سمعت كثيرا عن الفوركس
فى الإعلانات وفى البانرات وفى المنتديات تقريبا مافيش يوم يعدى عليا على النت إلا وألقى كلمة إربح من الفوركس .
فى البداية قولت دى هتلاقيها شركة وهتقفل كمان يومين ولاقيت بعديها إن مليون شركة بتحمل نفس الإسم ففهمت إن دى حاجة قائمة وبيشترك فيها مواقع وشركات كتير .
فهمت بعديها إنها عاملة زى البورصة بس أحسن كمان لأنها 24 ساعة 7 أيام فى الإسبوع وسيولة كبيرة جدا ..
فقررت إنى أتعلم الفوركس لعله يكون باب رزق ليا يحقق كل أحلامى ..
إتكلمت فى أحد المنتديات مع اخ فاضل كان متعاون جداااااااااا معايا لكنه خوفنى إنى ممكن أخسر كل فلوسى وغنى عشان أربح ربح كبير لازم يكون حسابى فيه على الأقل 1000 دولار مع إنى لا أملك سوى 50 دولار لأانى مش شغال ..
أنا مش عاوز اقولكم إنى عاوز أبقى مليونير انا بس نفسى أقدر احقق مرتب كل شهر من 1500 : 2500 جنيه ..
سؤالى هل المبلغ دة صعب إنى أحققه فى الفوركس ؟؟ وهل فعلا الفوركس لو اتعلمتها كويس أوى هتدخلى دخل كويس وهل هى صعبة ومستحيلة ؟؟؟ وهل الربح يومى ولا كل شهر ؟؟
ياريت إففى يقدر يفيدنى بأى حاجة يقول إللى عنده ولو حد يتفضل ويسمحلى إنى أتواصل معاه عشان أفهم منه ..
أنا إشتركت هنا مخصوص ومتعشم فى الله وفيكم إنكم تقفى جنبى ..
شكرا للكل ..