$$$...ورشة عروس الابيض المتوسط...$$$

يا حلاوتك يا كلاسيكي, تم كسر الاعلام بفضل الله كما تم التنويه الى ذلك من قبل بس انا ملحقتش ولا واحد لاني كنت مشغول جدا اليومين اللي فاتو


الدخول من الربع ساعات


الدخول من الاربع ساعات

ولا يهم يا باشا ان شاء الله ربنا يعوضك خير الاسبوع اللى جاى مع الدكتور اسامه لما يرجع بالسلامه ان شاء الله.

باه ده اتفاقنا مع الدكتور يا جماعه
الدكتور في اجازة الورشة يحصل فيها كده
انا مقدرش اتكلم لاني اصغر واحد هنا و كلكم اساتذه كبار
بس انا لو كسبت مليون دولار في اسبوع بس بعد اللي حصل بجد ده انا ولا كاني كسبت حاجه لاني واثق اننا هنخسره الاسبوع الجاي بسبب التفكك اللي حصل ده
اتمني تكون رسالتي وصلت

نسيت معلش

الدخول من الاربعة

الله يكرمك يا ابو حميد ...على الاطراء الذى لا استحقه
وحد الله يا راجل ..... اعتبر الموضوع منتهى ....
بغض النظر عن من المخطئ و من المصيب .....
احنا هنا كلنا اخوه و كلنا لازم نستحمل بعض .....
بالنسبه لصفقه المجنون فعلا انا وضعت الشارت على الساعه و قلت وجهة نظرى البحته
و نوهت لمتابعه شارت الاربع ساعات و بعد شويه حضرتك فعلا و ضعت شارت الاربع ساعات
فى مشاركه منفرده بدون تعليق
ثم علقت برأيك فى المشاركه التاليه بدون ما ترفق الشارت تانى لأنك كنت وضعته فى المشاركه
اللى قبلها مباشرة ً
...............................
بس برضه يا استاذنا يمكن الراجل لم يره ..... مش قضيه خالص
و ان اخطأ فى لفظ فتقبل اعتذارى اخى الفاضل نيابةً عنه
و صافى يا لبن
يا ريس
مش عايزين نضيع فرحة الاهداف المحققه هذا الاسبوع فى شوية مناوشات مالهاش لازمه
عايزين كلنا نركز و نبدع و نستفيد
و اوجه كلامى لك و لاخى الفاضل و لى قبلكما
اذا كنا نأمل و نرجو و نطلب من الله عز و جل العفو و السماح
فعلينا قبل ذلك ان نجود بالعفو و السماح على غيرنا لنناله من ربنا
بارك الله فيكما
و وفقكم و ايانا لما فيه خيرنا جميعا
سلام بقى يا ريس

شكرا شكرا شكرا

على ذوقك يامحترم

انا شفت الشارت وشفت التحليلات

وكلها تحليلات واهيه

وقلو انو مش لوحدو الى بيفهم في التحليل في ناس بردك بتفهم

ولو سمحت ماتعتذرلوش على حاجه
انا اصلا مغلطش فيه

هو عايز واحد يدخل يهيصلو على المكاسبا

حاضر ياعم

مبرووووووووووووووووووووووووووووووووووووووووووووووو ووووك
الف مليون مبرووووووووووووووووووووك
مبروك حبيبي
شاطر

لا حول ولا قوة الا بالله
فينك يا دكتور
يا جماعة كفاية كدا لو سمحتوا
علشان خاطر الدكتور

اخى الكريم
سلام الله عليكم و رحمته و بركاته
اولا لن اقول لك الا ما قلته لأحمد ... اعتبر الموضوع انتهى بغض النظر عن من اخطأ و من أصاب
.......لأننا كلنا نخطئ و نصيب ....فى كل امور حياتنا
و اذا كنت اعتذرت له نيابةً عنك فأيضاً تقبل اعتذارى نيابةًً عنه
نحن هنا اخوه يا حباب
نتعلم و نستفيد و نربح
نتعلم .... لأن العالِم يظلُ عالِماً ما دام يتعلم فإن قالَ قد عَلِمتُ فقد بدأ يجهل
و نستفيد ... من خبرات الغير ..و فكر الاخرين
و نربح .... رضا الله بحسن تعاملنا مع بعضنا و بحسن نوايانا فى الرغبه فى خدمة الغير
و نربح ايضاً نقاط كثيره فى هذا السوق مرة من فكرتك و مرة من فكرة غيرك
يعنى مشاركه لوجهه تعالى
و اجتماع ربحه اخروى قبل ان يكون دنيوى
.................
و بعدين يا استاذنا احسن حاجه هنا فعلا ان الناس كلها بتحط الشارت مع رأيها
علشان المتلقى يشوف و يحلل هو الاخر و يتناقش و يحاور و يعارض ان لزم الامر
هو ده الصح .....و لكن كله ينبغى ان يكون فى حوار هادئ اخوى الغرض منه الوصول للأفضل
...........
اعتقد يا جماعه ننسى الموضوع ده
و نتجه الى الله بالدعاء ان يلهمنا الفعل السديد و القول الرشيد
و ان يبارك فى صحبتنا
اسف للاطاله اخى الكريم
و كما قلت له
ان حبى لكم و اعتزازى بدوركم هو الذى يملى عليا ذلك
الف شكر اخى الفاضل

الله لا يخلف بينكو يا جماعة
كل شخص ربنا اجتهاد
فكل واحد منا عليه ان يجتهد على قد ما يقدر
و بالاخر يلي كاتبو ربنا حيحصل
و نعم بالله

تقبلوا مروري