رد: السبيرد يثير الجدل لدى اغلب المبتدئين
اقتباس:
المشاركة الأصلية كتبت بواسطة THE HOPE
يعني عمليات الشراء الماركت والبيع ماركت نضيف عليها السبريد
واوامر الدخول المعلقة شراء او بيع بانواعها الستوب والبروفيت والترلينج نخصم منه السبريد
هل فهمي صح؟
مع جزيل الشكر
السلام عليكم
لا اخي الحبيب الموضوع اسهل من هيك
بكتيييييييييييييير
شوف مثلا
لو احد الموصين حكى انو توصياته
لازم ينحسب السبيرد فيها
هو حر
يعني مثلا واحد ممكن يقول:
زياده السبيرد للشراء
وتنقيصه من البيع
وواحد تاني بقول:
زياده السبيرد للشراء فقط
والبيع كما هو
وهذا الاصح برايي
بس انا عن نفسي لو بدي
اضع توصيه سواء ماركت
او امر معلق
بفضل النقاط متل ما هي
يعني متلا
شراء العمله س الان من 4785
الهدف 100 نقطه
الاستوب 50 نقطه
ليش الغلبه؟؟؟
خلص انا كمتابع بشوف التوصيه
لقيت السعر قريب من الدخول
او عنده وحبيت ادخل
بشتري وبضع هدف 4885
واستوب 4735
هاي اخي وجهات نظر!
بس الاهم والاشي الثابت
او اللي كا بختلف فيه اتنين
انو:
انت لو متابع شارت لليورو متلا
ولاحظت انو السعر 4640
ورحت شاري بسرعه
هلا لما ترجع للصفقه
رح تلاقي نقطه الدخول= كم يا حزرك
طبعا مش 4640
رح تكون 4643 اذا كان السبيرد 3 نقاط
طيب ليش؟
ببساطه لانو السعر اللي كنت شايفو ع الشارت مش سعر الشراء
هاد للبيع
والشراء بزيد عنو بالسبيرد
شغله تانيه:
هلا بنفس المثال السابق
بس انت لما شفت السعر صار 4640
ما اشتريت
رحت بايع
وبسرعه شوفت الصفقه
شو رح تشوف؟
شوف المره هاي رح تشوف نقطه
الدخول متل ما هي(4640)
اوكي هيك تمام
لانو انت بايع
والشارت بعرض سعر البيع
اوكي هيك الامور تمام
بسسسسسسسس
لو بنفس اللحظه اللي بعت فيها
كمان شوفت الصفقه
وانتبهت عل ربح الصفقه
كم رح يكون؟
اكيد منطقيا رح تحكي انه ربحها صفر
لانك لسى بايع
والسعر ما تحرك
بس طبعا الجواب غلط
الصفقه رح تكون مسلبه معك 3 نقاط
على فرض انو السبيرد 3
يعني _3
طيب ليش؟
لانو انت لو فكرت تغلق الصفقه
مباشره
رح تغلقها مش ع نفس السعر اللي بعت فيه
رح تغلقها على السعر اللي بعت فيه وزياده كمان السبيرد (يعني سعر الشراء)
وهاد السبيرد
هو ربح البنوك والشركات
وربح المصارف اللي احنا
بنروحلها عشان نبدل ريالات
او دراهم او ليرات
او دنانير بدولارات او جينيهات
وما الى ذلك
يعني لو انا معي 100 دينار اردني
ورحت مصرف بدي دولارات
واعطيتهم ال 100 دينار
واعطوني 130 دولار
وطلعت من عندهم
وغيرت رايي
وبطل بدي دولارات
بطلت اسافر اتبعزق بال 130 دولار
هههههههههههه
ورجعت لنفس المصرف
واعطيتو ال 130 دولار
وحكيتلو بدي دنانير
رح يعطيني بس كم؟
اكيد اقل من 100 دينار
يمكن 99
او 99 ونص
بس مش 100
اتمنى تكون وصلت المعلومه اخي
وبنصحك انت واي واحد بتغلب
بالموضوع هاد
يعمل متل ما كنت اعمل
والله اخواني
اني كنت احاول واجرب
على حساب ديمو لفتره لاباس بها
لم قدرت استوعب
فكره الشراء والبيع وفارق الاسعار
ولا ننسى اخواني
الربط بين السعرين وملاحظه الشارت
لفهم الموضوع
الموضوع جدا سهل
وجدا صعب للوهله الاولى
الاستوب والهدف دائما يغلق على
سعر مغاير لنوع عمليه الصفقه
(شراء او بيع)
الشراء يغلق على سعر البيع
والبيع يغلق على سعر الشراء
اعذرني اخي على الاطاله
وفقنا الله واياكم