رؤية دكتورة منى

معتقدش ممكن حضرتك تسيبى الباب او المنتدى وتمشى
لان فى ناس محتاجة ليكى بعد ربنا اولا عز وجل
كمثال انا عرفت المنتدى بالصدفة ومن يومها ادخل اشوف توصياتك وتحليلاتك
لانى من يوم دخل البورصة منذ 6 شهور وانا فى حالة خسارة فقط
وخسرت اكثر من نصف محفظتى
واخيرا دخلت ورا توصيتك فى شارم دريمز وحسيت انى بدات اكسب
واكيد فى ناس زيى واكتر وفى ناس بتابع حضرتك
فمينفعش تسيبى المنتدى عشان خاطر كلام شخص او شخصين

وشكرا لكى

يا دكتورة منى خلى روحك طيبة لا احد يقصد الاساءة

اكيد حضرتك عرفه احساس الناس الخسرانة و المتبهدلة فى البورصة اعذرى الناس و خلى قلبك كبير
انا عن نفسى اعتذر اذا كان كلامى اتفهم انه سخرية المصرى بطبيعته بيدارى المه وراء الفكاهه
طب انا هصلحك بقصة ظريفة الفتها فى لحظة ضعف
صلى على النبى

يحكى ان كان هناك مارد نائم من سنين
استيقظ بعد مرورالسنين
دخل الحمام ثم شرب كوب من الحليب الدافئ
ثم شعر بالام حاده فى بطنه
ذهب الى الطبيب الذى اخبره انه مريض بمرض خطير لا دواء له و ان ايامه فى الدنيا اصبحت معدودة
عاد المارد الى بيته مهموما و اخذ يفكر فى ان يعمل شيئا مفيدا فيم تبقى من حياته
بعد طول تفكير وجد افضل شئ هو ان ينام ما تبقى من حياته
نام المارد اياما كثيرة ثم استيقظ ليجد نفسه انه مازال على قيد الحياة فذهب الى الطبيب
اندهش الطبيب انه ما زال حيا فساله ماذا فعلت
طوال الفترة الماضية اخبره المارد انه كان نائما
قال الطبيب اذا هذا هو العلاج لمرضك
و عليك ان تستمر فى هذا العلاج
عاد المارد لينام مرة اخرى

صافى يالبن ؟

السلام عليكم ,,, الدكتورة المحترمة والعزيزة دكتورة منى ,, تحية طيبة لسيادتكم

اولا -اردت ان اشكرك على رؤيتك الثاقبة في السوق المصري والتي هي من الاراء الصائبة بنسبة تجاوزت صحتها ال90% ويزيد
ثانيا -لا الوم حضرتك على ماتنوين فعله ...لاني وبكل صراحة بدأت الحظ وجود بعض الاعضاء خفيفين الدم وبدون اي مشاركة حقيقة مثمرة وكان الله في العون
ثالثا -لا احاول الضغط عليك بمراجعة قرارك بخصوص العودة للمشاركة من جديد,,, ولكن فقط اردت القول انه بفضل الله ورؤيتك ..قد استرجع المساهمين جزء من خسائرهم التي منوا بيها في الاشهر الماضية ..وجزاكي الله خير على ما صنعتيه فيهم ....وكما قال الحبيب عليه الصلاة والسلام في الحديث: من فرج عن مسلم كربة من كرب الدنيا فرج الله عنه كربة من كرب يوم القيامة .... جعلكي الله عونا لاخوتك واخواتك وارجو دائما لكي التوفيق.
شكرا لكي ...واسف للاطالة
والله ولي التوفيق

هدفك الاول والاخير هومصلحة الناس وافادتهم وكسب حلال طيب ==وقد تحقق بفضل اللة = وتنفيذ توصياتك ==لو انت مش محتاجة للكتابة وهذا صحيح فانا وغيرى محتاجين كتابتك وتوصياتك=======وكانت كتابتك خدمة لوجة الله فاعلمى ان من يخدم لوجة الله هو اكثر الناس تعرضا للمتاعب والمشاكل لان ابليس يجول كاسد زائر يلتمس من يبتلعة فهذة هى معوقات خدمة الناس=========ليتكتراجعى والكلام هذا ونشوف توصياتك اليوم وكل يوم وتنمو وتذداد خدمتك على طوووووووووول

