هذه القصيدة لأخي وشقيقي حسن بن سعيد آل مسعود القحطاني
وهو يمتدح قبيلة عتيبه (الهيلا) لمواقف مشرفة قام بها رجال منهم
في موضوع يخصة شخصياً مماهاض قريحته بهذه القصيدة
وقد ذكر فيهابالاسم:
الاخوان مسري بن نوار العتيبي و غلاّاب ابن غالب العتيبي
ونحن بدورنا نقول والنعم ياقبيلة عتيبه ولاهو غريب عليكم الطيب
فأنتوا اهل المراجل والفزعات والمواقف المشرفة عند الخوي والمحتاج
وتستاهلون المدح.
الـبـيــض لـلـعـتـبـان وافــيـــن الـمــراجــل والــوعـــود
اهـــــل الـجـمـائــل والـمــواقــف لأحـتــمــا مـيـدانـهــا
قبـيـلـة بالـطـيـب تـرقــا مـــن سـنــودٍ فــــي ســنــود
وتـــقـــدّر وجـــيـــه الـــرجـــال الله يـــرفـــع شــأنــهـــا
أهل الشجاعة لا حصل بيـن الرجـال أخـذ وردود
تشـهـدلـهـم والـمـعـركــة تـشــهــد لــهـــم فـرسـانـهــا
وأمجـادهـم تشـهـد لـهـم والـنـاس بالـواقـع شـهــود
ذيـدانـهـم عـصــر الـجـهــل تــرعــى بــــلا رعـيـانـهـا
وضــح ومغاتـيـر ومجـاهـيـم مـثــل ســـود الـرجــود
وصـفـرٍ وشـعـلٍ واجـــب الضـيـفـان مـــن قعـدانـهـا
مـــن هـيـبـة العـتـبـان تـســرح لاقــيــود ولا حــــدود
فـأرض الجزيـرة قبـل يصـبـح الأمــن فــي حدّانـهـا
يأشبال أسودً من أسدود ٍ ما تخلّف غير أسود
رؤس الـمـراجــل رؤســكـــم وسـلـومـكــم عـنـوانـهــا
أنـتـوا هــل الـــردات والـفـزعـات لا هـــاب الـشــرود
وبـيـوتـكــم زبـــــن الــدخــيــل مــكــرّمــة ضـيـفـانـهــا
يـاربـع قــرمٍ لادعــا المـاجـوب مــن جـــوده يـجــود
ويخـتـار مــن بـيـض الفـعـول جـزالـهـا واسمـانـهـا
(مسري نـوار) اللـي بطيبـه يصعـد العليـا صعـود
لـــه وقـفــةٍ عـنــد الـخــوي يـشـهــد لــهــا بـرهـانـهـا
وياربـع مــن جــاد وتجـمّـل جـعـل رأســه فالـوجـود
( غــلاّب ابــن غالـب)زبـون الـكـائـده وحصـانـهـا
شومي لهم يـأم العيـون السـود ناقضـت الجعـود
يـابـنــت قــــومٍ يـقـصــر الـطـمــاع مـــــن ذيـدانــهــا
سـلام يابيـض الوجـيـه الـلـي عـلـى العلـيـا تــرود
يـــا مـــن تـجــوَد فـــي شـــداد الـمـرجـلـة وعـنـانـهـا
تـقـبّــلــوا مـــنــــي ســـــــلامٍ يـاعـريـبــيــن الـــجــــدود
لـعـتـيـبـه الـهــيــلا جـمــيــع شـيـوخـهــا وأعـيـانـهــا
وســـلام قـحـطــان الـعـريـضـه عـدّحـنّــات الــرعــود
لأسـقــا مـطـرهـا فــرعــة الــــوادي مــعــا ريـضـانـهـا
البيض للعتبان
