أستاذى العزيز اليوم أول صفقة أدخلها معك ولله الحمد كانت صفقة اليورو/فرنك ودخلت من سعر 1.4800 وتابعت الصفقة حتى ربحت ولله الحمد 117 نقطة وبعدها ضرب الإستوب لوز الأخيرولو دخلت من بداية التوصية لحققت الهدف وزيادة ولله الحمد من قبل ومن بعد وذلك بعد فضل الله تعالى ثم لك فلا تلقى بالا لما قاله الأخ الفاضل الآخر ولعله تعلم درسا من هذه الخساره وليعلم أنه يتعامل مع أخطر الأسواق وأتمنى أن يعوضه الله ويجيره فى مصيبته ويبدله خيرا منها وأتمنى أن يقرأ الأخ الفاضل هذه السطور ويعلم أن دخول التوصيه التى يطرحها الأخوه الأفاضل هنا وفى أى مكان لابد وأن تكون عن قناعة شخصية منه أولا وإذا دخل التوصية فلابد أن يلتزم بكل ما تتطلبه التوصيه ويلتزم بكل ما يشير إليه مقدم التوصية والله الموفق للجميع بأمر الله أرق التحايا أستاذى
مبروك الربح رغم انى مفهمتش ايه الستوب اللى انضرب بس اتمنى انك تكون ربحت معانا.,
سيبك من الاخ الكريم السباب الاخوة ردوا عليه بما فيه الكفاية و جابولى حقى تالت و متلت.,
شكرا يا باشا.,
والله انا عشان الناس الحلوة اللى زيك دى قلت اكمل و مش مهم اى حد يعارض طالما احنا بنراعى ربنا و بشتغل و بتوكل على الله.,
شكرا للمرور اللى دايما منور الموضوع.,
كلامك على راسى والله من فوق و انا جاتنى الفكرة فى لحظة ضيق,,لا تتصور ان تحاول ان تساعد اخوانك المسلمين و تفاجئ انك تسب و تلعن و تبقى انت السبب فى الخساير.,
لكنى قررت المواصلة و الرد عليه عمليا ان شاء الله بالاخضر.
هو ده المفروض مش معنى انى بحط توصية معناه انى مغسل و ضامن جنة كلنا نحاول و على الله التوفيق و الرزق.,
والله يا علاء ياخويا ده اللى بحاول اعمله دايما انى احط الشارت و اقول التوصية و اسبابها عشان يكون علم و ربح و العلم اولا لان من يعلمنى الصيد افضل ممن يؤكلنى السمك.
اه فكرتنى انا نفسى اكل سمك!!
خيرنا فعلا من تعلم العلم و علمه و اضيف على ذلك ان زكاة العلم تعليمه و انا ادفع زكاة العلم.,
شكرا على المرور الرقيق و ان شاء الله موفقين.,
الله كريم.,
أتفضل يا باشا بالهنا والشفا [عذراً, فقط الأعضاء يمكنهم مشاهدة الروابط ][عذراً, فقط الأعضاء يمكنهم مشاهدة الروابط ]
وادي الشاي والحلو [عذراً, فقط الأعضاء يمكنهم مشاهدة الروابط ][عذراً, فقط الأعضاء يمكنهم مشاهدة الروابط ]
ومستنينك بعد الاكل ان شاء الله
بالهناء والشفاء
التوقيع
الحمد لله لا إله إلا الله سبحان الله وبحمده سبحان الله العظيم
ان شاء الله متابعين مع بعض الفرص المتاحة.,
اولا و وقبل اى حاجة قدامنا بكرة خبر تانى هام جدا لليورو و هو الفائدة.,
متوقع خفض الفائدة نصف نقطة على اليورو فى محاولة لاستعادة الهيبة المفقودة.,
مع الاخبار الهامة و الحساسة اللى زى دى بيفضل الحذر الشديد و المدرجات كمان لو لزم الامر.,
طيب نسيبنا من الاساسى شوية و نتكلم شوية فنى عن اليورو
اليورو دولار
زى ما شايفين اليورو دولار على ترند هابط بقاله كتير قوى,لازال الدولار يستقوى على الكل و لازال الدولار يمسح باليورو و الباوند بلاط الفوركس.,
احب انوه على العملات الاقوى الان عشان نتجنب بيعها و هى بالترتيب الين و الفرنك و الدولار
طيب اليورو بيحاول ينضم لقافلة العملات الملاذ الامن بخفض فائدته بكرة.,
احساسى بيقول اننا ننتظر مفاجاة غدا يعنى ممكن نقول خفض اقل من المتوقع للفائدة لكذا سبب اولا اليورو لازال الاعلى فائدة بين العملات (باستثناء النيوزيلاندى) و ده خطر لليورو.,الاستثمارات تذهب بعيدا للعيون الضيقة بطوكيو اولا ثم امريكا.,
طيب نسيبنا من الكلام الكتير و خلينا فى المفيد..
