رد: $$$...ورشة عروس الابيض المتوسط...$$$
اقتباس:
المشاركة الأصلية كتبت بواسطة ahmedarakiep
شراء دولار ين من السعر 99.30الهدف 99.80 للمتابعه فقط حساب ديمو الستوب 98.40
ديه الصفقه اللى باقيه من الصفقات اللى قلتها بسم الله الرحمن الرحيم الفكره اللى انا اعتمدت عليها في الصفقات اللى فاتت هى المؤشرين 1_ال QQE 2_ البروفيسي اول حاجه بنعتمد عليها اثناء تطبيق المؤشرين هى ان احنا نستنى الاشاره من البروفيسي اذا كانت احمر بيع واخضر شراء يعني ركزوا معايا انا قلت اول حاجه بنشوفها هى البروفيسي اما المؤشر التانى ال QQE ده مانبصش عليه خالص الا لما تظهر الاشاره اصل احنا مش هندخل مع كل اشاره تظهر لينا علشان نتفادى على اد مانقدر ضرب الاستوب لوز. طيب احنا لقينا المؤشر البروفيسي عمل اشاره شراء لون اخضر اسفل الشمعه ساعتها هنبص على المؤشر التانى بتاعنا QQE لازم لازم لازم المؤشر ساعتها في الوقت ده في الدايلي والاربع ساعات والساعه بيبص لفوووووووق والعكس صحيح في البيع طيب جميل اوى اتحقق الشرطين ندخل كده على طول ؟؟؟ لا برده مش هندخل كده على طول هندخل بعد كسر الشمعه اللي تحتها مؤشر البروفيسي يعنى احنا هنستنى اغلاق ان شاء الله الشمعه اللى تحتها مؤشر البروفيسي لو كان شراء او فوقها في حالة البيع سواء كانت على الساعه او على الاربع ساعات هنوضح الكلام ده دلوقتي ان شاء الله طيب هندخل امتى بعد الاغلاق بتاع الشمعه ؟ هقولك لو احنا على 1_ الكبيل والشارت ساعه واتححقت جميع الشروط هنعمل امر معلق من بعد الاغلاق ب 20 نقطه وهدف 50 نقطه فقط والاستوب لوز يبقى تحت او فوق الافتتاح ب 10 نقط 2_ المجنون شارت الساعه بعد كسر اللو او الهاى ب 20 نقطه والاهداف تعدى 120 نقطه والاستوب لوز هيبقى بعد كسر اللو او الهاى ب 10 نقط لكن اتفرج بقى على الشارت الاربع ساعات على المجنون حاجه كده اخر دلع بس بقى نركز جامد فيها لان الدخول هيبقى ان شاء الله بعد كسر الهاى او اللو ب 35 نقطه يعني الاستوب لوز هيبقى تحت الهاى او اللو بحوالى 20 نقطه ممكن يوصل ل 150 نقطه او اكتر علشان كده هنصغر العقود للنص لو الاستوب كبير بحيث لو كان الاستوب 150 نقطه يبقى لو لاقدر الله الخساره تبقى اكنك خسرت 75 نقطه بس علشان كده انا بقول الدخول على الشارت الابع ساعات خطير لازم نبقى مركزين ازى في الصفقه اللى هندخلها ان شاء الله على الابع ساعات لازم تبقى متوافرة الشروط كلها البروفيسي ومؤشر ال QQE على الساعه والاربع ساعات والدايلي ومايكونش في اي اخبار مؤثره وقتها زى تحديد الفايده وغيره من الاخبار اللى تاثر سواء على الباوند او الين او اليورو لان اليورو لما بيتاثر الباوند اول واحد بيتاثر طبعا الاهداف على الشارت الاربع ساعات للمجنون تتعدى ال 150 نقطه ان شاء الله بكتييييييير ممكن توصل ل 300 و 400 نقطه بس احنا لما هنحط الاوردر ان شاء الله هتبقى 150 نقطه ل 200 نقطه وبلاش طمع طبعا احنا مش هنشتغل في الاربع ساعات الا لما نكون متمكنين اوى ان شاء الله كفايه لحد كده العملتين دول دلوقتي بحذر اى حد يجرب الموضوع ده على حساب حقيقى الا لما يجرب الموضوع ده مش اقل من شهر كامل يوميا ان شاء الله لان تحديد الدخول والخروج من الصفقه مش سهل ومش صعب هو بس عايز منك ان انت تتعب شويه وتركز وانت بتدخل الصفقه عايز اطلب منكم طلب عايزكم تفتحوا الشارت الاربع ساعات على المجنون وتحاولوا تطبقوا الموضوع ده وقولولى كده ايه رايك هل في فرصه للبيع او الشراء على فكره انا شغال بالفكره ديه على حساب حقيقي والحمد لله الارباح ماشاء الله
التعديل الأخير تم بواسطة ahmedarakiep ; 07 - 05 - 2009 الساعة 05:44 PM 
لاني مش عارفه 
المواضيع المتشابهه 
4Likes
