رد: @@ انطلاق رحلة الـ 100 دولار الى 30 الف @@ توكلنا على الله
تنويه عام بموضوع رحلة ال 100 دولار
1-الكلام دة مش هكرره تانى الحقيقة لان تعبت من تكراره وفى حالة عدم الالتزام بيه هتوقف عن استكمال الرحلة الحقيقة لان لازم يكون فى نظام عشان كل الناس تستفيد وانا مش بحط التوصيات عشان الناس تسقف وتهلل انا مش عاوز غير الدعاء بس دة الا انا طالبه فقط الدعاء لا غير
****
2-تم من خلال الادارة تعديل المواعيد والملفات الخاصة بالرحلة وهى موجودة فى اول صفحة وكل شئ موجود عندك فى الصفحة الاولى محدش يسئل تانى مواعيد مصر ايه ومواعيد مدغشقر ايه ومواعيد بوركينا فاسو ايه الكلام واضح
****
3-هذا القسم فقط لوضع التوصيات الخاصة بشخصى والتعديل عليها واعطاء الفرص المتاحة للسوق من وجهة نظرى فقط ممنوع منعا باتا كتابة اى شئ قبل موعد التوصية ( السؤال المعتاد هو فى توصية النهاردة وفين وامتا وليه اتاخرنا ليه انا مش مطبعة بتطبع توصيات ) او بعدها مسموح ليك فقط الكتابة لما التوصية تجيب الهدف غير كدة لاء ( اعتقد انى بتكلم عربى وواضح )عندك اى سئوال بخصوص الرحلة او غيره اكتبه فى قسم كافيه الفوركسيه
ولا اريداى ردود نهائيا الا بعد نجاح الصفقة ان شاء الله
***********
4-عشان تتابع معايه اى توصية او تعديل اشترك فى الموضوع بتاع الرحلة بخاصية اسمها التبليغ الفورى تلاقيها فوق على ايدك الشمال حاجة اسمها ادوات الموضوع واختار منها الاشتراك فى هذا الموضوع اى حاجة انا هكتبها هتروحلك تنبيه على الاميل على طول عشان كدة بقول للناس محدش يكتب اى رد عشان الراجل الا متابع دماغه متصدعش ويكرهك ويكرهنى فى نفس الوقت
****
5-التوصيات تكتب على المنتدى فقط فقط فقط وفى القسم المخصص ليها محدش يخش على المسنجر ويسئلنى
ممكن التوصية من فضلك ممكن ترنلى على الموبيل عشان لما تحط التوصية اصحى والكلام الا يرفع الضغط دة انا ناقص كمان اجى افطرك واغديك وخلى سعتك مرتاح
*****
6-انا مليش دخل باى توصية باى نوع ومن اى اخ فاضل او زميل كل واحد ليه طريقة شغله وعيب جدا ان واحد يخش يسئلنى ايه رايك فى توصيات فلان كلنا هنا هدفنا واحد مساعدة الناس ومش عشان الراجل مثلا توصية ليه خسرت يبقى وحش وانتا اول امباح كنت بتظغرط عشانه و السوق مكسب وخسارة ولازم تفهم دة كويس
****
7-التوصيات الانتحارية ملهاش وقت ولا مواعيد دة صفقات اضافيه بحطها لما بشوف حاجة كويسة ممكن ربنا يكرمنا فيها لكن المواعيد الاساسية ثابتة
*****
8-رسالة اخيرة للناس الا بتتدخل ومتابعة اكتر من شخص للتوصيات الموضوع دة مش صح يا اخوانا مينفعش تتابع كذا شخص فى التوصيات ياعنى هو شخص واحد وتكون مقتنع بيه مش تقول الرزق يحب الخفيه وهنا تصوية ومن هنا توصية والموضوع يمشى لاء الموضوع مش صح ومحتاج مراجعة منك
اتمنى انى اقول عكس سعد زغلول
ان فى فايدة ان شاء الله
اشوفكم على خير ودعواتكم
التوقيع
خاطب الله تعالى داود وقال: يا داود أنت تريد وأنا أريد فإن رضيت بما أريد أعطيتك ما تريد وإن لم ترضى بما أريد أتعبتك فيما تريد ثم لا
يكون إلا ما أريد فإنى فعال لما أريد
