رد: هل يوجد شخص في العالم كون ثروة من الفوركس ؟
الأخ فوركس مان ما عندكش رد ما تقعدش تتريق وتدور بعيد عن السؤال اللي وجهته لك ( انته مش شايف ان كلامك فيه تناقض انته مش في الصفحة اللي قبل من ده قلت الأعتماد على الربح من الحظ ( هوه ده تعريف القمار ) واللي انته بتقوله ده يبقى ايه ؟؟ ) ركز في الكلام ده وإذا ما عندكش جواب اعترف مش عيب الإعتراف لكن المكابرة هيه العيب والأكتر من كدا التريقة
الأخ اللي بتكلم انجليزي حاول يا أخي تتكلم عربي وإذا ما بتعرفش عندك المنتديات الأجنبية كتير .
بالنسبة للأستاذ أحمد يا أستاذ المسائل بتاعة الحرام والحلال انا ما تعرضتلهاش عشان أجيب دليل شرعي والكلام ده أنا بقولك انه مقامرة حرام بقى ولا حلال مش أنا اللي أقول انا جبت لك كل الأدلة الواقعية اللي تقول انه قمار انته بقى مش عايز تقتنع ده حاجة ترجع لحضرتك .
أما بالنسبة لمشاركتي الأخيرة في ما يتعلق بالحسابات الحقيقية من الديمو فده حاجه واضحة للجميع لأن لو عندهم حسابات حقيقية مش حيعملوها حقل تجارب لعشرين مليون استراتيجية قريتها هنا وحتى لو بيضاربوا بحسابات حقيقية على الأقل حيقولوا الطريقة مش حيدخلوا في كل استراتيجيات المنتدى ويشاركوا فيها وهما بنفسهم بيجربوا استراتيجتهم حتى لو نزلوها وده أكبر دليل على التخبط وده معناه انه مافيش حسابات حقيقية ربنا عرفناه بالعقل يا جماعة ..