محاضرات تحليل فني في جامعة المنصورة

السلام عليكم

يا جماعة انا سمعت ان الاسبوع الجاي في محاضرات عن التحليل الفني للبورصة في كلية تجارة جامعة المنصورة و هتبقي 4 ايام تقريبا ابتداء من يوم الاتنين القادم و هحاول اعرف مين اللي هيقدم المحاضرات و اعرف المواعيد بالظبط و هبلغكم بيها ان شاء الله و يا ريت لو اي حد عنده اي معلومات زيادة يعرفنا و يفيدنا كلنا

انا عرفت الموضوع ده و حبيت افيدكم لاني سمعت انها هتبقي محاضرات قيمة جدا و اتمني ان حد يستفاد منها

شكرا

السلام عليكم
والله دة خبر جميل جدا وياريت فعلا تحاول تعرف المواعيد علشان نحضر

ان شاء الله اعرف المواعيد اليويمين دول اصل المشكلة اني مش في كلية تجارة ف مش بروح هناك كتير بس هسال و هبلغك ان شاء الله وانت لو عرفت اي معلومات عن الموضوع ده عرفني برده

والله يا شباب تسلموا على الخبر ده وانا ان شاء الله رايح الجامعه هشوف كده وابلغكوا ويبقى الفوركس وصل لحد عندنا يااااا حلاااااااااااوووه

بازن الله انا اكيد لو عرفت اي حاجة هبلغك بازن الله ولازم نتقابل واتشرف بيك

الشرف ليا يا جميل وانا ان شاء الله هجيب المواعيد قريب

السلام عليكم يا جماعة

المحاضرات ان شاء الله هتكون بكرة الساعة 11 في مدرج كلية تجارة جامعة المنصورة ان شاء الله اللي عايز يحضر هيستفيد كتير جدا في التحليل الفني بشكل عام سواء بورصة مصرية او فوركس
اللهم بلغت اللهم فاشهد
بالتوفيق للجميع و ان شاء الله اسبوع مربح

متشكر جدا علي المعرفة المعاد

أنا لسه شايف الموضوع دلوقت
شكرا على مجهودك , لكن أرجو إنك تحاول تعرفلنا أي مواعيد جديدة وتنشرها هنا باستمرار عشان الكل يستفيد بإذن الله .
و الله المستعان

والله يا جماعة للاسف اني رحت امبارح و فضلت مستني و حته معرفش المحاضرة اتعملت ولا لا بس اللي اعرفه اني وقفت في مدرج ساعتين و في الاخر كنت في محاضرة عادية لكلية تجارة و حتي معرفتش اخرج من المدرج لانه كان اتقفل
مش عارف هيه جامعة المنصورة مش بتعرف تعمل حاجه ولا ايه؟
عامة ربنا يسهل لو اي حاجه جديده اكيد هقول ليكم