قصص وروايات حب سعودية

الــمــســتــحــيــل . . . خـــل وفـــي ؟؟؟
بــحـــب . . واحــــد . . يـــكـــتـــفـــي !!!
والأمـــــــل فـــــي ذا . . الــــزمـــــن ,,,
ومـــضـــة . . وحــــده . . ويـــخـــتــفـــي ...
بارت 1
كانت جالسه على الشرفه كالعادة تتأمل النجوم والقمر وسرحت بأفكارها تفكر فيه وفي اليوم اللي حيجمعهم في بيت واحد
سمر (بنت رومنسيه مره واخلاقها عاليه وتحب كل الناس وتحاول تسعد اللي حوليها على حساب نفسها جمالها ناعم وعيونها عسليه ابوها متزوج فرنسيه عشان كدا جمالها رائع وماخده من ابوها الملامح السعوديه ولون العيون وماخده من امها لون البشرة البيضا والشعر الناعم شعرها طويل ولونه بني شوكلت وطويله عمرها 25 ومخطوبه حاليا لشاب اسمه انمار خلصت دراستها في الجامعه قسم اقتصاد منزلي امومه وطفوله لانها تحب الاطفال وتشتغل في حضانه)
أنمار (شاب عمره 27 طويل ومعضل وملامحه سعوديه وسيم جدا دايما البنات يغازلوه بس انمار من النوع الثقيل جدا انمار طيب مره واخلاقه مره عاليه ويموت على شي اسمه سمر يحبها مره بس عيبه الوحيد انه يتأثر مره بكلام اللي حوله )
دق جوالها بنغمة عبالي حبيبي لاليسا فاقت من سرحانها وردت :
سمر: الو
انمار:هلا والله حبي كيفك شخبارك وحشتيني وربك
سمر (الى الان تستحي مع انه لهم سنه مخطوبين و3 سنين يحبو بعض يعني 4 سنين مع بعض)
انمار: فديت اللي تستحي ، اقول سمر المفروض ماتستحي احنا لنا 4 سنين مع بعض وخلاص ماباقي شي ونتزوج وتصيري ام عيالي
(انمار ماخطب سمر من بدري لانه كان يدرس طب وبس خلص دراسته خطبها وصار لهم سنه مخطوبين وحددوا زواجهم بعد شهرين)
سمر: يووه يا انمار لا تقول ام عيالي ايش دي الكلمه مره مو ستايل
انمار : ههههههههههه حاضر يا قلب انمار انا عشانك بصير فرنسي اذا تبغي المهم رضاكي
دخلت رهف الغرفه :وجع سمر قفلي كل مااشوفك ماسكه الجوال وتهرجي على الفاضي والمليان وانت يا انماروووه خلاص خف على البنت زواجكم بعد شهرين وانت بس تتصل ترا بقول لبابا يأجل زواجكم لسنه
انمار: اقول سمورة حياتي انا بقفل ولا ترا تسويها اختك المرجوجه مايكفي عشان خاطرها اتأجل زواجنا لحد ماتنتهي الدراسه
سمر :هههههههههه اوكي حبيبي اكلمك بعدين يلا باي
سكرت سمر السماعه والتفتت لرهف :ها يا قلبي ايش كنتي تبغي
رهف : ولا شي بس كدا غلاسه
سمر عصبت وقامت ترمي المخدات على رهف وجلسوا على دا الحال لحد ماتعبوا وانسدحوا على السرير
رهف : سمر ماني مصدقه انك حتتزوجي وتسيبني في البيت لوحدي
سمر على طول دمعت عيونها:رهوفه والله ابكي لا تقولي زي كدا وبعدين انا ماحسيبك تقدري تجيني وانا اجيكي
رهف : اقول انكتمي بس كنت بستهبل ولا انا محد قدي بقول لبابا يفتح غرفتي على غرفتك واخد الغرفتين ليا
سمر انقهرت من اختها:اقول نامي نامي لا اخنقك دحين
رهف : ههههههههه تصبحي على خير
سمر : وانتي بخير
رهف وسمر ينامو في غرفه سمر مع انه رهف عندها غرفتها بس سمر خلت رهف تنام عندنا من يوم ماانخطبت يمكن تبغا تشبع من اختها اللي تموت عليها قبل ماتفارقها وتروح لبيت الزوجيه
