تحديد الاتجاه لليوم القادم بنسبة 95% يوميا باذن الله

السلام عليكم اخوانى
اسبوع اخضر على الجميع
كل يوم بكتشف انك يا استاذ محمد عبقرى ويسعدنى انك تكون من مصر
بصراحة الواحد مبهور من هذا الشيت العجيب
طبعا انا كنت قولت ان فيه حاجة سأطرحها قريبا
اولا سوق اسيا ملهوش اى تلاتين لازمة ممل والمفروض يشيلوه من الاسواق
ثانيا سوق اوروبا هو الكل فى الكل
اللى عايز يكسب بجد يشتغل من الساعة 9 صباحا بعد افتتاح سوق اوروبا ولغايت انتهائه الساعة
6 مساء وستجنون ذهبا ان شاء الله
سوق اسيا بستفيد منه فقط فى حالة وحيدة وهى وجود اخبار باللون الاحمر (هامة) على عملة الاسترالى
او العملة الصينى لانها بتأثر فى ازواج الاسترالى وازواج الين
طبعا وقت الخبر المهم بيحصل هيجان فى الشارت
هنستفاد احنا بقى من السيولة الى معانا فى الشيت ازاى
بعد الخبر اما ينزل بنبص فى الخانة رقم 2 وهى المحرك الرئيسى للسوق
وبنشوف بعد الخبر بنلاقى الرقم زاد مثلا الى 5 او 6 او 7 سواء بالاحمر(بيع) او بالاخضر(شراء)
بنروح فاتحين اوردر كل واحد حسب حسابه هو ادرى بيه فيه ناس هتستفاد
ب 10 نقط اسكالبينج او اكتر
ايه بقى اللى هيخلينى استنى واجنى عدد كبير من النقاط او اخرج بمتابعة الخانة رقم 7 لو لقيتها وصلت
الى 80 او اكتر اقفل الصفقة على طول
وطبعا وقت الاخبار المهمة الناس بتبقى خايفة تدخل لانه مش عارفين السعر طالع ولا نازل ولا هيكمل ولا مش هيتحرك اصلا لكن احنا معانا هذا الشيت الكنز اللى بيعرفنى هل السيولة ما زالت مستمرة على العملة او ابتدت تقل او خلاص حصل جنى ارباح بعد الخبر وخانة رقم 2 ابتدت تبقى باللون الاصفر
يعنى تذبذب يعنى اقفل صفقتى واحمد ربنا على كدة
تانى حاجة انا زمان كنت شغال اسكالبينج بطريق البولينجر والاستوكاستيك
اول اما الاقى السعر وصل الى احد حدى البولينجر العلوى او السفلى مع تأكيد الاستوكاستيك
فى حالة تشبع ابتدى افتح صفقة طبعا اوقات كتير جدا كان السعر بيفضل طالع وبيسحب البولينجر معاه او نازل والعكس كانت الحالة دى بتضايقنى جدا جدا لانى مش عارف السعر هيبتدى يحترم البولينجر امتى وينزل او يطلع
وتركت الاستراتيجية لانها خسرتنى لكنها جيدة لكن انا حظى ماجاش معاها
لكن طبعا انا دلوقتى اقدر اشتغل بيها وانا مطمن 100 % وعارف اذا كان السعر هيلمس فى البولينجر وينزل ولا هيكمل صعود بخانة رقم 2
وبرده حاجة تانية اوقات كتير بنشوف ترند يومى مثلا قوى والسعر يخترقه او يكسره
وبعدين يرجع يدخل جواه تانى برده الحالة دى كانت هتجننى
ودلوقتى واحنا معانا السيولة الحقيقية بتاعت السوق نقدر نعرف اذا كان السعر هيلمس الترند ويعكس ولا
هيخترقه او يكسره برده من خانة رقم 2
برده عند الوصول الى مقاومة 4 ساعات او حتى ساعة هنعرف اذا كان السعر هيكسرها ولا هيرتد
بالخانة رقم اتنين مع دعم من الخانة رقم 7 كما شرح اخونا الفاضل محمد فى شرح الفيديو
خانة واحد بقى ايه السر فيها
دلوقتى لما خانة 2 تقرر بيع ام شراء خانة واحد بتقلب معاها اوقات وجود اخبار
وعلى فكرة فيه اخبار مابتنزلش فى فوركس فاكتورى (اخبار جانبية) او مفاجئة
المهم اللى لاحظته ان خانة واحد بتمشى مع خانة اتنين اوقات كتير
وفأجاة بعد شوية الاقيها تروح مغيرة العكس
ايه اللى بيخليها تغير العكس ان السعر بيبقى وصل عند منطقة مهمة مثلا ترند او مقاومة
ابص الاقى الخانة نمرة واحد اتغيرت ولما ابص فى الشارت الاقى السعر
وصل فعلا عند مقاومة او ترند
انا بعمل ايه بقى اول اما الاقى الحالة دى ابص فى خانة رقم 2 لو لاقيتها 5 او 6 بفضل فى الصفقة
وخانة رقم 7 لسة ما وصلتش الى رقم 80 مثلا وبكدة ببقى عارف ان الترند او المقاومة هيتكسروا يعنى هيتكسروا
هو ده اللى اكتشفته حتى الان
وممكن اى واحد يشتغل بيها مع اى استراتيجية هو شغال بيها هتكشفله السوق ناوى على ايه
مثلا فيه ناس شغالة بتقاطع الموفينجات
اقدر اعرف ساعتها اذا كان التقاطع دة وهمى ولا حقيقى وهيجيب تارجت
الصراحة انا مبهور بهذا الشيت ومعجب اشد الاعجاب بعقلية اخونا محمد
واحمد الله انه هدانى الى موضوعه هذا
واتمناله كل التوفيق هو وكل المتابعين
معلش انا طولت عليكوا بس يا رب يكون شرحى واضح ومفهوم
وكمان ايدى وجعتنى من الكتابة انا عمرى ما كتبت مشاركات كتير كدة فى منتدى اخر غير هذا المنتدى
الذى يجمع عمالقة الفوركس والناس كلها بامانة شديدة فى منتهى الذوق والادب والاحترام
اشكرك جزيلا استاذ محمد وجعله الله فى ميزان حسناتك
ولو تعرف تخللى العملات دول يبقوا اكتر من 9 تبقى بروفيسير
كل التوفيق لكم
والسلام عليكم ورحمة الله وبركاته