تاريخ التسجيل: Dec 2008
الدولة: اسكندرانى
المشاركات: 3,873
خبرة السوق: أكثر من 5 سنوات
معدل تقييم المستوى:
19
رد: $$$...ورشة عروس الابيض المتوسط...$$$
الخطة
خطة!
خطة مين يا عم انت فى حرب؟
لا مش فى حرب انا فى بيزنس و لازم يكون عندى اهداف
طيب نتكلم بالعقل ماشى.
ماشى..
ثلاثة فتحوا حساب ب 500$
و التلاتة نفسهم يدبلوا
الاول قال انا نفسى ادبل فى يوم تبقى ضربة معلم
التانى قال لا يا عم يوم مين احنا مش بنلعب بلى ده فوركس خلينى انا فى اسبوع كويس
التالت قال يوم!! اسبوع!! ايه العيال دى انا قدامى شهر عشان ادبل
الاول عايز عقد مينى 1 دولار للنقطة و 500 نقطة فى يوم عشان يدبل
لقى 500 نقطة فى يوم دى لما يشوف ودنه قال انا اعلى العقد و خلاص
و خلاص..,
السوق عكس فى صفقة من الصفقات.,
و خلاص.
التانى قال يا عم انا عقد مينى و عايز 100 نقطة فى اليوم يبقى 500 نقطة فى اسبوع اكون دبلت
عدى اول يوم و تانى يوم و جه خسر صفقة فى التانية لقى اللى كسبه خسره و حيبدأ من تانى
و عدى صفقتين و خسر اتنين!
الدنيا قلبت عليا ولا ايه؟
احاول تانى.,
اخص ايه السوق المقرف ده.,
احاول كمان
عايز اعوض
خسرت كتير
يانهار اسود!
عكست عليا!
الحساب بيروح يا جدعان
و خلاص..,
التالت
قال كل برغوت على قد دمه
انا العقد يبقى نص مينى يعنى 50 سنت للنقطة
محتاج 1000 نقطة عشان ادبل
فى 22 يوم عمل
يعنى 50 نقطة فى اليوم
و بس.,
كل يوم يدخل يجيب ال50 نقطة و يخلع من السوق يخرج و يتفسح و ينسى الضغط
خد بالك
السوق بيديك باليمين
و ياخد اضعافه بالشمال
بس لو
انت اديتله الفرصة انه ياخد بالشمال
عشان حققت هدفك و كملت فى السوق,حققت هدف تانى فطمعت صفقة خسرت
عايز تعوض
و بدل ما تعوض
الله يعوض
خسرت مكسب النهاردة
و يجى بكرة
و بكرة زى النهاردة و السوق يقلب
خليك ناصح و اعمل لنفسك خطة.,
انا معايا فلوس احسب انا عايزها تبقى كام فى فترة تبقى قد ايه
الفترة دى احسبها على قدرتك فى التحقيق
على التدريب اللى كان على الديمو,التدريب الحقيقى مش الفشنك عقود عالية و خلاص
درب نفسك شهر واحد بس على خطة راس مال
و طبقها
نجحت توكل على الله و اعرف انك حتنتقل
حتنتقل من نسبة ال 90% لل 10% ان شاء الله
نقطة تانية مهمة
بلاقى الناس اللى داخلة صفقات قلبها واقع و بتعرق و بتنفخ
اعمل شاى عشان تروق
احرق فى سجاير
شوية اخضر هييييييييه
شويه احمر يالهـــــوى
رجعنا اخضر الحمد لله انا قلت كده من الاول
بقينا احمر تانى يادى النيلة مش حنخلص بقى ولا ايه انا حطلع و اريح دماغى انا مش مطمن
و فجاة
ياخسارة!
حققت الهدف انا قلت كده من الاول!
لازم تكون اسد!
السوق لو لقاك كده حيلعب بيك و حياكل من وراك عيش
و انت الخسران
مفيش حد بينزل شغله و خايف يتفصل النهاردة
الا اذا كان عامل بلاوى
مفيش حد بيزل كليته او مدرسته و خايف يسقط او يترفد
الا لو مذاكرش او عامل بلاوى
مفيش حد بيدخل صفقة و تكون هى نهاية العمر او الحساب
يا هدف
يا ستوب
الا برضه لو انت عامل بلاوى و داخل من مكان غلط و ستوب غلط و عقد كبير
الخلاصة
اعمل خطة لنفسك و لتكن 50 نقطة فى اليوم
و حققها بعون الله
حتحس بطعم الفوركس و المكسب
او...
ادخل كده كل صفقة شايفها فرصة ولا اروع
حتحس بالمرارة
و مش حتطلع من ال 90%
طولت عليكوا بس كان لازم اقول الكلام ده من واقع مشاركات الاخوة
الله كريم.,
شاب الاسكندرانى تحليلة رائع ومتميز ولابد من ان يكون هناك خسارة ولكن
المواضيع المتشابهه 
4Likes