اقتباس:
المشاركة الأصلية كتبت بواسطة mocha77
انا متفقة معاك جدا باننا نتق عين الحسود وخاصة الى حوالينا اغلبهم ميعرفوش غير ان البورصة بتكسب كتير وانا حصل معايا زيه اول مابدات اخد كورس اتكلمت وحكيت وكله افتكر ان دى خلاص حتوصل ولما حققت مكسب وعلى الديمو كمان بعد اسبوعين الدنيا كلها عكست معايا
واهم شىء هو هدوء الاعصاب ولوحده محتاج تدريب اكتر بكتير من التدريب على تعلم الفوركس صح
انا عملت زى ماقلت كده فتحت حساب ديمو ب 500$ وخليته باسبوع واحد 1400 وبعد اسبوعين بقى اكتر من 3000$ والحمد لله مكنش عندى اى صفقة خاسرة لكن تخيل بقى انى مرجنت حساب اول امبارح ب 500$ بيوم واحد بس متاجرة وده اول حساب حقيقى
اكتر سبب خلانى اخسر بالحقيقى انى ملتزمتش بالخطة الى نويت امشى عليها ووضعتها لنفسى بالاضافة للتهور وانك لما تخسر بتدخل صفقات ملهاش اى لازمة وبتخليك تخسر اكتر وطبعا الكل مر بالحالة دى بالفوركس
وبالاخر اخى المصرى عاوزة اواسيك واقولك انى انا كمان لسه مصفرة حساب ب 500$ وبيوم واحد متاجرة رغم انى على الديمو قليل مااخسر والاسباب انا ذكرت بعضها مع ردودى فوق واهم سببين هو التوتر والمتاجرة بانفعالية وبعد تركيز والسبب الاخر الاهم عدم الالتزام باستراتيجية ثابتة والخطة الى وضعتها للعمل وايضا المجازفة زيادة احيانا وايضا الكلام مع الناس وانك كسبت يعنى انا اول ماقلت انى بقالى اسبوعين شغالة ومعنديش ولا صفقة خاسرة ودبلرت الحساب اكتر من مرة وانا حصلى نفس الى حصلك انك تحس انك بقيت منحوس وكل صفقة تدخلها تمشى بالعكس ومش عارف حتى تكسب او تعوض الخساير
افضل شىء ليك حاليا اعمل زى ماانا عملت اخذت اسبوع بعيدة عن برنامج التداول والشارت وبس قضيت اغلبه بعمل شىء بعيد عن الفوركس وعلاقتى بالفوركس كانت قراءة فقط واعادة ترتيب اوراق وفعلا بعد اسبوع رجعت نفسيتى احسن وشغالة بشكل افضل ورغم انى خسرت اول امبارح 500$ الا انى من تانى يوم قلت لنفسى دى ضريبة النجاح والتعلم والحمد لله على كل شىء
متزعلش واعرف انك مش لوحدك الى مريت بده وارجع اقرى تانى وادرس اكتر واتدرب بحساب ميكرو زى الاخوة مااقترحوا عليك ونصيحة نصحها ليا اخ بس انا ماخدتش بيها قالى لما تشتغلى بالفوركس دارى على شمعتك تقيد وفعلا كان عنده حق لكن انا اتكلمت وانا كنت لسه بالديمو واتعلمت انى خلاص مفيش كلام تانى انى بكسب او بشتغل ولا اى حاجة
واتمنى ان ربنا يوفقك ويكون كلام الاخوة هنا يحسن من حالتك النفسية ويفيدك واديك بتشوف غيرك حصل معاه ايه
بارك الله فيكى انا فعلا فتحت الموضوع دة لانى بجد عندى حالة من الياس فظيعة من عالم الفوركس هذا وحالة من الضياع ومش عارف اعمل اية
اية اللى انا لازم اعملو علشان اقهر هذا الوحش كما سماة الاخ اسامة عادل مشرف بورصات انا بجرب ديمو بنجح اجرب بالحقيقى اخسر هو فى اية ولية انا على الديمو هدفى 100 نقطة وعلى الحقيقى 30 نقطة وبرضو بخسر
اهم سبب وهو مذكور فى القرأن بجد والله ومش هزار هو الحسد ودى نصيحة لكل الاخوة واسالو مجرب
الحمد لله قدر الله وما شاء فعل
بس اية الطريقة اللى ممكن تربح مع العلم انى قلت الادوات اللى بعتمد عليها فى ردى على الاستاذ نادر اية الغلط هو دة السؤال
التوقيع
سبحان الله وبحمده سبحان الله العظيم
عدد ما كان, وعدد ما يكون
, وعدد الحركات والسكون.
عن عبادة ابن الصامت رضي الله عنه قال :
سمعت رسول الله صلى الله عليه و سلم يقول :
" من استغفر للمؤمنين والمؤمنات كتب الله له بكل مؤمن و مؤمنة حسنة "
رواه الطبراني و إسناده جيد
اللهم اغفر للمؤمنين والمؤمنات والمسلمين والمسلمات الأحياء منهم و الأموات.
قول آمين
رد: الحمد لله
... لأن ببساطه معظم المتداولين فى السوق ان لم يكن كلهم بيعرفوا كلاسيكى ودعوم وفيبوناتشى وما الى ذلك من الكلام الفارغ اللى لا بيودى ولا بيجيب والا لماذا نسبه الخساره 95% !!!!!! 
ولو عاوز البداية صح ادخل على موجات اليوت وحاول تتعلمها ودى تعتبر من انقى علوم التحليل الفنى المتقدم 
المواضيع المتشابهه 
