اقتباس:
المشاركة الأصلية كتبت بواسطة عمرو الدسوقي
السلام عليكم
معلش يا جماعة انا جديد في الفوركس يعني اية تبريد وشكرا لكم
التبريد و التعزيز حاجه والهيدج حاجه تانيه
التبريد هو انه تكون الصفقه عاكسه عليك وخسران وتدخل بعقود تانيه فى نفس اتجاه الصفقه رغبة فى تقليص الخساره واملا فى ان يعكس السعر مره اخرى ... وغالبا يكون نفس حجم العقد الاول او اكبر .
التعزيز هو انه تكون الصفقه ماشيه تمام فى الاتجاه اللى انت داخل معاه وكسبان و تدخل بعقود تانيه فى نفس الاتجاه رغبة فى مزيد من المكاسب واملا فى ان يستمر السعر فى نفس الاتجاه للطماعين يعنى
الهيدج بقى هو انك تكون داخل فى صفقه و بعد ما السعر يمشى مسافه معينه تدخل بعقود معاكسه لاتجاه دخولك الاول . سواء كنت كسبان او خسران
يعنى لو كنت بايع تشترى ولو كنت شارى تبيع .. بنفس عدد اللوتات ونفس الكميه اللى دخلت بيها فى البدايه ولكن فى اتجاه معاكس
ودا بتعمله للحفاظ على المكسب فى حاله المكسب دون غلق الصفقه .. او لتثبيت الخساره والعمل على عدم زيادتها فى حالة الخساره
وبعض الناس بتستخدم الهيدج مكان الستوب لووز .. ولكنه يحتاج لاحترافيه فى التعامل علشان تقدر تطلع منه كسبان
بالتوفيق للجميع