رد: @@ كافيه الفوركسية - عندك اى سؤال اتفضل @@
الحمد لله ان الدنيا هديت شوية
انا عايز اقول حاجة للشباب الصغير
طبعا كلكوا بتحبوا استاذ شريف بس اللى انتوا بتعملوه ده تعذيب
ليه و لناس تانية انتوا مش حاسين بيهم عندهم اشغال طول اليوم و بيحاولوا يتابعوا مع استاذ شريف على قد ما يقدروا
الناس دى لسه داخله الفوركس جديد بعد ما خسروا فى البورصة وبقوا مديونين لشركات السمسرة.وداخلين الفوركس عشان يحاولوا يعوضوا ( يعنى يا طابت يا اتنين عور ).
الناس دى بتحاول تتعلم حاجه من المنتدى و فيهم ناس فتحت حساب حقيقى من قبل ما تحط ايديها فى حساب ديمو لأن ما عندهمش وقت زيكوا يتعلموا فيه .
الناس دى عندهم السكر و الضغط و حاجات تانية و ماهماش حمل انهم يدخلوا علشان يشوفوا توصية يقوموا يلاقوا واحد مستفز حاطط رد و كورال بيرد عليه ..
اللى ما قدرش يمسك نفسه!! واللى بيحاول يقنعه بالمنطق !! واللى بيقوله انا لو شفتك ها ظبتك!!
افرض طلع واد فاقد و مسجل خطر ها تظبطه برضه؟؟
الناس دى يا جماعة ماعندهاش طاقة انها تخش تقرا 50 ولا 70 صفحة علشان تتابع مناقشتكوا ولا بتستفيد من حد غير من الراجل اللى انتوا هلكتوه معاكوا ده
الناس دى بسببكوا ما عرفوش يتابعوا ولا صفقة النهارده
و اخيرا يا ريت كمان تخلوا الكلام فى الكافيه خفيف خفيف عشان نعرف نتابع!!
واستاذ شريف
لا مؤاخذه يا باشا انا عرف ان انت اتعكنن عليك النهارده و خرجت من موود الاسكودو البرتغالى بسبب الدوشة دى ، بس احنا عايزينك تروق كده و خصوصا انى هابقى معاك على الحساب الحقيقى من الاسبوع اللى جاى ( ربنا يستر)
ربنا يرحم والديك ويديك فيزا اتحاد اوروبى ( للشغل طبعا)