ايوة المفيد..
الزوج يحاول الهبوط الى الترند المكسور على الدايلى اللى هو نقطة تلاقى لترند صاعد على الدايلى ايضا و وتد هابط على الدايلى و الاربع ساعات.,
اعتقد منها سنبدأ الانطلاق للاعلى ان شاء الله.
نقطتنا السحرية هى 1.2950 اللى هى تلاقى الترندين مع بعض,طبعا اى كسر و اغلاق تحت النقطة دى بشمعة ساعة سيكون البيع بغزارة لاننا سنشاهد هبوط مريع لليورو قد يصل ال 1.24 بنهاية الشهر و ثم 1.15 بنهاية الربع الاول.,
طيب عرفنا النقطة السحرية و ان شاء الله نوصلها فى طوكيو ليوم غدا فى انتظار خبر الفايدة.,
الصراحة مكنتش عايز اتكلم عليه بس منظر شمعة الدايلى يخض.,
انا مراقبه من فترة و هو خلاص قرب يوصل بالسلامة.,
امامنا مقاومة على الدايلى و الاربع ساعات و شمعة (حتى الان) انعكاسية على الدايلى لو قفلت كده يبقى نبيع القرد ان شاء الله.,
2.0050 هى نقطة الاختراق او الارتداد نستنى يا اختراقها يا شمعة انعكاسية.,
اللى يتابع الزوج يتابع معاه الاسترالى دولار بس هو ملهوش اى علاقة باليورو دولار عامة.,
زى ما شايفين اليورو دولار على ترند هابط بقاله كتير قوى,لازال الدولار يستقوى على الكل و لازال الدولار يمسح باليورو و الباوند بلاط الفوركس.,
تعبير مؤثر وقوى
الحمد لله قدر الله وما شاء الله فعل
انا كمان حسابى اتمسح بيه بلاط الفوركس بسبب الباوند
المهم ان انا متفق مع وجه نظر حضرتك بالنسبه لليورو دولار
ان شاء الله خير
وبالتوفيق
والله أنت خسارة ياعم أنت أشوفلك عقد عمل تدرس الفوركس للخواجات فين ال....... اللي كان بيقولك أنت سبب خسارته يجي يتعلم من عمه الأستاذ ربنا يوفقك وماشاء الله عليك يامحافظ عروسة البحر المتوسط
بالنسبة لليورو دولار هل لو كسر قبل خبر الفائده ما يصدر هندخل ولا نستنى لما نشوف الخبر الأول ؟؟
سؤال كويس برضه و منطقى.,
قد يكون الكسر مدفوعا بخبر الفائدة.,
دائما ما يتم الامتصاص للاخبار القوية قبلها حتى لا يحدث هرج و مرج بالسوق يعنى لو الزوج حينزل 600 نقطة مثلا مش حينزلهم فى نص ساعة ولا ساعة ولا حتى اربع ساعات عشان العملية مش بزرميط بس والله ساعات بتكون بزرميط عادى.,
المهم نشوف ايه تأثر خبر الفايدة بكرة
الحالى 2.50% و المتوقع 2%
لو الخفض اقل من المتوقع يعنى ربع نقطة سنجد اليورو يرتفع مجددا و لن يلبث الا ان يسقط برصاصة الرحمة مع اقرب مقاومة تجيبه الارض.,
لو الخفض زى المتوقع يبقى شوية ذبذبة مجنونة و زى ماحنا فنيا نستنى اى دعم يرفعه او مقاومة تنزله.,
لو الخفض اقل من المتوقع حنلاقى انخفاض حاد فى دورة اليورو الدموية لغاية ما يهدا و بعد كده حيبقى عامل زى لعبة الصاروخ فى دريم بارك على فوووووق عدل.,
طبعا الكلام ده مش فى شمعة ساعة ولا اربع ساعات لكن بكرة يبدأ السيناريو و احنا خلاص رسمنا خطتنا على وجهة الزوج الايام اللى جاية عشان مندخلش عكس الترند.,
نحاول نبعد عن الين بالذات بكرة لانه قوى جدا و قد يفترس اليورو لو فكر يطلع.,
اتمنى اكون عرفت اوصل المعلومة يا شباب.,
الله كريم.,