تاريخ التسجيل: Nov 2008
الدولة: Planet Earth
المشاركات: 105
خبرة السوق: 1 الى 3 سنوات
معدل تقييم المستوى:
0
رد: @@تـوصيات يومية على المجنون GBP/JPY@@
شريف باشا كلنا عارفين إنتا أد ايه بتتعب معانا بجد الله يكون في عونك أنا كتير بتخيل نفسي مكانك وبلاقي اني مستحيل أقدر أتحمل تساؤلات الناس الي بتيجي في أوقات حرجة وبتدل على انهم مش مستعدين يتعبوا نفسهم ويقروا الموضوع والمصيبة بيزعلوا لما يدخلوا غلط أو يخسروا مفيش حلاوة من غير نار ومفيش نجاح من غير تعب وقراية موضوع من أوله ماهواش تعب، ده بالإضافة للنقض السخيف الي بيجي متجاهل كل النتايج المتسجلة، بجد الله يكون في عونك...
أنا بس أحب أعرفك بحاجه يمكن أكون قلتهالك قبل كده، أنا بقالي في مجال الفوركس حوالي سنة وكنت وصلت لمرحلة اني بأست منها ونويت إني أبتعد نهائي وبالفعل كنت بعدت لحد ما لقيتك بتبعتلي توصيات مجانية على المسنجر وتجاهلتها اكتر من اسبوعين وبعدها قلت ليه ما أدخلش أجربها وجربتها على الحساب الحقيقي وبنسب دخول عالية توصل ل 10% وكنت بعمل كده ومش فارقة معايا وتاني يوم كسبت وتالت يوم ولما لقيتك دايما بتحذرنا وتقولنا (خلوا بالكم من إدارة رأي المال أنا بشر) قللت نسب المخاطرة وبقت من 3-5% على أقصى تقدير، وأحب أقولك ان رأس المال عندي تضاعف أكتر من مرتين ونص خلال شهر بفضل الله أولا وبفضلك من بعد الله...
وبدأت أغير رأيي في الفوركس وبديت أحاول أتعلم تاني بس المرة دي من غير يأس، والحمد لله المرة دي من خلال إنسان على علم فعلا وخلق عالي ويعرف ربنا، ورغم إني لسه ما أخدتش الكورس معاك بس أنا استفتدت كتير منك مش بس مكاسب مادية، لا حضرتك علمتني إن الفوركس هي المستقبل وان من غير تركيز ومن غير إصرار مثابرة وإلتزام مستحيل أنجح، ومن يوم ما عرفتك وأنا بتعلم كل يوم وبطبق والحمد لله النتايج الخاصة بتحليلي وتطبيقي على الحساب التجريبي إجماليها ناجح وإن فشلت مش بيأس وبحاول تاني وتالت، وطبعا استفدت كتير من مناقشاتنا الي كنا بنعملها أخر كل اسبوع ومن إستراتيجية أبوتريكة الي فعلا فيها خير كتير لينا وليك بإذن الله...
والمكسب الأكبر اني اتعرفت على إنسان ربنا كرمه بعلم وأخلاق طيبة زيك ووالله ماهياش مجاملة بس كلمة الحق لازم تتقال من يوم ما دخلت عالم الفوركس أنا ما قابلتش حد بأخلاقك، وكفاية أوي أني أستفدت منك في موضوع الحمد والإستغفار خلال الصفقات، لأن مهما الإنسان ما وصل لدرجات عالية من العلم، علم ربنا وقدرته وإرادته فوق كل شئ...
شريف باشا أنا مستمر معاك إن شاء الله وإذا ربنا مد في عمرنا يشرفني أكون تلميذك في كورس الفوركس الي بتقدمه أول ما تسمح لي الظروف اني أتواجد في القاهرة، ومستمر معاك في موضوع التوصيات بالإشتراك بعد ماتتوقف عن تقديمها في المنتدى...
وربنا يكرمك ويزيدك من علمه وفضله وكرمه ويغفرلك ذمبك وأمه محمد جميعا ويجعلنا من أهل الجنة...
التعديل الأخير تم بواسطة darker83 ; 05 - 12 - 2008 الساعة 10:51 PM