اخيرا.. سحب السفير المصري من اسرائيل

المشاركة الأصلية كتبت بواسطة mirou_eg

الحمد لله كلنا بخير

كان عندنا سباحة النهاردة

و زوجي مسافر ربنا يرجعه بالسلامة





للاسف الثورة ترجع الى الخلف

و الله يا عمرو مش عارفة اقول لك ايه

انا حزينة اوي على اللي بيحصل لأني بطبعي متفائلة و بعد الثورة كان نظرتي تفائلية جدا و اللي بيحصل ده بيسبب لي احباط و غير كمان اني اتربيت على الصراحة و الوضوح و اعتبار حسن النوايا حتى يثبت العكس فكتير عليا اوي اكتشف ان بلدي حبيبتي فيها كل السواد ده

بس مش هي السبب و الله و لا ناسها الطيبين لكن النظام اللي زي الزفت اللي فضل راكب 60 سنة و مدلل رجليه ( اعذرني في اللفظ اصلي انفعلت )

المشاركة الأصلية كتبت بواسطة عمرو ابراهيم

دوم لكم الحال يارب جميعا
وان شاء الله بيرجع بالسلامة يارب
معك حق الثورة ترجع الي الخلف ابناء مبارك يحكمون ونظامه مازال يدوام بدون اي تطهير او نيه
وربي اذا استغل الشباب بالفتره الماضيه التي كانت ملائيه بالتفائل والسعاده لكنت مصر تغييرت كثيرا
اقل شي يكفي الشباب اللي نظفت الشوارع وتبرعات ودهانات وغيره وغيره من الاعمال التطوعيه
لكن حسبنا الله ونعم الوكيل فمن كسر هذا التفائل
وان شاء الله يارب تنتقل السلطه ليرجع حاله التفائل من جديد ويعود كل شخص لعمله الصحيح
ومايهمك استاذه انا بعرف والله شعورك الوطني وخوفك علي مصر وربي يخيب ظني في اللي متوقعه منهم بالفتره القادمة
ويحقق كل الخير يارب للشعب المصري العظيم وان يفوق من الغيبوبه اللي راح تسطير عليه من جديد

المشاركة الأصلية كتبت بواسطة عمرو ابراهيم

المشاركة الأصلية كتبت بواسطة mirou_eg

عارف يا عمرو الاسبوع اللي فات روحت القاهرة مع زوجي و شوفت منظر استفزني جدا و عصبني جدا

انت عارف بعد الثورة زي ما انت بتقول في شباب دهنوا علم مصر على اعمدة النور و حقيقي بجد ده كان بيخليني سعيدة و انا ماشية في الشارع و شايفة علم مصر في كل حتة على اعمدة النور و كانت منظمة و جميلة يعني مش اي كلام و خلاص و لقيت في الشارع عامل بيدهن الاعمدة بالفضي عشان يداري العلم المرسوم على الاعمدة ... هو اكيد العامل ما لوش ذنب بس بجد منظر ضايقني جدا و زعلني لأن في وجهة نظري و انا على الاقل لما كنت باشوف العلم كنت بافرح..

المشاركة الأصلية كتبت بواسطة mirou_eg

انت عارف الثورة دي غيرت فيا حاجات كتير

احكيلك على حاجة حصلت معايا

انا مش عارفة انت تعرف اسكندرية كويس و لا لا

المهم

انا مرة كنت رايحة اوصل اولادي عند ماما في كفر عبده و راجعة على بيتي في سموحة و مشيت من ورا بدل ما اطلع على شارع ابوقير و عشان امشي كده دي سكة فاضية شوية و هادية جوة كفر عبده و انا سايقة لمحت امامي واحد بيحاول يفتح عربية و كل ما عربية تعدي ( و العربيات بتكون قليلة في الحتة دي) يتعدل و كل اللي باحكيه ده حصل في ثواني لأني ركزت معاه عشان اتأكد و لما اتأكدت انه بيحاول يسرق العربية و كنت لوحدي في عربيتي في الشارع روحت واقفة و نازلة من العربية و ماحسيتش بنفسي الا و انا بازعق له ( انت بتعمل ايه عندك) و بدأ ييجي ناحيتي و يحط ايده في جيبه و يرد ببلطجة و الحاجة الوحيدة اللي نجتني ان في عربيتين جم ورايا و طبعا انا كنت موقفة السكة فكدة كدة وقفوا فاظن انه خاف و فضل يقول لي دانا واقف بس و شوية يقول انا باربط رباط الجزمة و بعدين لما جه راجل يسأل ايه الحكاية و باحكيله فهرب و الراجل جري و راه و تاكسي جري وراه و الله اعلم مسكوه و لا لا.. بس اقصد اقول ان ده كان احساسي دي بلدي و دي اكيد عربية واحد مصري يعني اخويا و لازم ندافع عن بعض زي ما كان بيحصل..

كنت نفسي اعيش في زمن عبد الحليم و فريد.. مش عشان الاغاني و الرومانسية ( مع اني رومانسية جدا ) لكن عشان المعاملة المحترمة. ماما بتحكيلي انه بجد لما حد كان بيعاكس واحدة كانوا بيسحلوه..