
رد: " نصائــــح فوركسيــــــــة " ::: النصيحة السادسة ::: خدعـــــة تسمي التحليـــل الفنـ
السلام عليكم ورحمة الله ..
مشكور اخى محمد على موضوعك الشيق وعلى تلك المناقشة الموضوعية الجميلة ...
ولكن لى ملاحظة ارجو اخذها فى الحسبان ...
فهمت من كلامك انهم اخترعو التحليل الفنى لمعرفة طريقة تفكرنا وضرب الاستوبات...
كلامك ممكن يكون صحيح لدرجة كبيرة ....ولكن فكرة انهم اعداء لينا والاسلحة والكلام ده
انا مش مؤيدك فية فى بورصة الفوركس ...
ممكن اؤيد كلامك بخصوص الاسلحة فعلا والحرب واحنا وهما فى التخطيط السياسى الاستراتيجى
لكن فى بورصة العملات ...الدنيا كلها مشتركة فية احنا وهما واوربا واسيا والعالم كلة ...
يبقى موضوع تحريك السوق بيتم على حسب السيولة التى تضخ بة ... واللى بيتحكم فى ده اصحاب روؤس الاموال ...واللى يوضح ده لدرجة كبيرةهو التحليل الفنى....
امتى بقى نعرف ان ممكن اصحاب روؤس الاموال هيلعبو فى السقو ده ممكن نعرفة من التحليل الاساسى ...يبقى الاتنين بيكملو بعض..
مثلا ...على سبيل المثال من فترة وامريكا بتضغط على الصين انها ترفع سعر صرف عملتها ...
وده حصل فعلا من يومين واثر على السوق ...
وضغطها على اليابان لرفع سعر عملتها ...ولكن التاثير بيكون لفترة محدوده وبيرجع تانى السوق ياخد وضعة الطبيعى
يبقى التحليل الاساسى بيوضح ماذا سوف يحدث مستقبلا .
والتحليل الفنى يوضح ماذا يحدث الان.
وده وجهة نظرى الشخصية تقبل مرورى...اخوك وائل
التوقيع
أشهد أن لا إله إلا الله وحده لاشريك له له الملك وله الحمد يحيى ويميت وهو حى لا يموت وهو على كل شىء قدير ...سبحانك اللهم وبحمدك نستغفرك ونتوب اليك...