في حاجة انا ملاحظها ودي استراتيجية ال 30 بيب بس ربنا ييسر و تكمل عشان هبدا اعرضها علي المنتدي
بعض الناس الي بتطمح في ارباح كبيرة و ده مش عيب احنا داخلين عشان نكسب و لا ايه؟
بس انا بقترح عليهم انهم لما يكونوا مستنيين اهداف من 60 بيب الي اكتر انه بعد ما السوق يمشي معاهم 35 بيب يرحله استوب للدخول
كمان ممكن و اللي احسن من كده يخشوا بعقدين الاول هدفه اقل من 35 و التاني هو الهدف الكبير بحيث بعون الله يجيبوا الهدف الاول في العقد الاول و التاني يا ييجي يا ميجيش بشرط انه بعد ال35 يرحلو الستوب للدخول
مع الاخذ في الاعتبار حاجتين مرتبطين ببعض الاولي الدعم و المقاومة كل حاجة في الفوركس و الاستراتيجيات لازم نحترم فيها مستويات الدعم و المقاومة معاها باه كمان الهاي بتاع الشموع في حالة الشرا و اللو في حالة البيع لو كنا علي فريمات كبيرة من اول الساعة
ارجو ان تكون وجهة نظري صحيحة و مفيدة
تحياتي