نسيت اعرفكم على رهف (بنت حبوبه مافي احد مايحبها دلوعة ابوها عمرها 22 سنه تدرس في الجامعه قسم علم نفس اخلاقها عاليه بس مرجوجه وتحب الفله وهيا النقيض لاختها سمر طولها متوسط عيونها عسليه على اخضر وشعرها بني فاتح وطويل مموج <كيرلي> لون بشرتها برونزي اخدت من ابوها الشعر ولون البشرة ومن امها الجمال الفاتن ولون العيون كل من يشوفها يقول انها اجنبيه ودا الشي اعطاها ثقة كبيره في نفسها تخلي اللي يشوفها لاول مره ياخد فكره عنها انها متكبره طبعا الحب والرومنسيه كلمات محذوفه من قاموسها في الحياه)
يوسف\ابو خالد(ابو سمر ورهف ماعنده غير بنتين وبناته عنده بالدنيا كلها ومايحب يزعلهم ابدا بالذات رهف لانها الدلوعه حقته
طبعا حتقولو ليش اسمه ابو خالد مو ابو سمر :لانه كان متزوج بنت عمه قبل مايتزوج ماريا ام سمر ورهف
طبعا مااتفق مع بنت عمه بس كان يرضي اهله بدا الزواج وكانت حنان شايفه نفسها ومغروره ومافي احد عاجبها حتى زوجها وماكانت ابدا زوجه له بمعنى الكلمه كانت زوجه بالاسم وجابت خالد اللي اتوفى بسبب اهمالها وبعدها يوسف كرهها بزياده وماقدر يكمل معاها وطلقها وسافر لفرنسا وهناك اتعرف على ماريا اللي اتعرفت عليه عشان تتعرف على الديانه الاسلاميه اكتر ولما اسلمت حبها من كل قلبه وعوضته عن كل السنين اللي عاشها في السعوديه واتزوجها وطبعا اهله كانوا رافضين دا الزواج السبب اللي خلاه يكمل حياته في فرنسا وبعد ماصار عمر رهف 10 سنين رجعوا السعوديه بطلب من ابوه حامد اللي كان حيتشقق ويشوف حفيداته واللي يموت عليهم اكتر شي لحد الان)
صحيت الصباح على صوت المنبه وقبل ماتقوم من السرير دقت على رهف
رن جوال رهف بنغمة انسى كل الناس خليني احضنك لماجد المهندس طبعا مو رهف اللي حطت النغمه لانه اصلا جوالها مافيه اغاني زي كدا بس نوف حطتها لانها تموت على شي اسمه ماجد المهندس وحاطه النغمه كمان لرهف في جوالها
نوف (صاحبة رهف من الطفوله فيها من الرجه والجنان والرومنسيه والحب وطبعا هيا صارت زي اختهم تنام عند رهف ورهف تنام عندها ويسافروا مع بعض وفي كل شي مع بعض يحبوا بعض مره نوف ملامحها سعوديه مره عيونها بنيه وواسعه وطولها متوسط ولونها قمحي وشعرها اسود طويل عمرها 22 وتدرس مع رهف بنفس القسم)
نوف: اخيرا رديتي
رهف : ترا دوبك داقه لا تستهبلي
نوف : ايش اسوي احبك ماابغاكي تتأخري عليا وبعدين حتى ماقمت من السرير قلت اصحيكي عشان نقوم مع بعض
رهف: هههههههههههه احلفي انا ليا نص ساعه قايمه واخدت شاور ودحين بلبس وانزل افطر
نوف : وجع يا كلبه وماتقولي اصحي حبيبتي
رهف: روحي انقلعي خلي محمدوه يصحيكي
نوف: يا حياتي على اللي تغار
رهف كان بجد تغار من محمد مع انه نوف تراعي دا الشي وماتكلم محمد كتير لما تكون مع رهف بس رهف تحس انه ياخد نوف منها
رهف : اقول سري يلا بنزل افطر
نوف : طيب ياقلبي انا بقوم دحين والبس وافطر وامرك بالسواق عشان نروح الجامعه
رهف: بكيفك يلا اغوفواغ<< كلمة فرنسه معناها (الى اللقاء)
نوف : هههههههههه اغوفواغ
