تعبت من الفوركس !!!

انا تعبت من الفوركس
انا فى الموضوع ده من سنتين
بحاول وبحاول
واتعلمت طرق كتير
بكسب فى الديمو واخسر على الحقيقى
زهقت
وزهقت من الى حوليا بيبصولى على انى فاشل داخل فى موضوع وهمى وهضيع حياتى عليه
اسرتى واصدقائى
عايز اتكلم كتير بس عمر ما الكلام هيعبر
ده مجرد فضفضه مش اكتر
هوصل ان شاء الله
يارب يارب

التوقيع

اهلا اخي الحبيب

الصبر، ليس امامك إلا الصبر . صدقني و الله يشهد على كلامك انك سوف تجني ارباح ممتازة في النهاية، المهم استمر و طور من نفسك دائماً .

وفقك الله اخي الحبيب .

التوقيع

حلم المليون

اخى اعلم جيدا لن يعترف بك احد الا عند ظهور النعمه عليك
اول لما تمسك فلوس من الفوركس هتلاقى الجميع بيقولك علمنا وشغلنا معاك
اجتهد ولا تلتفت لما يقولون وان شاء الله هتوصل

الصبر مفتاح الفرج .. وايضا أعمل الفوركس على انه أي مشروع تجاري على أرض الواقع .. يعني لما الواحد يسوي مشروع يبغاله موافقة من ادارة كدا ومراجعة وزارة كدا وإذا ماعندك واسطة راح تضل رايح جاي لكن مادمت مصمم على نجاح وانجاح مشروعك فلابد ان تصل .. غير مفاهيمك عن نفسك .. طريقة عملك حاول تتاجر من شارت 4 ساعات فقط حتى تثق في نفسك وفي تحليلك .
وان شاء الله راح تصل .. لكن لحياة مع اليأس .

التوقيع

توكلت في رزقي على الله خالقي**وأيقنت أن الله لا شك رازقي
وما يكن من رزقي فليس يفوتني**ولو كان في قاع البحار العوامق
سيأتي به الله العظيم بفضله**ولو لم يكن مني اللسان بناطق
ففي أي شيء تذهب النفس حسرةً**وقد قسم الرحمن رزق الخلائقِ

برغم انى عانيت كثيرا من الخساير ........... ولا املك حاليا حساب حقيقى................ولا املك مال كافى لفتح حساب جيد............ وبرغم انى متخبط ولم اجد الطريق حتى الان .............. وبرغم كذا وكذا
لكن الفوركس واكل عقلى والفوركس مش لعبة ولا قمار ولا موضوع فاشل
بالعكس انا حاسس انه مستقبل الشباب العربى .الفوركس محتاج وقت ومجهود وعلم ودراسة ومتابعة وفى الاخر مبلغ كويس تبدأ بيه .....ولكن بعد التعلم .............نصيحة من اخ لا تيأس وركز فى استراتيجية واحدة بس ومتقراش اى استراتيجية تانية بعد متقتنع باستراتيجيتك ............وتابعها على حساب ديمو
ونصيحتى افتح حساب ديمو بنفس المبلغ اللى هتبدأ بيه فى الحقيقى .ودرب نفسك على الحساب ده وخاف علية واتعامل معاة كأنة حسابك الحقيقى ........وعلى فكرة انا بدأت بالفعل اعمل كده وبحاول اتدرب على العامل النفسى وادراة راس المال والصبر ......فقط لاغير
نصيحة اعمل زى منا بعمل دلوقتى

