ملك التداول

يعنى ايه نظام خالى من الأخطاء وسوق الفوركس سوق احتمالات بص اخى من الواضح أنك تعتمد على التبريد بنظام امن وانا متفق معاك ان النظام ده فعال فى سوق الفوركس بطرق معينه وحط تحتها ميه خط وكمان يحتاج رأس مال كبير ولكن وقعه التبريد او غلطته او ظرف اقتصادى استثنائى زى محصل فى البترول وقت كرونا نزل ل -10 ممكن يضيعلك ارباح سنين لذلك لاتفرط الثقه فى السوق

أخويا بالله عليك بلاش تكرر كلام كله حافظه وهيطول الجدال فيه على الفاضى
سوق الفوركس سوق احتمالات ومش مضمون والثقة وغيره وغيره واتكلمنا ياما في الحوارات دى
تعتمد على التبريد وبرده اتكلمنا ياما عل التبريد وناس اعترضت ياما
اخبار سيئة او كويسه مفاجأة وفجوات وهبوط حاد ومفاجىء وووو حاجات كتييير
كلنا عارفين ده وانت بتكرره والمشكلة ان الكلام فيه كتييير جدا
بالاضافة انك كمان مش فاهم يعنى ايه نظام تداول كامل وعاوز شرح كتير وانا الصراحة مش هقدر اشرح حاسس ان الكلام هيكون كتير ومش هنخلص

صفقة السويدى فضلت معايا 70 يوم من 15 يولية 2020 وده وضعها اليوم
صفقات بتدى مواعظ
الصفقة دى بتعلم الصبر ومفيش مستحيل فى الفوركس وتعلمك ازاى تتغلب على السوق بثقتك فى نفسك وشغلك والمثل بيقولك اللى يصبر ينول كنت داخل فيها عقود مع الناس وصلت ل 26% والسؤال اللى ممكن يسأله اى متداول هل الربح يعادل الزمن والصبر ل 70 يوم والتعب والمجهود؟ هو الاجابة منتهية فى الموضوع المفروض كفاية انك طالع كسبان بغض النظر عن النسبة الربحية ده رزق ربنا اولا واخيرا انت اجتهدت وخلاص ورزقك ربنا كاتبهولك ده فيه مشاريع اساسا بتنحر فى نفسها وتطحن نفسها شغل وبانتظام وتلاقيه طالع بخسارة فى الاخر لاى ظرف انا بقولك مشروع الفوركس الوحيد اللى نسبة نجاحه 100% او بمعنى اصح مشروع تكسب منه علطول بدون خسارة بس للاسف مع نسبة ضئيلة جدا من الناس وليست معدومة لانى امثل 1% بفضل الله بس تعالو نشوف حققنا اد ايه ربح بعقود وصلت ل 26% منعا للجدالات


مايقارب 40% اجمالى ربح من راس المال
للى عاوز يحسبها
تسع عقود منهم ثمانى عقود كل عقد من عقود السويدى ب 2% واخر عقد ب 10% يكون اجمالى العقود 26%

ملحوظتين فى غاية الاهمية
مفيش حاجة اسمها تصبر على الخسارة وتقول ماهو ملك التداول فضل سايب صفقة السويدى ورجعتله تانى حذارى حذارى
الاساس فى العمل هو امتلاك نظام تداول خالى من الاخطاء والثغرات والعيوب نظام كامل وبسميه عندى انا نظام معالجة الصفقات وازاى أحول خسارة لمكسب مفيش حد يحاول يقلدنى ويسيب خسارته عايمة لحد مايتمرجن ويقول السعر هيردلى تانى
تانى ملحوظة
عقود التبريد ليست الاساس عندى
انا بعد ماوصلت لنظام التداول الكامل كان فيه خيارين استوب لوز او عقود تبريد فاخترت عقود التبريد لان بعد التجربة طبعا اتضح ان نسبة نجاحها مع النظام 100% اما الاستوب لوز كانت نسبة نجاحه مع النظام 80%
ممكن فى حالات قليلة جدا استخدم الاستوب لوز ومحتاجة دقه شديدة وحرص خصوصا لو داخل فل مارجن او بعقد كبير
على سبيل المثال كنت داخل امبارح بلوت كبير مقارنة بالمبلغ الموجود بالحساب على شراء الاسترلينى ين من نقطة معينة مع عقودى الاساسية فوضعت بالفعل استوب لوز وكان هدف الصفقة 47+ pip امام 33-SL pip

انتهاء رحلة السويدى تماما اليوم 24 سبتمبر 2020 من ساعة افتتاح الصفقة يوم 15 يولية 2020 بنسبة ربحية 60% من اجمالى راس المال خلال 70 يوم عمل للصفقة



الاكتفاء بربح الاسترلينى ين

مبروك ياعمرو شابووه

الله يبارك فيك ياميدو وحمدالله على سلامتك ليك غايب من فترة

نعم كنت بجيب الديب من ديله وجبته بس عمال يتفلفص مني ملوش أمان صعب ترويضه

نصيحتى ليك ياميدو عشان انت عزيز على قلبى
لو دماغك اكسدت وتفكيرك وقف عند حاجة معينة لازم تبحث ممكن كلمة فى موضوع فى منتدى او كلمة فى فيديو يوتيوب تفكلك شفرة نظامك تماما وتحل مشاكلك فى التداول

لا لا مفيش حاجه وقفت الحمد لله ياصديقي الفكرة كلها اتبلورت عندي ينقص فقط تحويل الفكره إلي شئ مادي ملموس تحويل الفكرة إلي مال