برجاء دخول الجميع للاهميه - وسيط نصاب

السلام عليكم

انا تعرضت للنصب اليوم على يد كلب زباله له صفحه على الفيس بوك و بيعرض نفسه على انه وسيط للبنوك الالكترونيه

الحكايه باختصار اننا كان معى 200 دولار سكريل حبيت ابحث عن وسيط و بعد ما كانوا كثيريين جدا اختفى معظمهم و اللى قدرت اوصل لهم قالوا ان المصدر لازم يكون شركة فوركس و انا فلوسى مصدرها صديق

الاخ محمد Rock نصحنى بواحد وللاسف رفض وقال ان المصدر لازم يكون شركات ايضا

حتى وجدت هذا النصاب

له هذه الصفحه على الفيس بوك تحت مسمى

وسيط مالي سحب وايداع في جميع البنوك الالكترونية

و ده لينك الصفحه

[عذراً, فقط الأعضاء يمكنهم مشاهدة الروابط ]

و بعد ما كلمته و اتفقت معاه عمل لى بلوك

حاولت اكلمه من حساب فيس بوك تانى برضه عمل لى بلوك

الله وحده يعلم انا محتاج الفلوس دى ازاى و احنا داخليين على العيد - اقسم بالله العظيم انا محتاج كل قرش فى الفلوس دى.

دى صور المحادثه اللى تمت بينى و بينه


[عذراً, فقط الأعضاء يمكنهم مشاهدة الروابط ]

[عذراً, فقط الأعضاء يمكنهم مشاهدة الروابط ]

[عذراً, فقط الأعضاء يمكنهم مشاهدة الروابط ]

[عذراً, فقط الأعضاء يمكنهم مشاهدة الروابط ]

[عذراً, فقط الأعضاء يمكنهم مشاهدة الروابط ]

[عذراً, فقط الأعضاء يمكنهم مشاهدة الروابط ]

طبعا عمل لى بلوك و ما بيردى على نهائيا

هقول ايه غير حسبى الله و نعم الوكيل - انا اقسم بالله العظيم محتاج كل قرش من الفلوس دى بس مفيش حاجه هقدر اعملها غير انى احذا الناس

لا حول ولا قوة الا بالله
ربنا يعوض عليك يارب بالأفضل والحمد لله على كل حال لا تزعل وكويس انها جت على قد كده


اولا لازم انتا كضحية تبلغ على الصفحة ريبورت بالفيس بوك وده انا عملته الان ونقفله الصفحة عشان الصفحة لو فضلت قديمة بتكون وسيلة سهله ان يقع ضحايا تانية فكان غلط منك انك تتواصل مع صفحة عمرها شهور .

ثانيا تبعت لسكريل ان ان الايميل اللى ارسل له نصاب حتى لو مش هيعملوا حاجه دلوقتي لو جيه شكوى بنفس المضمون هيتقفله حسابه على الفور ونهائي لتكرر الشكاوي بالإضافة لحساباته الأخرى اللى بيعملها كحصاله بياخد منك ويرميها فى حساب تاني بعيد تماما وبأسم اخر مجهول كل ده هيتقفله لما يعرفوا انه نصاب


للاسف السبب هو اختفاء الوسطاء الكبار الموثوقين تقريبا وفي اللى مش متوفر معاه سحب واللى بيتعامل بمبالغ كبيره وفى اللى خايف من قيود الدولة لهذه التعاملات والقضاء عليها لأجبار الجميع بتحويل الأموال بطرق رسمية عبر البنوك لتأكد من مصدرها.


عشان تتعامل مع وسيط لأول مرة يجب ان تتأكد من عمر صفحتهم على مواقع التواصل الاجتماعي ولاسيما الفيس بوك وده مكتوب فى كل صفحة تحت بند " شفافية "
ويجب ان يكون لصديق مقرب تعامل معاه قبل كده لإطمئنان لتحويل .

الراجل اللى بعتهولك كنت اول مره اتعامل معاه كنت خايف جديًا بالتاكيد لان الاموال دي تعبت فيها رغم انه عنده موقع كبير وخدمي ومكتوب اسمه فى منتديات وصديق بالمنتدى تعامل معاه اكثر من مره واكيد زي اى وسيط لازم يشوف كشف حسابك ويتأكد انه شركات لان التعامل مع أفراد بيعرض حسابات الوسطاء للاغلاق وده بنشوفه فى جروبات الفيس كل يوم واحد يشتكى من أغلاق حسابه نهائيًا فى سكريل ونتلر لا تعرض حسابك الالكتروني البنكي للخطر بتحويل الافراد ليه واستبداله بالبي بال




هذا الوسيط نصاب : [عذراً, فقط الأعضاء يمكنهم مشاهدة الروابط ]
وخالى بالك للاسف الشديد سكريل بتقدر تعمل اكثر من إيميل من اكاونت واحد
بالتالى وارد جدًا يغير الايميل بإيميل اخر لاصطياد ضحية أخرى
ياريت تضع أسم المرسل إليه رغم انه مش هيكون اسمه الحقيقي للاسف بس على الاقل هيكون حد معرفة ليه ونفضحة.



اعمل محضر في مباحث الانترنت على الفور لعلى وعسى يعرفوا يجيبوه
108
إدارة مكافحة جرائم الحاسبات.

التوقيع

كن عظيماً ودوداً قبل أن تكون عظاماً ودوداً

عليك بمباحث الانترنت وبسرعه

للاسف يا استاذ محمد نفس صاحب الايميل هو اللى نصب على النهارده ربنا ينتقم منه

ممكن توضح لى كيف اتواصل معهم

اقتباس:

المشاركة الأصلية كتبت بواسطة Stalker

ممكن توضح لى كيف اتواصل معهم

الرقم 108 خط الساخن

التوقيع

كن عظيماً ودوداً قبل أن تكون عظاماً ودوداً

اخي اذهب الى الشرطة و سيرشدوك

هناك من استرجع امواله المنصوب عليها