السلام عليكم ,اعتزر اشد الاعتزار عن التاخير نظرا لضيق الوقت المفروض كان معادنا امبارح بس للاسف اتاخرت عليكم لليوم ,وكما وعدتكم ان شاء الله اللى حابب يبتدى من بدايه الاسبوع يتفضل
بسم الله الرحم الرحيم
ان شاء الله هنشرح طريقه تستطيع ان تضاعف حسابك كل شهرين بامان بربح 2% يوميا بدون شاراتات وبدون تحليل فنى
القانون اللى هنشتغل عليله
"" يستحيل ان تظل العمله تتحرك فى نطاق 60 نقطه فقط الى الابد ""
مثال, زوج اليورو دولار ,الدولار ين ,الاسترلينى ين ...هذه الازواج متوسط الحركه اليومى لها كبير يزيد عن 60 نقطه يوميا اذهب الى الشارت ولاحظ ذلك هل تجد ان زوج يظل يتحرك فى نطاق 60 نقطه ,طبعا مع افتتاح السوق وليس فى فتره اغلاق سوق العمله ,
الخلاصه تختار سوق قوى وتدخل السوق فى افتتاحه واذا تحرك السعر 60 نقطه فى اى اتجاه اعلم انك ربحت 1% من رائس مالك ,ومهما يظل السوق يتحرك فى نطاق 60 نقطه فلابد رغما عنه ان يجتاز 60 نقطه صعودا او هبوطا .
هنا بقى نيجى للنقطه المهمه كيف اربح 1% اذا تحرك السوق فى اى اتجاه 60 نقطه
مع افتتاح السوق نفتح صفقتين واحده بيع وواحده شراء هدف كل واحده 20 نقطه ووقف خساره 20 نقطه كميه الصفقه لكل منهما0.005% من رائس المال (قيمه النقطه 5 سنت لكل 100 دولار) , بعد مده صغيره اكيد السعر هينزل او يرتفع 20 نقطه ,الان اصبحنا كسبانين 1%وخسرانيين 1% , لحد كدا تمام ,مهمتنا هى تعويض الخساره وبكدا الربح هيكون صافى ,ازاى هنعوض الخساره , قبل ما تقفل الصفقه الخساره نكون مجهزين امر معاكس بنصف قيمه الصفقه الخاسره بهدف 40 ووقف 20نقطه , لو كمل معانا السعر يبقى خير وتمام لو رجع تانى 20 نقطه هنعمل صفقه معاكسه بنصف قيمه الصفقات الخاسره بهدف 40 نقطه ووقف 20 نقطه وهكذا , وطبعا السعر مستحيل يظل يرتفع ويهبط 20 نقطه فقط رغما عنه لابد ان يرتفع على الاقل 60 نقطه وبكدا نكون ربحنا الحمد لله ,
كيفيه الدخول فى الصفقات , اول صفقتين مع بعض واحده بيع وواحده شراء , بهدف 20 ووقف خساره 20
باقى الصفقات بتكون بهدف 40 ووقف 20 والدخول حسب الجدول التالى
الصف الاول يوضح رقم المضاعفه هل هى المضاعفه الاولى الثانيه الى المضاعفه التاسعه
الصف الثانى يوضح كميه الصفقه اللى هندخل بيها فى كل مضاعفه ,مثلا فى المضاعفه الرابعه مكتوب 1.13ببساطه هتضرب الرقم دا فى رائس مالك والنتيجه تدخل بيها كميه العقد مثلا لو رصيدى 100 دولار يبقى 100*1.13=دولار و13سنت فى الصفقه لو عايز تحدد قيمه النقطه اقسم الناتج على 20 وهكذاباقى المضاعفات
طبعا من النادر جدا انه يوصل للمضاعفه رقم 6 او 7 والباك تست لم يسجل مره وصل فيها الى المضاعفه 8 ان شاء الله الطريقه مضمونه ,
الصف الثالث يوضح خسارتك بعد كل مضاعفه مثلا فى المضاعفه رقم 6 خسارتك هى 6.61 % من رائس مالك يعنى 6 دولار ونص لكل 100 دولار ,مهما كان لن تصل للمضاعفه الثامنه ولو افترضنا جدلا ان سوق الفوركس اصبح سوق تعبان ونايم ودا طبعا من المستحيلات لان كلنا عارفين كم حجمه هذا السوق ,فهتكون خسارتك 16 % من رائس مالك ,
يجماعه معظمنا عارف ان المضاعفات حلوه ومره, بالطريقه دى احنا هنفضل مع السوق اكبر فتره ممكنه وان شاء الله نطلع ربحانيين فى كل عمليه
ملاحظات , يستحسن ان تضع الامر المعاكس بعد تفعيل الامر اللى قبله بسرعه لربا السعر يتحرك بسرعه ويصعب عليك تفعيل الامر حسب البروكر بتاعك ,كمان لازم تحط فى الحسبه قيمه السبريد بتاع البروكر بتاعك مثلا انا السبريد عندى فى اليورو دولار هو 2 نقطه علشان كدا الصفقات بتكون هدف 42 ووقف 18 بدل 20 ,
ازاى بقى هنضاعف الرصيد كل شهرين والصفقه بتكسب 1% فقط , بكل بساطه صفقتين فى اليوم يعنى 2% كل يوم ,
40 يوم عمل فى الشهرين يبقى الارباح بعد الشهرين 220%
لان كل يوم هندخل الصفقه بالرصيد والارباح اللى قبليها علشان كدا انا وضعت الجدول بالنسبه المئويه علشان يناسب كل الحسابات ويناسب كل يوم ,هنفترض مثلا ان رصيدك 100 دولار اول يوم هيكون الرصيد والارباح102 تانى يوم ندخل برصيد 102 وهكذا
ارجو ان اكون وفقت فى عرض الطريقه للعلم هذه الطريقه ليست من اختراعى بل بفضل احد الاخوه لا اذكر اسمه انا فقط عدلت عليه وعملت الجدول علشان يسهل العمل , يفضل العمل على ازواج سبريدها قليل ويكون معدل تحركها اليومى كبير او متوسط انسب زوج هو الزعيم
نصيحه من اخوكم ,بلاش حد يجرب على حساب ديمو لان سيرفر الديمو يختلف تماما عن سيرفر الحقيقى فى تنفيز الاوامر , طبعا معظمنا عارف كدا ,وفى طرق واسترايجيات كتير تنجح على الديمو وتفشل على الحقيقى ,مش معنى كلامى انك تغامر برائس مالك , بس فى حل هو انك تشوف شركه بتعطى بونص بدون ايداع وتشترك فيها وتجرب على الحقيقى من غير ما تخسر , او ممكن تشوف شركه بتقبل حسابات صغيره تفتح فيها حساب ب5 او 10 دولار , وتجرب .
لو فى اى سوال انا تحت امركم