نجي لمحمد ( محمد شاب وسيم جدا جدا وطويل وعريض وعمره 24 ويدرس في كلية البترجي ادارة مستشفيات يحب نوف بجنون وناوي يخطبها بس بعد مايكون نفسه)
دق جوال نوف بنغمة حبك قتلني محمد لماجد المهندس
محمد: هلا بروحي
نوف :اهلين
محمد: كيفك يا قلبو
نوف: الحمدلله انت كيفك
محمد : طيب قلبي بس حبيت اتطمن عليكي انا حادخل الكلاس دحين عندي محاضره
نوف : اوكي حبيبي تيك كير
محمد اوكي باي
لبست نوف وخلصت ولبست عبايتها وسلمت على امها وابوها وخرجت ركبت السياره:
شمس روح بيت مادموزيل رهف
شمس: اوكي
(رهف معلمه السواقين ينادوها مادموزيل وياويلهم لو مانادوها كدا)هههههههههه
ركبت رهف مع نوف وجلسو في السياره وناسه وهبل وفله
نوف: رهوفه صح بنت عمتك رغد اليوم اول يوم لها في الجامعه
رهف: يب ليش تسألي
نوف : لا بس قلت لو ماراحت لسه احسن نمر ناخدها ونروح الجامعه ونمر على بارنيز في الطريق
رهف: طيب دقيقه اشوفها
دقت على رغد اللي كانت دوبها صاحيه من النوم واخدت شاور سريع وقامت تتجهز عشان لا تتأخر لانه طريق الجامعه طويل
رغد(بنوته رايقه وهاديه لدرجة الانطوائيه وخجوله بس لا تتجمع مع رهف ونوف تنقلب شخصيتها 180 درجه تسير رجه وفله وتكمل الشله بجنانها عمرها 18 سنه اول سنه لها في الجامعه (سنه تحضيريه) متوسطه الطول وجميله جمالها ناعم شبه امها مره عيونها بنيه فاتحه وبشرتها بيضا وشعرها قصير وناعم لونه كستنائي)
رن جوالها بنغمة في ربيع انا معاك وفي رغد اغنية الجسمي
ردت بسرعه من غير ماتشوف الرقم
رغد: الو ها الو
رهف: وجع ايشبك بشويش انتي فين
رغد: انا مو فاضيه دحين اتأخرت على الجامعه
رهف: لسه في البيت خلاص انا ونوف بنمرك ونروح مع بعض
رغد : والله حماس يلا استناكم
رهف: اوكي 5 دقايق وانزلي باي
قفلت من غير ماتسمع رد رغد
رغد: وجع قفلت في وجهي الزفته
ولبست على السريع ولبست عبايتها ونزلت تستناهم
رغد: ماما انا رايحه مع رهف بتمرني
ام احمد: طيب يا ماما رهف جات ولا لسه
رغد: لسه بس مابقي شي وتوصل
ام احمد: طيب قلبي انتبهوا على نفسكم
رغد: ان شاء الله
يارا\ام احمد(ام حنونه مره وتحب زوجة اخوها يوسف اكثر من زوجة اخوها ياسر لانه ماريا مافي اطيب منها والطيبه دي اخدتها سمر من امها،ام احمد كانت تحب ولدها احمد بشكل فظيع وماتبغا احد يزعله وابو احمد يموت على رغودته ولا يمكن يرضالها كلمة تزعلها حتى لو من امها، ابو احمد يكون ولد صاحب الجد حامد وزواجه من يارا كان من ترتيب الجد حامد وابوه هوا كان رافض الفكره في البدايه بس استسلم للواقع ولما اتزوجها ندم انه فكر للحظه بانه مايبغاها لانها انسانه خلوقه وطيبه وحنونه وبتعاملها خلته يعشق الارض اللي تمشي عليها )
احمد: خير مع مين رايحه
احمد\ 28 سنه رافض فكرة الزواج مع انه مكون نفسه ومخلص كل شي بس مايبغا يتزوج طويل وعريض واسمر وملامحه حلوة مره وسيم جدا ويحب اخته رغد بشكل خيالي يشتغل في الشركه مع ابوه وعمه وصاحب ابوه
رغد: مع رهوفه بنت خالو
احمد: وجع داري انها بنت خالك اجل في غيرها الهبله دي
ام احمد: حمود عيب عليك دا وانا مفكره اخطبلك هيا