ملعش كبير دمغج انتى بتعميل ربنا والى بتكلام مش عضو فى المجموعة

دكتور منى ارجو ان لا تتركى المنتدى لاننا من نحتاجك ونحن نريد ان نستفيد منكى ومن خبرتك اما بالنسبة للاخوة فمنهم من هو لا يعلم عن الاسهم سوى اشترى كذا أو بيع كذا ولا يفقه اى شى عن اى شى ء ومنهم من هو عرف ازاى يستفيد من اخطائه وهم كثيرين هنا فلا تتركينا من اجل قلة مش فاهمة يعنى ا يه تجميع ولا ضغط ولا حتى بيركزو على الشاشة ولا العروض ولا الطلبات دول عايزين اسهم تيكاواى على السريع فى مكسب على طول كأن الاسهم مش فى سوق والسوق فى اللى عايز يطلع بالسهم وفيه اللى ضاغط عليه علشان يلم فيه حرب بين كبار والصغيريين سبب خسارتهم الاستعجال وسوء الاختيار ولا بيحبو يقرو جمعيات ولا يعرفو مواعيد نتائج اعمال اسهمهم بتظهر امتى احنا عايزيين نتعلم كفاية قوى كدة اللى عايز يسمع توصيتك هو المسئول انتى بتقولى وجهة نظرك فقط لاغير دون مسئولية عليكى

د0 منى جلسة النهاردة محتاجة تعليق

وجلسة بكرة محتاجة نصيحة

لا تبخلى علينا بالنصيحة

وشكرا لكى

الاستاذة الدكتورة منى
مع تحياتى القلبية لشخصك الكريم
اولا نشكرك جدا على ماتبدينه من آراء ونصائح للكافة لمن يأخذها بمأخذ الجد
ويستفيد منها ، ولمن يأخذها بمأخذ السخرية والاستهزاء ( وهذا حال البشر ،
فمنكم كافر ومنكم مؤمن)
ثانيا كما وردت فى الخطابات الموجهة اليك يجب الا تأخذى ذنب هذا بذاك ، فهناك
الكثيرين الضعفاء مثلى ولايجيدون التعامل فى البورصة وهم اشد الناس فى
حاجة اليك لاضاءة الطريق لهم (وأنا منهم ) حتى لايقعو ضحايا للبورصة
ثالثا كفاك ان نيتك هو أشاعة الخير والرزق الحلال لارضاء الله سبحانه وتعالى وأظن
ان هذا هو اسمى امانيك ( مرضاة الله عز وجل )
رابعا سيرى ياأخت او ياأبنة فى الطريق التى حددتيه وقصدتيه وانظرى لهدفك ولا
تلتفى لهذا او ذاك
أنشاء الله مأجورة من عنذ الله عز وجل

فاروق عمر

السلام عليكم
دكتورة منى انا لسه بتابع باب حضرتك من فترة بسيطة قوى والحمد لله ربنا كرمنى , حضرتك بتقدمى خدمة ومجانية وفيها خدمة الناس لوجه الله فلازم كل انسان ناجح زى حضرتك يتعرض للهجوم عادى بس ده مش معناه نمشى ونسيب مكانا لحد ، ونعلن الانسحاب حضرتك بس اعملى اجنور للكلام اللى مش بيعجبك مش كلنا بيفهم فى البورصة 100% ، بس حضرتك عندك العلم فحرام جدا تحرمى منه الناس لمجرد حوار غير بناء صدر من ناس غير مسئولة واتحداكى لو حد منهم فهم يعنى ايه أداب حوار فرجاء نحى كلامهم جانبا وتعاملى بصدر اوسع لاننا محتاجينك بجد وشكرا لسعة صدرك لحوارى