رد: @@ كافيه الفوركسية - عندك اى سؤال اتفضل @@
اقتباس:
المشاركة الأصلية كتبت بواسطة شريف خورشيد
1-يجب ان يكون ليدك حساب بنكى جارى بالدولار امريكى( ليس عملة اخرى ) فى اى بنك من البنوك ويفضل الاستثمارية NSGB – CIB اى بنك انت تفضله ولكن هناك نقطة مهمة يجب النظراليها معظم البنوك الاستثمارية او الحكومية لديها ما يسمى حد ادنى لفتح حساب بالدولار هو ما بين 1000 الى 2000 دولار امريكى و لكى نتخطى هذه المشكلة من الممكن تتدبير المبلغ كامل وفتح الحساب به وبعد فتح الحساب اطلب من موظف البنك ان يسحب من حسابك 1500 دولار واترك الباقى فى حسابك وبكدة يبقى تغلبنا على النقطة – بعد ايداعك للمال وفتح الحساب يجب ان تحصل على المعلومات الاتية من البنك </p>
رقم حسابك – اسم البنك – عنوانه – السويفت كود الخاص بالبنك ( مهم جدا )
** السويفت كود الخاص بالبنك معناه ان كل بنك فى اى دولة وفى اى مدينة فى هذه الدولة بياخد رقم تعريفى عشان البنوك بينها بعض فى العالم تقدر تتعرف على بعض .
2-انتا حاليا جاهز عشان تبتدأ تعبئة الاستمارة لدى شركة الوساطة الا انتا اخترتها هتجهز الاتى قبل تعبئة الاستمارة ( الملعومات البنكية الا احنا جهزناها فى اول خطوة + اسكان للبسبور او البطاقة الشخصية الخاص بيك + اسكان وصل نور او تليفون بنفس العنوان الا فى البطاقة )
بعض الاشخاص ممكن يكون العنوان مختلف او انتقلوا الى مكان اقامة اخر مفيش مشكلة ليها حل انتا فاكر فى الخطوة الاول الا جهزنا فيها فتح الحساب البنكى هتقول للموظف البنك انا عاوز كشف حساب بنكى وطبيعى جدا كشف الحساب البنكى هيطلع بنفس العنوان الا موجود فى البطاقة الا انتا قدمته فى البطاقة وهتتدفع عليه رسوم بسيطة تقريبا 10 او 20 جنيه بالكتبر
3-بعد تعبئة البيانات فى استمارة شركة الوساطة الشركة هترد عليك وتقولك مبروك عليك فتح الحساب
ورقم حسباك فى الشركة عندنا هو مثلا 46584 الباص ورد SHYE43JG و ويمكن تحويل مبلغ المضاربة
على البنك الخاص بنا ( طبعا هيديك اسم البنك والبلد والعنوان وكل شئ بالتفصيل ) هتتطبع الملعومات البنكيةالخاصة بشركة الوساطة + رقم حسابك عندهم فقط
4-حضرتك هتروح البنك بتاعك تانى عشان تحول المبلغ الا انتا اخترت المضاربة بيه من البنك بتاعك تقوله انا عاوز احول المبلغ دة الى شركة فى الخارج طبعا موظف البنك على ايده نقش الحنا هيدك ابلكشن فاضى تعبى فيه بيانات الراسل وايضا بينات المرسل ( فاكر الورقة الا انتا طبعتها هترفقها مع الاستمارة عشان الموظف بتاع البنك ممكن ميعرفش يقرا خطك هتكون الورقة دة مرجع لموظف البنك فى التحويل بعد الانتهاء من التحويل هيقولك تعالى اخر اليوم اوبكرة استلم ورق التحويل ولازم تروح تستلمها لانها مهمة – ليه مهمة ؟؟
اقولك انا ليه مهمة الموظفين فى البنوك بيبقوا ساعات مهملين وممكن ينسى يحول الفلوس اساسا وتفاجا تسئل الشركة بتاعتك تقولهم فين لفلوس يقولوا ليك مفيش حاجة وصلت وهيطلب منك تبعت ليه صورة من التحويل دة عشان يقدر يعرف المشكلة من عنده ولا من البنك بتاعك وغالبا بتبقى عندنا بيكون الموظف الصبح ضارب فول والدماغ قافلة ومسقط شبكة
ملاحظة هامة
مش كل الشركات بتسمح تحويل بالفيزاو او الويسترن والائمن والافضل الحساب البنكى وفى بعض الشركات بيخدوا رسوم عالية على التحويل بالفيزا
اسالكم الدعاء والتوفيق
شكرا حضرتك على هذا الشرح الوافى و الله يخليك لينا
و معلش كان عندى استفسار
انا اول امبارح رحت البنك الاهلى سوستيه جنرال و سحبت بطاقه الشباب اللى بتيدينى 3 بطاقات ائتمانيه و دفعت خمسين جنيه مصرى و كلمته على حكايه الدولار و قالى انك تدفع 500 دولار عشان تعمل رصيد دولار بجانب المصرى و قلتله انا مش معايا 500 دولار و انى عايز بس احول
من رصيدى 300 دولار لشركة فى الخارج
رد عليا كالاتى :انك عادى ممكن تحول دولار من حسابك الى اى شركة فى الخارج و مش لازم تودع دولار
انا قولتله طب لما استقبل فلوس بدولار حيصل ايه
قلى : ان الفلوس حتتبعت عادى على حسابك على انه تحويل حتيجى جى لينا و نسالك عايز تخدهم بالدولار و لا بالمصرى عايزهم بالمصرى حنحولهملك و لا بالدولار عادى حتخدهم .
هو ده قلهولى بالنص ان دلوقتى مش عارف هل كلامه غلط و لا صح
و هل فى نقطه فيتنى ارجو من حضرتك استاذ شريف افادتى فى ذللك و للك جزيل الشكر
رد: @@ كافيه الفوركسية - عندك اى سؤال اتفضل @@
أنا واقف على كوبرى ستانلى دلوقت شاورلى والنبى وأنت معدى وسايق طيارة الرحلة عشان نفرح العيال ههههه
