بتركيز
خصص ليه نص ساعه عشان تقدر تربح بعد كده
لانه لو حضرتك مصبرتش علي قراية الموضوع
يبقي ازاي هتصبر علي الربح في السوق
بالتوفيق لحضرتك انا مقصدش حاجة والله
كيمو فوركس غير متواجد حالياً  
رد مع اقتباس
عضو جديد
 
تاريخ التسجيل: Sep 2013
المشاركات: 53
معدل تقييم المستوى: 8
abduul is on a distinguished road
افتراضي رد: خطة لادارة راس مال صح=(تدبيل حساب+امان تام لراس المال)
6#
29 - 02 - 2020, 11:11 PM
السلام عليكم
موضوع جميل
الصعب في الموضوع هو نسبة 1:3 ،و كذلك نسبة تحقق صفقتين رابحتين متتاليتين
كل ما كانت نسبة تحقق صفقتين رابحتين متتاليتين ، بنسبة أكبر كل ما كان الحساب في نمو أكبر
abduul متواجد حالياً  
رد مع اقتباس
الصورة الرمزية كيمو فوركس
عضو جديد
الصورة الرمزية كيمو فوركس
 
تاريخ التسجيل: Jan 2020
المشاركات: 44
معدل تقييم المستوى: 0
كيمو فوركس is on a distinguished road
افتراضي رد: خطة لادارة راس مال صح=(تدبيل حساب+امان تام لراس المال)
7#
01 - 03 - 2020, 01:12 AM
اقتباس:
المشاركة الأصلية كتبت بواسطة abduul مشاهدة المشاركة
السلام عليكم
موضوع جميل
الصعب في الموضوع هو نسبة 1:3 ،و كذلك نسبة تحقق صفقتين رابحتين متتاليتين
كل ما كانت نسبة تحقق صفقتين رابحتين متتاليتين ، بنسبة أكبر كل ما كان الحساب في نمو أكبر

زي ما وضحنا في حكاية ال3 :1
انت اول ما توصل لنسبة 1 او واحد ونص خلي الستوب علي الدخول وسيبها تعيش حياتها
احنا في سوق احتمالات مرة هتضرب ستوب ومرة هتجري في اتجاه ارباحك
بتحصل كتير

وطبعا مكسب صفقتين ورا بعض مش صعب للدرجة وارد تحقيقها علي مدار عشر صفقات مثلا

بالتوفيق لحضرتك وانا في الخدمة دايما
كيمو فوركس غير متواجد حالياً  
رد مع اقتباس
عضو جديد
 
تاريخ التسجيل: Sep 2019
المشاركات: 169
معدل تقييم المستوى: 2
سوق أخضر is on a distinguished road
افتراضي رد: خطة لادارة راس مال صح=(تدبيل حساب+امان تام لراس المال)
8#
01 - 03 - 2020, 06:01 AM
ليش اخي مصرين على 3:1 او 2:1

ليش ماتكون 10:1 او على الأقل 7:1
وتراهن على السوينقات
ونعلم ماهي الأسعار التي قد يتحقق منها اهداف طويلة فوق 700 الى 2000 نقطة

شايف أي طريقة أخرى فيها تعب نفسي
سوق أخضر غير متواجد حالياً  
رد مع اقتباس
الصورة الرمزية كيمو فوركس
عضو جديد
الصورة الرمزية كيمو فوركس
 
تاريخ التسجيل: Jan 2020
المشاركات: 44
معدل تقييم المستوى: 0
كيمو فوركس is on a distinguished road
افتراضي رد: خطة لادارة راس مال صح=(تدبيل حساب+امان تام لراس المال)
9#
01 - 03 - 2020, 02:33 PM
اقتباس:
المشاركة الأصلية كتبت بواسطة سوق أخضر مشاهدة المشاركة
ليش اخي مصرين على 3:1 او 2:1

ليش ماتكون 10:1 او على الأقل 7:1
وتراهن على السوينقات
ونعلم ماهي الأسعار التي قد يتحقق منها اهداف طويلة فوق 700 الى 2000 نقطة

شايف أي طريقة أخرى فيها تعب نفسي

تقدر تطبق الخطط علي نسب الريشيو العالية زي ما حضرتك بتقول
وهتكون افضل بكتير
بالتوفيق لحضرتك
سوق أخضر likes this.
كيمو فوركس غير متواجد حالياً  
رد مع اقتباس


إضافة رد

أدوات الموضوع


جديد مواضيع منتدى تداول العملات العام

المواضيع المتشابهه
الموضوع كاتب الموضوع المنتدى مشاركات آخر مشاركة
التحدى الذى كسبتة تدبيل حساب حقيقى خلال اسبوع امام جميع وبعد حتى ما اتمرجنت ههههههه ميردانى منتدى تداول العملات العام 418 12 - 09 - 2019 11:26 PM
رحلة تدبيل حساب (ديمو 3000$ في صفقتين) Saudi Falcon منتدى تداول العملات العام 2 09 - 04 - 2018 02:40 PM
مقال رائع عن الادارة الصحيحة لراس المال منقول من موقع اجنبي الراجح من منتدى تداول العملات العام 7 07 - 12 - 2012 11:10 PM
الادارة الصحيحة لراس المال في الفوركس المساهم منتدى تداول العملات العام 6 30 - 09 - 2011 09:21 PM
الادارة الصحيحة لراس المال في سوق الفوركس rfathy منتدى تداول العملات العام 7 07 - 08 - 2011 11:16 AM


09:55 PM