رد: 7cats 7souls.. 4sharing information
اقتباس:
المشاركة الأصلية كتبت بواسطة بو جود
الله يعوض عليك يامازن , المشكله انكم ماواجهتوه وصرتوا تجاملونه وتمجدونه لحد ماصدق والمصيبه ان فيه ناس تجي من برا مساكين ويصدقون ويدخلوا معه ويخسروا اموالهم وتعبهم, وهذا من انواع الغش للاسف. بيني وبينك تحس انها شله تجمعت وصارت تصوت لبعض الله يهدي الجميع.
ماعليه روق وان شاء الله تعوض كل خسائرك .
ياهلا اخوي بو جود .. الله يعوض على الجميع يالغالي .. والله انخدعنا بعيد عنك .. ولاحظ انت المتابعين له زمان كلهم طاروا بعد ماشافوا الي شافوه .. انا انخدعت لما ربحت كم صفقة من صفقاته العشوائيه .. والله كنت ادعي له بس ماعليه ماكنا ندري بالنوايا .. بس شخصياً ماجاملت .. لاني كنت اشوف الناس تشكر فيه اول مرة تمرجن حسابي ولما حكيت له صارت ضرابه في الموضوع المهم اعتذرت لانه اعتبروا الخطأ مني .. صرت مرات ثانية اسمعهم في الموضوع عاشق مكرووووونا وجاء الهدف ووووو .. المهم انا اطلع خسران .. لغايه قررت اوقف التداول معه .. وبيوم كنت فاضي شفت وحده من توصياته لا اخفي عليك اني دخلت فيها وفجأه صارت عندي - 30 وشوي الا ويكتب في الموضوع وصلت الهدف 30 نقطة اقفلوا الصفقة .. قلت يمكن هو قال بيع وانا سويت العكس .. راجعت التوصيه لقيتها نفس الصفقة الي عندي راسلت شخص ثاني من الموضوع نفسه ومن الي كانوا بيتابعوا معه فقال لي انه كمان عنده - 30
فصراحة مو عارفين اذا كان السالب والموجب بالنسبة له واحد
وبالفعل كنت اليوم راسلت نفس الشخص وقلت له حرام والله في ناس تدخل الموضوع وتشوف ردودنا مالت زمان ويشوفون استمراريه الموضوع ويدخلون والنهايه تتمرجن حساباتهم او يصير لهم خسائر فادحه .. فنكون مشتركين بردودنا في تضليل الرأي العام << حلوه الرأي العام هههه
اقصد في تضليل المتداولين الجدد
ماعليه ربك بيعطي كل واحد على قد نيته والحمدلله لقينا ثلاثة موصيين من اكفأ الناس وعقبال ما نتعلم ونصير ميه ميه
اقتباس:
المشاركة الأصلية كتبت بواسطة أبوصلاح
وش فيكم يا جماعة بالنسبة لليورو نيوزلندي قبل خبر يوم الجمعة كان جايب 145 نقطة وفي ناس استفادت من التبريد لما كان يطلع السعر وينزل الموضوع كان يبي شوية فن في التعامل مع هذا النوع من الصفقات والأهم من كذا لوت معقول لأنها كانت صفقه إستثمارية طويلة المدى إما تدخل بلوت قليل او يكون حسابك قوي.
مع إحتمالية غدر السوق وهذا شي من مسلمات الفوريكس مع إحترامي للجميع,,,,,,,
أبو صلاح الله يرزقك قل آمين .. وانتبه لحسابك ياخوي
ما تكلمنا عن الباوند لان الباوند ما دخلنا فيه .. وفيه واحد غيري دخل في صفقتك في الباوند نيوزلندي وللحين المسكين ملخبطه معاه الدنيا .. احنا كنا نتكلم عن اليورو نيوزلندي .. بعدين نفس التوصيه مالتك دخلناها والي كان هدفها نازل نازل ومدمر العملات وووووو هدف 1.7050 اشوف الهدف صار 1.7733 << كريم يا عبدالكريم
الله يرزقك دووم
اقتباس:
المشاركة الأصلية كتبت بواسطة سها القاضي
مساءك خير ليكون ردي الي ضحكك كويس طلعك من جو التوتر على العموم مازن نصيحه اي صفقه تعكس معك 190 نقطه لاتستمر فيها معناها صفقه فاشله ونقطه دخولها غلظ
مساء الانوار سهاا كيفك .. لا والله رد ثاني ضحكني وطلعني من جو التوتر الي كنت فيه
بس على قولك بعد 190 نقطة عاكسه ما تنفع الصفقة بريال وخصوصاً لو مصدر التوصيه مو موثوق منها