توليفة رائعة

يالهوي عاكس عليا 200 نقطة الحمد لله ان النقطة بدولار بس برده كتير اوي اوي
هو خلاص كده مش هيرجع تاني
اقفلها على الخساره دي
مش عارفة اعمل ايه

خلاص هو حقق الهدف وعكس اكثر من 150 نقطه
ليه ما قفلتي الصفقه

انتا قصدك على اي صفقة بالظبط في اتنين واحده حققت الهدف عند 0.8400
والتانية GBPCHF كان هدفه الاول 1.3200 والتاني 1.3250
بس ماجبش لا الهدف الاول ولا التاني وعاكس حاليا 170 نقطة

طيب انا عايزة اعرف هيرجع حتى لنقطة الدخول وللا اقفلها على الخسارة دي ؟؟؟؟

بصى يا استاذه حنان علشان الفرنك شكله شادد النهارده اعملى استوب بعد اخر نقطه وصلها ب 10 نقطه لوهتسيبى الصفقه مفتوحه اهم حاجه تعملى استوب

طيب تمام الله يخليك شكرا على النصيحة

سؤال تاني لو مكانش يزعج حضرتك يا اخ forextrading

دلوقتي انا داخلة ال 6 صفقات واحدة منهم الحمد لله جابت التارجت 0.8400
وباقي عندي 5 صفقات مفتوحين

زي ما قال الاستاذ امجد التارجت بتاعهم المشكلة انه ماقالش على الاستوب
وانا سايباهم من غير استوب
اسيبهم على كده وللا تفضل انك تقولي اعملهم استوب لوز ؟

المفروض الاستوب بتاعنا بناء على التوليفه ان خط ال 9 يعكس ويخترق خط ال 30 المفروض كنتى تقفلى الصفقه عند نقطة 1.3065

لا حول ولا قوة الا بالله خسارة اني ماقفلتهاش
اعمل ايه بس خلاص قدر الله وماشاء فعل

خلاص حصل خير اهم حاجه تتابعى باقى الصفقات كويس ولو حصل انعكاس و9 اخترق 30 بالعكس يعتبر ستوب للصفقه وان شاء الله تخرجى من الصفقات بارباح

عاكسة 215 نقطة
مجموع النقاط العاكسة لغاية دلوقتي 354 قطة
مش عارفة اقفل على الخسارة دي وللا اقفل اللي 215 نقطة واسيب الباقي