احمد يمثل انه يبكي: امي الله يخليكي لا تغصبيني عليها البنت دي متوحشه اخاف اليوم التاني تلاقيني ميت
ام احمد: بسم الله عليك لا تقول كدا فتره مراهقه وتكبر وبعدين رهوفه حلوة وكل مين يتمناها ولو سمر مانخطبت كنت اخدتها لك لانه عمرها قريب من عمرك
احمد: هههههههههههه اقول بلا زواج بلا هم مو ناقص الا اقول رغوده
والتفت لقاها مو موجوده خرجت من يوم بدأوا النقاش لانه رهف دقت عليها
احمد جري خرج وراها يبغا يشوف رهف ويرفع ضغطها شويه
رغد ركبت السياره وجلست تحكي رهف ونوف ايش قال احمد
رهف: وجع اخوكي دا قليل ادب
نوف: ههههههههههههههه زعلتي لانه مايبغاكي
رهف : انقلعي انتي وهوا اصلا اخر واحد افكر فيه هوا احمد
احمد دق قزاز السياره بقوة خلت رهف تدخل مكان الرجول من الفجعه ونوف ورغد ماتوا ضحك عليها لانهم شافوه جاي ناحية الشباك حق رهف واشرلهم يسكتوا وشاف ردة فعل رهف ومات ضحك عليها ودخل البيت وراحوا البنات للجامعه وطوال الطريق نوف ورغد يضحكوا ويسكتوا لما يشوفوا نظرات رهف المعصبه ويتذكروا الموقف ويرجعوا يضحكوا
نتكلم عن العائله شويه
الاخوان يوسف وياسر ويارا كانوا ساكنين في 3 فلل جنب بعض الجد حامد والجده سلمى كانوا ساكنين مع ولدهم يوسف لانه الكبير ولانهم يحبوا زوجته ماريا اكتر من زوجة ياسر احلام مع انه احلام بنت اخت الجده سلمى بس لانه احلام ماحبتهم ولا خلتهم يحبوها كانت تبغا ياسر يكون لها لوحدها بس تربيته ماخلتها تتحكم فيه وكان يبغا اهله يعيشوا معاه بنفس البيت بس هما نقلوا عند ولدهم يوسف بعد ما جا من فرنسا بسنه في الفتره هادي حبوا ماريا وبناتها وصاروا مايقدروا يتخلوا عنهم بعد ماكانو يعتبروهم دخلاء عليهم \ ياسر ابو تاله اتزوج احلام بنت خالته وجاب منها تاله وبس طبعا لانه احلام ماحبت انه جسمها يخرب فما جابت الا تاله وحبوها اهلها بشكل فظيع لدرجة خلتها مدلعه وماتحترم احد حتى اهلها كلهم مااعطتهم اعتبار وتدرس مع رهف ونوف في الجامعه واصلا هيا ماتحب علم النفس بس دخلته لانها تغار من رهف وتحاول تكون اعلى منها في كل شي وطبعا تمشي معاهم في الشله بس تحقد على رهف لانها تحس بالنقص لما تشوفها مع انه رهف تحبها وتعتبرها زي اختها بس الغيره خلتها تنعمي عن دا الحب وتحاول تخرب حياة بنت عمها
تاله (22 سنه بنوته حلوة جمالها ناعم وهادي بس اختفى دا الجمال باخلاقها وغيرتها وحقدها طويله قمحيه عيونها كبار وبنيه غامق جذابه شعرها اسود كيرلي) تحاول تكون زي رهف في كل شي
اما ابو نايف (ابو نوف) صاحب يوسف في الشغل واخد بيت في نفس الشارع عشان بنته نوف لانها ماتبغا تكون بعيده عن رهف \ابو نايف (سلمان) اتزوج ام نايف (امل) عن حب لانها بنت عمه وماجاب منها الا نايف ونوف
نايف\ 27 سنه بيكمل دراسته في امريكا وماباقي شي ويرجع لاهله ولامه اللي تموت عليه وتدعي ربها يرجعلها بالسلامه غيور لابعد درجه وطويل وعريض قمحي ملامحه بدويه وسيم بدرجه معقوله
نايف: راكانووه قوم الله يرجك كل ذا نوم قوم يلا
راكان: افففف وجع خليني نايم ايش الازعاج دا
