حكايتي مع الزمان ..

hemaya

عضو نشيط جدا

تاريخ التسجيل: Jun 2009

المشاركات: 908

معدل تقييم المستوى: 16

30 - 12 - 2023, 01:38 PM

حكايتي مع الزمان ..

السلام عليكم ورحمة الله وبركاته ؛؛
الكثير منكم لا يعرفني وانا لم ادخل للمنتدي في اخر خمس سنين كثيرا .. لكني هنا من 2009 واكتر كمان .. وقت اذدهار المنتديات والفوركس .. زي معظم القدامي جربت حاجات كتير في الفوركس بداية من الرينكو وانتهاء بعلاقة الفوركس مع الابراج والقمر !!! حسابات ديمو وحسابات حقيقية راس مالها 5000 .. اشتغل او ابعد او اياس .. اعتقد كلكم مر بما مريت بيه .. لغاية سنة 2016 لما رجعت من السعودية بسبب مرض ابنتي وقعدت في مصر (أيام الفلوس ما كان لها قيمة) بدون ما ادخل في تفاصيل .. دخلت بما ادخرته طوال سنين الغربة (11 سنة) كنت شغال مبرمج هناك دخلت مشاريع وخسرت اشتريت منزل وبعته (مع ان اي حد بيشتري عقار بيكسب الا انا خسرت نصف قيمته) واشتريت ارض واتنصب عليا .. المهم رجعت لنقطة الصفر .. في 2018 بعد ما اصبحت مديون رجعت تاني للبرمجة ولأن سوق البرمجة اتغير خلال ال3 سنين اللي بعدت عنها فيهم رجعت اتعلم من تاني واشتغلت في شركة في القاهرة بمرتب يدوب يكفيني عشان اتعلم !! وسكنت في شقة فيها حوالي 10 اشخاص وكنت بنام انا واتنين تانيين في الصالة !!!
استحملت البهدلة عشان اتعلم وبعدها بسنة اشتغلت في شركة افضل بضعف راتبي وبعدها بسنة اشتغلت في شركة براتب اربع اضعاف وبعد كده اشتغلت في شركة اوروبيه عن بعد .. لغاية شهر 6 اللي فات رجعت للفوركس تاني بس بطريق مختلف تماما .. وبدأت اشتري حسابات ممولة والحمد لله حققت ارباح جيدة جدا تركت العمل بالشركة الاوروبية لتفرغ للمتاجرة والحمد لله الامور تغيرت 180 درجة ...
انا ليه بقلكم حكايتي هنا ؟ لعدة اسباب :
1- لأن المنتدي ده بدأت فيه وكنت بأنس بيه وبالاعضاء جداا وواجب عليا اديكم طاقة امل
2- لأني ياما حكيت عن معاناتي هنا فواجب ايضا ان احدثكم بالاوقات السعيدة
يتبع باذن الله ؛؛

hassan habib, ahmed bahije, MSHOBA and 2 others like this.

بوتــيــن

عضو نشيط

تاريخ التسجيل: Sep 2023

المشاركات: 271

معدل تقييم المستوى: 0

رد: حكايتي مع الزمان ..

31 - 12 - 2023, 02:25 AM

الدنيا مليانه تحديات ياأخى وهى دى اللى بتخلى للدنيا طعم.
ربنا يوفقك
واهم شىء انك زملكاوى زيى..الزملكاويه أجدع ناس!

hemaya likes this.

hemaya

عضو نشيط جدا

تاريخ التسجيل: Jun 2009

المشاركات: 908

معدل تقييم المستوى: 16

رد: حكايتي مع الزمان ..

31 - 12 - 2023, 08:50 AM

اقتباس:

المشاركة الأصلية كتبت بواسطة بوتــيــن

نعم صحيح زمعظم من تقابلهم ان لم يكن جميعهم سيحبطونك .. ولن يقف معك الا ظلك ..

Death of forex

عضو فـعّـال

تاريخ التسجيل: Dec 2017

الدولة: الامارات العربية المتحدة

المشاركات: 1,388

معدل تقييم المستوى: 8

رد: حكايتي مع الزمان ..

31 - 12 - 2023, 10:26 AM

ماشاء الله عليك مشكلة لم اعد اثق بشركات التمويل بعد فضيحة ال 300 مليون دولار ؟!

التوقيع

الحمدلله
|Death Of Forex|

hemaya

عضو نشيط جدا

تاريخ التسجيل: Jun 2009

المشاركات: 908

معدل تقييم المستوى: 16

رد: حكايتي مع الزمان ..

31 - 12 - 2023, 11:41 AM

اقتباس:

المشاركة الأصلية كتبت بواسطة ordernex1

ماشاء الله عليك مشكلة لم اعد اثق بشركات التمويل بعد فضيحة ال 300 مليون دولار ؟!

بص انا خسرت حسابي الممول 200 الف في الفضيحة دي وكان اول حساب ممول اعدي التقييم فيه واول ما استلمت الحساب تاني يوم الشركة قفلت بعد ما كانت فاتحة 4 سنين !!!!
لذلك تعلمت الدرس واني اوزع حساباتي مهما كانت ثقتي في الشركة .. والوقتي ما شاءء الله فيه شركات كتير جداا والموثوق منهم اكتر من 20 شركة يعني امامك الاختيار واسع بعكس مثلا من سنة واحدة كانوا يدوب 5 شركات

ahmed bahije and Death of forex like this.