إنطباع عن معرض عقارات الرياض 2010
1) قلة الإقبال على المعرض بنسبة كبيرة عن العام الماضي بالرغم من اننا لسنا في فترة إجازة وايضا قد تم السماح للعوائل مع اني ماشفت عوائل شفت بنات يتجولون بلحالهم وشباب لحالهم ونادر ما اتصادف بواحد معه معزبته
2) يوجد منافسة محمومة بين البنوك على استقطاب زوار المعرض وحثهم على قروض سكنية واغراء الزوار بنسبة اقل في المعرض عنها بعده والنسبة مابين 3,5 الى 4 % والملفت للنظر هو طريقة بنك الجزيرة الغريبة نوعا ما . موظفينه صافين ومن مر عليهم عطوه البرشور وقالوله اللحق خذ قرض في المعرض عشان تستفيد من الخصم على النسبة وطريقتهم ذكرتني بطريقة العمال اللي يقفون قبال محلات العطور ومن مر عليهم عطوه سامبل وقالوله ادخل المعرض .
مع ملا حظة دخول شركات جديدة تعمل في مجال تمويل العقار ( دار التمليك ) وطقتها . وهذي الشركات تعطي بنسب مقاربة لنسبة البنوك وبشروط اسهل
3) من الملاحظات قلة وجود شركات التطوير العقاري مثل دار الأركان وطقتها و التي تعرض مساكن جاهزة للسكن في المعرض واغلبهم يقولك المشروع بينتهي بعد 6 اشهر ولا بادي في الحفر والبيع بعد سنة .؟؟
4) اعجبني جناح مملكة البحرين عارضين نموذج لبرج يعتبر اطول ناطة سحاب عندهم ..... وسألتهم عن اسعار الشقق لو اقولكم شي خيالي .. !!
الله يحلل ديرتنا (( أجل شقة .. لالا حرام تسميها شقة . سويت مساحته 60متر عبارة عن غرفة وصالة وحمام وكرنر صغير متر في متر مسمينه مطبخ . والعمارة لسا مهيب جاهزة بعد سنة اذا صدقوا تستلمها وسعرها ب 38000 دينار يعني 380 الف ريال .لا وتدفع ضرايب حكومية كل سنة مايعادل 84 ريال على المتر المربع يعني السويت ابو 60م تدفع عليه 5040 ريال والعائد على الأستثمار مايتجاوز 9% .والأمر والأدهى ان أرض العمارة عبارة عن بحر مدفون وهم يعلمونك بشيء ذا مايغشونك وين الموقع تعرفون الجسر اللي يربط بين المنامة والمحرق اذا طلعت معه كنك رايح للمحرق خلها على يمينك ولف يسار وبتل شوي تجيك الأرض قصدي البحر المدفون .. عاد مايحتاج أوصف كل الشعب السعودي يدل البحرين
عقار ستي الرياض 2011
المواضيع المتشابهه 