راكان\ 27 سنه صاحب نايف في الغربه ورفيق دربه في امريكا اثنينهم يقدموا الماجستير ويفكروا في السعوديه ومتى يرجعولها راكان طويل مره واسمر برونزي عيونه عسليه فاتحه وواسعه وناعسه خشمه طويل وشعرو بني غامق قريب للسواد مافي بنت ماتشوفه الا تحاول تتعرف عليه وهوا مغتر بدا الشي ومايعطيهم وجه ابدا
نايف: اقول راكان قوم قبل مااتصل على سالي واقولها انك تبغا تشوفها اليوم
راكان : الله يقرفك يا شيخ طيب قول اي مزه امريكيه مالقيت الا سالي المصريه
نايف: هههههههههههههااااااي ياخي البنت تحبك وميته عليك حرام اعطيها وجه يعني ماباقي شي على رجعتنا للسعوديه وانت مالقيت ولا بنت ترضي غرورك
راكان : مو ترضي غروري مالقيت لسه البنت اللي تخليني افكر فيها مو عشان جمالها لا عشان اخلاقها طيبتها قوتها ضعفها كل شي فيها ومالقيت دا الشي في امريكا ومااظن اني حالاقيه
نايف: اجل الله يعينك اهلك حيزوجوك على كيفهم انا عن نفسي ابغا اختار البنت اللي حتكون شريكة حياتي ماابغا احد يتحكم في اختياراتي
راكان: ماتفرق عندي المهم خلينا نقوم لا نتأخر
نايف: يلا

في السعوديه في جده تحديدا
سمر صحيت من النوم قامت اخدت شاور ودخلت غرفتها فتحت الستاير وخلت ضوء الشمس ينور الغرفه انسدحت على السرير تسترجع ذكرياتها مع انمار
قبل اربع سنين رهف وسمر ونوف ورغد وتاله ورؤى كانوا رايحين كافيه قريب منهم طبعا كلهم ساكنين قريب من بعض فقرروا انهم يروحوا كافيه قريب من بيوتهم وصلوا الكافيه وطلبوا وغيروا جو وكانت في طاوله قريبة منهم كان يجلس فيها شاب يجنن على قول سمر ورؤى
ماعرفتكم برؤى (بنوته تشبه سمر في اخلاقها العاليه ورمنسيتها وحبها للكل عمرها 24 سنه تشتغل في مستشفى الملك فهد اخصائية تغذية جميلة وناعمه ورقيقه طويله وبيضا وعيونه بنيه كبيره وللمعلوميه رؤى وحيدة امها وابوها ودلوعتهم تحب شغلها والى الان مالقيت الانسان اللي يخطف قلبها ويسميه باسمه)
رؤى: سموره شوفي اللي جالس هناك
سمر: مين اللي مع البنت الحلوة
نوف ورهف ملتهين يشوفو ايش يطلبو ورغد شابكه سماعات الايبود وداخله جو ابدا مو معاهم وتاله سامعتهم بس ماعجبها الولد مره
رؤى : ايوة بس تتوقعي البنت خطيبته ولا اخته ولا زوجته ولا
قاطعتها سمر: رؤى ادعي تكون اخته
استغربت رؤى: لدي الدرجة عجبك
سمر: رؤى ماادري احس اني حبيته من نظره
رهف بكل صوتها: كدااااااااااااابه
نوف سكت فم رهف بسرعه وضربتها على كتفها: وجع اسكتي فضحتينا شوفي حتى رغد اللي تسمع في الاي بود انفجعت
رهف: وربي كدابه انقلعي
رؤى وسمر ورغد وتاله : ؟؟؟؟؟؟؟؟؟؟؟؟؟؟؟؟
نوف انفجرت ضحك على اشكالهم ولما انتبهت رهف على مناظرهم انفجرت ضحك هيا كمان والاتنين ساروا يضحكو لدرجة خلت الطاولات كلها تطالع فيهم
ساره: من جدهم دول البنات ايشبهم مره ماتعجبني دي الحركات يعني بيلفتو نظر عليهم
سارة مالقت جواب طالعت في اخوها كان متنح في طاولة البنات : وجع انمار اول مره تشوف بنات بس لا تطالع فيهم قليلات ادب اصلا متقصدين يضحكو بصوت عالي عشان يلفتو نظر