التوقيع

بص يا غالى .. الفوركس عاوز اعصاب هادئه .. وعلشان نجيب الاعصاب الهادئه ديه يبقى لا تتاجر بفلوس انت محتاجها .ومش ها اقولك ان الفوركس عاوز فلوس كتير .. وهو فعلا عاوز فلوس كتير علشان تحس بالمكسب .. لا انت ممكن تتاجر بمبلغ قليل وعقد النقطة فيه بالسنت .. بس المهم يكون عندك قناعة بالربح القليل ... وهى دى المشكلة القناعة .. ثم الصبر على عمل رأس المال ... قناعة وصبر ازاى وكلنا دخلنا المجال ده طمعا فى الارباح الطائلة .. هو ده اللى بيوتر الاعصاب .. ازاى ..واحد رأس ماله قليل وعارف طرق المتاجرة شاف قدامه فرصة حلوه ممكن يكسب من وراها 20 نقطة مثلا .. خلى بالك انا قلت ممكن يعنى محتمل ... حسابه مثلا مينى فيه الف نقطة يعنى 100 دولار ..يدخل بكام .. هنا الحاجة للمال او الطمع فى المال سميه زى ما تسميه .. تؤثر على فكرة 20 نقطة ب 2 دولار .. مش كتير ها يعمل ايه ب 2 دولار .. نسى مارجن محجوز اللى هو تامين الصفقة .. نسى ان فى حاجة اسمها سبريد .. نسى ان الامر فى الاول واخر احتمالات ممكن تصيب او تخيب .. وافتكر بس ان ال2 دولار مش كفايه عاوزهم 10 دولار يدخل ب 5 عقود .. اول ما اخد الامر لقى الصفقة خسرانه السبريد دولار او دولار ونصف حسب الشركة هنا بقى بيتصور ان السعر مش ها يوصل ليغطى خسارة السبريد .. عاكسه السعر 10 نقاط لاقى الخسارة 6 او 6.5 دولار احتاس وقلل على فلوسه اللى بتضيع قدامه توتر اخد قرار غلط ... مخدش قرار وساب نفسه لحظه لو كسب ملا الدنيا فرح وغرور بانه تاجر شاطر لكن الحظ لا يدوم فى صفقة اخرى ضاعت فلوسه .. عكس واحد هادى قوى عارف ان راس ماله قليل دخل الصفقة بعقد واحد فقط وسابه عكس معاه السعر اخد تبريد من نقطة ابعد او اغلق على خسارة بسيطة لا تتعدى 2% من راسماله وبدا من جديد اخر الشهر لقى نفسه كسبان 50 او 60 دولار زود بيهم رصيده
طولت عليك .. ومعلش ها اعيد الكلام الفوركس مش عاوز توتر وعاوز اعصاب هايه .. الفوركس مغارة على بابا اى واحد ممكن يدخلها لو معاه كلمة السر اللى هى افتح يا سمسم .. يدخل يشيل على قده وما يحملش حسابه اكتر من حجمة خش شيل على قدك وانت معاك السر ادخل حتى لو 50 مرة اخطف اى حاجة واخرج بسرعة .. القناعة والصبر .. واهم حاجة الفوركس مش هو اللى ها يحل المشاكل المادية لاى شخص .. لانه علشان يكسب مكسب كبير محتاج راس مال كبير.. واذا اتوجد راس المال الكبير لشخص ما فالشخص ده معندوش مشاكل ماليه
وما تنساش اللى قالوه الاخوه فوق
تحياتى لك يا غالى

حلك عندي
ابتعد عن السوق مش اقل من 3 شهور..لا تشوو ولا تفتح شاشه انسى انك بيوم اشتغلت فوركس ..وارجع بعدها وحتشوف انو عندك كميات كبيره من المعلومات لكنها مفلتره ستجد السوق واضح امامك...كلنا في اوقات معينه مش بنشوف السوق كويس وبتلاقي الستوب لوز بيضرب ورا بعضو..اترك السوق وغادرده مش وقتك وقت غيرك
تحياتي وبالتوفيق

التوقيع

اذا كانت خسارتك قليلة يا عزيزي انصحك ان تبتعد كل البعد عن الفوركس
صدقني من خبرة سنوات طويلة انه اسوا تجارة ممكن الواحد يدخلها وستكتشف بعد فوات الاوان انك لو استثمرت فلوسك ف اي مجال اخر سيكون ربحك افظل بكثير وحتى لو خسرت لن تخسر كل اموالك
ادعيلي استعيد راس مالي في يوم من الايام واعدك بانني لن اعود للمتاجرة بالفوركس مطلقا
اعلم ان هناك اخوة يربحون من هذه التجارة وربنا يباركلهم ولكن اعلم ان لن يكون كل المتاجرين من الرابحين بغض النظر عن مدى الممارسة
بالتوفيق ان شاء الله

التوقيع

مشكور لكم جميعا
كل ما كنت اجتاجه هو كلمه طيبه وانتم اعطيتونى الكثير
لم يكن ابدا طريق النجاح سهل
ومن ليس له حلم ليس له مستقبل
وهذا هو حلمى
اسأل الله ان يوفقنى اياه
واتمنى لكم جميعا التوفيق
وشكرا لكم انتم حقا خير الرجال

التوقيع

اقتباس:

المشاركة الأصلية كتبت بواسطة cabony

مشكور لكم جميعا
كل ما كنت اجتاجه هو كلمه طيبه وانتم اعطيتونى الكثير
لم يكن ابدا طريق النجاح سهل
ومن ليس له حلم ليس له مستقبل
وهذا هو حلمى
اسأل الله ان يوفقنى اياه
واتمنى لكم جميعا التوفيق
وشكرا لكم انتم حقا خير الرجال

الله يوفقك يا غالي

وما شاء الله الشباب ردوا عليك ونصحوك ولم يتركوا شئ لم يتكلموا فيه

تحياتي لك ،،

التوقيع

" لا تفرح بما آتاك ولا تحزن علي ما فاتك "

سبحان الله وبحمده ،،،، سبحان الله العظيم