فديتك

dakhil 2

عضو فـضـي

تاريخ التسجيل: May 2010

المشاركات: 4,091

معدل تقييم المستوى: 18

18 - 10 - 2010, 04:20 PM

فديتك

امسح دموعك فديتك لا تبكيني معاك
ماتحمل شوفتك تبكي وانا جالس معك

ليه بس تبكي وتندب حظك وتضحك عداك
قبل أسافر لا تخبي أنا جالس وأسمعك

قلتلك يعني ( بسافر) ضقت والدمع إيغشاك
كل هذا ماتبيني (أبتعد وأودعك)

يا نظر عيني فديتك كل همي بس رضاك
عاد يالله بس يكفي لا تزود مدمعك

ياعساني من فداك وكل روحي من فداك
وكل ما تطلب فداك ومطمعي هو مطمعك

يا كثر مالك بقلبي وانت تعرف وش غلاك
ومانخلق مثلك فديتك يا حبيبي ماروعك

كل هالعالم وربي ماتجي في مستواك
وكل هالعالم وربي ماتساوي أصبعك

كاملن والكامل الله كملك زاد بحلاك
كملك أحسن وصوفك وين ماتروح أتبعك

(شاعرك) وافي بحبه والله بعدك هلاك
قرب وهذي ظلوعي ادفيها من أضعك !

أسمع بقلبي قصيدة أتنهد من بكاك
أجمل وأروع قصيدة فالظلوع تولعك

نبضها من حبر دمي تطربك يا أغلى ملاك
من خفوقي ياحبيبي جت تداعب مسمعك

يالله عاد امسح دموعك لا تبكيني معاك
ماتحمل شوفتك تبكي وأنا جالس معك

روابط سريعة