بس انمار ماكان معاها ابدا كان سرحان في عالم تاني مع وحده من البنات وعيونه اتعلقت فيها وماقدر يشيل عينه عنها وبعد فتره دار وجهه لاخته اللي كان معصبه من تتنيحة اخوها في البنات
انمار في نفسه( سبحان اللي خلقها ) التفت لساره: ساره مين احلاهم
ساره فتحت عيونها بكبرها :انمار انت ماتستحي تطالع فيهم وبعدين في احد يضحك كدا قدام الناس
انمار: ساره عادي يا قلبي بنات وجايين يغيرو جو ليش تقولي مايستحو يعني لو احد قلك نكته وضحكتي من قلبك تعتبري قليلة ادب
ساره انحرجت من تفكيرها ورجعت طالعت في البنات: اللي عبايتها فيها احمر احلاهم
انمار: والله انه ماعندك ذوق وع ايش اللي عبايتها فيها احمر وتراها بزره
ساره: انت سالتني وانا قلت رايي طيب انت مين عجبتك
انمار وهو ماشال عيونه من عليها:اللي جالسه على الطرف عبايتها مافيها شي
ساره: امممم حلوة بس انا عاجبتني اللي بالاحمر
انمار: اقول يلا مشينا
ساره: انمار ايشبك دوبنا وصلنا
انمار ماكان في باله غير الملاك اللي شافها وماكان قادر يقعد في المكان لانه ماكان حيقدر يشيل عيونه عنها
في طاولة البنات كلهم عرفو بانه سمر معجبه بالولد اللي في الطاوله اللي قبالهم
رهف: وع سوسه زوقك معفن
نوف: لا روفي حرام عليك الولد وسيم
تاله: انا مو عاجبني
رغد شافت الموضوع بايخ حطت السماعات في ادنها وطنشتهم
رؤى : سمر خلاص لا تطالعي فيه ايش يقول عنك بعدين
سمر اخيرا استوعبت وبطلت تطالع بس قلبها كان يقولها انه حياتها حتتغير من بعد ماشافته
رهف: نوف امشي نتونس على راس الجرسون
نوف: لا حرام سيبيه في حاله
رهف سكتت وجلست تطالع في سمر اللي سرحانه في عالم تاني ولفت لرؤى لقتها حايسه في الستيك اللي طلبته
وانفجرت ضحك على رؤى اللي انتبهتلها : وجع رهف ماتخلي احد في حاله معفنه هبله
وبعد ماخلصو انتبهت ساره لسرحان اخوها ودي اول مره تشوفه كدا معقوله تكون دي البنت اللي حتسرق قلب اخوها وانتهزت فرصة انه البنت راحت للحمام وراحت وراها
فاق انمار من سرحانه ومالقى اخته ولا لقى البنت اللي اخدت عقله
ساره دخلت الحمام ورا البنت لقتها قدام المرايه
شافتها سمر وابتسمت ومن جواها قهر بس لانها فكرت انه ممكن تكون خطيبته او زوجته او حبيبته او او
ساره: السلام عليكم
سمر: وعليكم السلام
ساره في بالها كيف اجيها كيف اجيها اممممممم : لو سمحتي عندك قلوس
سمر في بالها وجع في شكلها جايه بكل وقاحه تقولي عندك قلوس حاقولها لا واحقرها وامشي بس صار العكس سمر ابتسمت وفتحت شنطتها وطلعت القلوس واعطته لساره
ساره: مرسي
سمر في بالها انا ايش سويت حتى الشر بعيد عني مااقدر اقول لا لاحد ايش دا ياربي استغفر الله العظيم يعني هيا ايش ذنبها انا اللي المفروض مااطالع في زوجها من جد اني مااستحي
ساره حطت من القلوس ورجعته لسمر : يسلمو يا عسل
سمر: عادي مافيها شي
ساره : انا ساره وانتي
سمر: انا سمر ومن غير ماتفكر قالت : ماشاء الله متزوجه
ساره ضحكت لانها عرفت سمر لايش تبغا توصل بس ردت عليها تجاريها: لا
سمر في بالها اكيد انه صاحبها: امممم طيب
ساره: انا جايه مع اخويا وانتي ماشاء الله متزوجه؟ طالعت ساره في سمر ولقت فيها فرحه تحاول تخبيها
