اقتباس:
المشاركة الأصلية كتبت بواسطة Eng:Mahfouz
انا مرجنت 7 مرات فى 3 شهور , وعادى كله ضريبة التعليم ,
تشتتك فى الاستراتيجيات هو اللى مضيعك , ركز ثم ركز ثم ركز , واعتمد على التحليل الكلاسيكى والدعوم والمقاومات ومهما كان قدامك فرصه عكس الترند العام للعمله متدخلش عليها أأمن , دائما ادخل الفرص اللى تلاقيها مع الترند ,
وعلى فكرة متعرفش حد من اصحابك وقرايبك والناس اللى حواليك انك شغال فى الفوركس ولا تتكلم مع حد فيهم عنه , يعنى اهى الناس اول ما تسمع كلمة البورصه تقولك بس ده بيجيب ملايين , واتق عين الحسود ,
وهدى اعصابك واسترخى واستغفر ربك , وابدأ بهدوء ومتجريش ورا كل الصفقات والمؤشرات والاستراتيجيات , ركز وانت هتوصل ان شاء الله ,
وتانى مرة , اتق عين الحسود ..,,
انا متفقة معاك جدا باننا نتق عين الحسود وخاصة الى حوالينا اغلبهم ميعرفوش غير ان البورصة بتكسب كتير وانا حصل معايا زيه اول مابدات اخد كورس اتكلمت وحكيت وكله افتكر ان دى خلاص حتوصل ولما حققت مكسب وعلى الديمو كمان بعد اسبوعين الدنيا كلها عكست معايا
واهم شىء هو هدوء الاعصاب ولوحده محتاج تدريب اكتر بكتير من التدريب على تعلم الفوركس صح
اقتباس:
المشاركة الأصلية كتبت بواسطة ehab08
أنا مبتدئ ولكن ممكن أسئلك ليه الديمو ب 10000 $ والحقيقى ب 500 $
خلى تدريبك على الديمو بنفس القيمه اللى حتفتح بيها الحقيقى
وربنا يعوض عليك ويرزقك من حيث لا تحتسب
انا عملت زى ماقلت كده فتحت حساب ديمو ب 500$ وخليته باسبوع واحد 1400 وبعد اسبوعين بقى اكتر من 3000$ والحمد لله مكنش عندى اى صفقة خاسرة لكن تخيل بقى انى مرجنت حساب اول امبارح ب 500$ بيوم واحد بس متاجرة وده اول حساب حقيقى
اكتر سبب خلانى اخسر بالحقيقى انى ملتزمتش بالخطة الى نويت امشى عليها ووضعتها لنفسى بالاضافة للتهور وانك لما تخسر بتدخل صفقات ملهاش اى لازمة وبتخليك تخسر اكتر وطبعا الكل مر بالحالة دى بالفوركس
وبالاخر اخى المصرى عاوزة اواسيك واقولك انى انا كمان لسه مصفرة حساب ب 500$ وبيوم واحد متاجرة رغم انى على الديمو قليل مااخسر والاسباب انا ذكرت بعضها مع ردودى فوق واهم سببين هو التوتر والمتاجرة بانفعالية وبعد تركيز والسبب الاخر الاهم عدم الالتزام باستراتيجية ثابتة والخطة الى وضعتها للعمل وايضا المجازفة زيادة احيانا وايضا الكلام مع الناس وانك كسبت يعنى انا اول ماقلت انى بقالى اسبوعين شغالة ومعنديش ولا صفقة خاسرة ودبلرت الحساب اكتر من مرة وانا حصلى نفس الى حصلك انك تحس انك بقيت منحوس وكل صفقة تدخلها تمشى بالعكس ومش عارف حتى تكسب او تعوض الخساير
افضل شىء ليك حاليا اعمل زى ماانا عملت اخذت اسبوع بعيدة عن برنامج التداول والشارت وبس قضيت اغلبه بعمل شىء بعيد عن الفوركس وعلاقتى بالفوركس كانت قراءة فقط واعادة ترتيب اوراق وفعلا بعد اسبوع رجعت نفسيتى احسن وشغالة بشكل افضل ورغم انى خسرت اول امبارح 500$ الا انى من تانى يوم قلت لنفسى دى ضريبة النجاح والتعلم والحمد لله على كل شىء
متزعلش واعرف انك مش لوحدك الى مريت بده وارجع اقرى تانى وادرس اكتر واتدرب بحساب ميكرو زى الاخوة مااقترحوا عليك ونصيحة نصحها ليا اخ بس انا ماخدتش بيها قالى لما تشتغلى بالفوركس دارى على شمعتك تقيد وفعلا كان عنده حق لكن انا اتكلمت وانا كنت لسه بالديمو واتعلمت انى خلاص مفيش كلام تانى انى بكسب او بشتغل ولا اى حاجة
واتمنى ان ربنا يوفقك ويكون كلام الاخوة هنا يحسن من حالتك النفسية ويفيدك واديك بتشوف غيرك حصل معاه ايه