سمر وهي تحاول تخبي فرحتها لانها عرفت انه الولد اللي عاجبها اخوها مو زوجها ولا حبيبها : لا
ساره بدون اهتمام: اوكي مرسي على القلوس تشاو
اما سمر مااهتمت وخرجت من الحمام مبسوطه وفرحانه وانصدمت لانها لقتهم حاسبو وخارجين
انمار لف وشافها وشبع عيونه وخرج مع ساره من الكافيه
ساره( بنوته لزوزه وطيوبه مره طولها متوسط عمرها 24 ناعمه مره شعرها اسود ناعم بيضا متخرجه ادب انجليزي وتشتغل في بنك)
ساره: انمار لدي الدرجه البنت عاجبتك
انمار: ليش
ساره :ساعه اكلمك ماترد
انمار : معليش ماسمعت
ساره: طيب المهم بكرا توديني السوق ابغا اشتري ملابس
انمار: ان شاء الله
ساره استغربت مو بالعاده انمار يرضى من غير مايذلني لا اكيد فيه وصلو البيت وانمار مااتكلم ولا كلمه
انمار حاول ينام ماقدر كل تفكيره في البنت اللي شافها وبعدين عاتب نفسه لانه مافي بنت خلته يفكر فيها اكتر من 5 دقايق وطرد الافكار من باله وحاول ينام بس صورة البنت في باله خلاص اخدت كل تفكيره استغفر ربه لحد مانام وهوا مايدري عن نفسه كيف نام بس حتى في احلامه شافها معقوله البنت دي حتغير حياة انمار
اليوم التاني انمار راح مع ساره السوق وفي الوقت اللي كانت ساره بتختار ملابس انمار خرج يشتري قهوة ويرجعلها وهوا في الطريق شاف قمر يمشي على الارض ماصدق عيونه معقوله يكون من كتر مايفكر فيها سار يتخيلها في كل مكان ضحك على نفسه وراح طلب القهوة بس لما اخد القهوة ولف لقاها هيا مو خيال الا حقيقه هيا نفسها
سمر كانت ماشيه بتطلب قهوة ماانتبهت لانمار اللي كان واقف قدامها لانها كانت تكلم رهف وتسالها ايش تبغا تشرب لفت سمر وكانت حتصدم انمار بس لحقت نفسها على الاخير
هيا لحظه اللي كانو فيها قريبين من بعض وعيونهم متقابله لحظه مااتعدت الدقيقه بس بالنسبه لهم كانت دهر انتبهت سمر لنفسها ولفت لناحية المحل وراحت تشتري وبالها لسه مع انمار اما انمار وقف مصنم في مكانه وكان باين هادي بس من جواه قلبه يرعد مشي بسرعه للمحل اللي فيه ساره وسحبها من يدها ومابين تساؤلات ساره وقف ووقفت معاه قالها ساره انا ابغا منك خدمه ساره تنحت : انمار قول فيك شي تعبان نروح البيت
انمار : ساره روحي اتعرفي عليها الله يخليكي
ساره ابتسمت في نفسها على اخوهاوعرفت انه سمر مو نزوه لانه عيون انمار كانت تقول كدا: حاضر كم انمار عندي
واتعرفت ساره على سمر ولانه سمر تحب كل الناس وساره طيوبه مااخد منهم وقت عشان يحبو بعض وسارت ساره تخرج مع الشله وسمر ماتدري انه انمار اتعلق فيها زي ماهيا اتعلقت فيه بس كانت مبسوطه بس لانها عرفت اخته تحس انها قربت منه
بعد شهر من تعارفهم وطلعاتهم ساره قالت لسمر كل شي وكانت تستنى منها رد بس سمر ماردت لانها كانت مصدومه معقوله حلمها يتحقق فجأه صرخت سمر وكانت اول رده فعل لها بهذه الطريقه صرخت وحضنت ساره وقالتلها انها اعجبت بانمار من اول نظره وماكانت متوقعه انه شي زي كدا ممكن يسير في ارض الواقع لانه في نظرها القصه قريبه من الخيال
اما ساره كانت مبسوطه للاتنين لاخوها انمار ولسمر اللي اعتبرتها زي اختها
غمضت عيونها وابتسمت للذكرى اللطيفة اللي مرت في بالها وعلى الذكرى رن جوالها
عابالي حبيبي ليلة البسلك الابيض وصير ملكك والدني تشهد
وجيب منك انت طفلك انت متلك انت عابالي حبيبي
ردت : هلا والله
انمار: هلا ياقلبي وحشتيني
وكملو كلام بس اضطر انمار يقفل عشان عنده مرضى
\\\\\\\\\\\\\\\\\\\\\
في الجامعه رهف ونوف ورغد وتاله كانو جالسين في الكافتيريا
رهف: نوف قومي اشتري عصيرات
نوف: لا حبيبتي مافيا
رهف: رغد قومي
رغد: انا ماابغا اللي يبغا يقوم يجيب بنفسه
رهف طالعت في تاله ولقت منها نظرات معناها لا: اففففففففففف خلاص بقوم بنفسي
نوف ورغد وتاله في نفس الوقت: جيبيلي معاكي
رهف : وجع من اول اشحت منكم تقومو محد يبغا دحين كلكم تبغو تشربو
نوف : اقول رهوفه يعني خلاص انتي قمتي جيبيلنا معاكي
رهف : امري لله
\\\\\\\\\\\\\\\\
في نفس الوقت في امريكا
نايف: راكان مابقي شي ونرجع السعوديه امشي نفل
راكان: انسى الموضوع مااروح دي الاماكن اختار مكان تاني اجي معاك
نايف: ايش فيها انت امشي ونكلم الشباب يجو معانا
راكان: طيب بس بشرط
نايف ماصدق راكان يرضى: اللي تبغاه بس امشي ياخي اتأخرنا واتشرط زي ما تبغا في الطريق
راكان: هوا شرط واحد سالي الهبله دي ماتجي ولا حتى احد يجيبلها سيره
نايف: حاضر بس يلا قوم
راكان قام وهوا متضايق مايبغا يروح بس مايسير يخلي نايف يترجاه كمان
راحو راكان ونايف لملهى في كل انواع الفساد
راكان جلس ونايف والشباب وفجأه راكان سمع صوت يكرهه ومايبغا يسمعه ابدا
سالي: راكان يا حبيبي وحشتني اوي
راكان يطالع في نايف اللي طالع فيه وياشر انه مايدري كيف جات
سالي: ايه مالك مابتردش ليه
راكان: هلا سالي حياكي اتفضلي البيت بيتك (بنبرة استهزاء)
سالي اللي ماصدقت لصقت فيه على طول : انت عارف يا راكان انا اد ايه بحبك ، الا اولي انت حتخطبني امتى
راكان عصب : مين قال اني حاخطبك انتي اتجننتي (راكان كان ناوي يمسح فيها البلاط بس.......
سالي من بين دموعها :راكان انا بحبك انت بتعاملني كدا ليه
(نقطة ضعف راكان الدموع عشان كدا ماكان يحب يشوف احد يبكي بس المسأله فيها خطوبه وتدبيسه)
راكان: سالي ممكن تسمعيني انتي بنت حلوة وطيبه والف واحد يتمناكي
سالي: وانتا؟
راكان: الا انا انا مااقدر احبك انتي لازم تفهمي
سالي زاد بكاها وبدت تعور قلب راكان بس هوا ايش ذنبه ماقلها حبيني ولا عاملها بطريقه تخليها تحبه
سالي: انا بجد بجد بحبك انت مابتفهمش يعني ايه بحبك
الشباب كانهم يتفرجو فلم متنحين وكل واحد في باله شي
راكان خلاص عصب واللي نرفزه زياده نظرات الناس سابهم وراح
رجع الشقه يفكر انا ايش سويت ليش البنت حبتني انا ماسويت شي يخليها تحبني خلاص عاد بالطقاق اللي يطقها من متى اهتم بمشاعر بنت يمكن لانها اول بنت تصارحني بس حتى لما صارحتني ماحسيت بشي ناحيتها بالعكس حسيت بالقرف يوووه انا ليش بفكر فيها خلاص خليني انام ونام راكان وهوا في باله انه كلمة احبك كلمة كبيره ومستحيل يقولها لاي بنت الا لما يكون متاكد منها وقاصدها
\\\\\\\\\\\\\\\\\\\\\\\\

[عذراً, فقط الأعضاء يمكنهم مشاهدة الروابط ]