ليلة فرقاك نسيت وماشكرتك

smay@yah

عضو متقدم

تاريخ التسجيل: Dec 2011

المشاركات: 5,797

معدل تقييم المستوى: 20

17 - 12 - 2011, 09:30 PM

ليلة فرقاك نسيت وماشكرتك

’’

من بعد مـا كنـــت احسبنّـــي نسيتـــــك
مدري وش جابك على البال وذكرتــــك ؟؟

ولاوعيـــت إلاّ وانــــا قـــــدّام بيتـــــك !!
ماتقــول انّـي قبـــل مـــدة هجرتــــك ؟!

ذا مكانــي .. لاغفــى الليـل وسريتــــك
شف ّ كم لي .. ما سريت ولا سهرتــك ؟

وذا مكانــــك .. لا تضايقـــت وجفيتـــــك
وشف ّ كــم لك .. ماترجّيــت وعذرتــك ؟

وذا مـــكـان قلوبنـــا .. لحظـــة هويتـــك
فيــه عمـــري اختصرتـه واختصرتـــــــك

واقف .. وكنّي مـن احــــــزانـي بنيتـــك
(جسر) .. مابين الزمانين وعبرتــــــك !!

آتذكّـــر .. وش خـــذيـت ووش عطيــتك
يــوم كنـــت انقـاض وبحبــي عمـــرتــك

وآتذكــّـر .. ســـاعــة انهـــوك وبديتـــك
كيــف بجروحـي عن جروحي سترتك !!

وكيــف بعــت احلام عمـري واشتريتـك
وكيف كنـت اشنع هزيمـــة وانتصــرتـك

وكيف كنــت الملح ..لكنـــي رويتـك !!
وكيــف كنــت الزيف .. لكني ذخرتـك !!

ادري اني جـــــد ّ.. مـن قلبــي بغيتـك
وادري انّي رغم كـل هـــذا خسرتــــك

انتظرتك .. ( عمــر ) حتى اني لقيتـــك
والقهر مدري على ويش .. انتظــرتك !!

كنت احبك .. كنـت !! لكنـــي سليتـــك
ومـــا بقـــى سلمــتـه الــريـح ونثرتـــك

وانت لا تــزعـــــل اليـا مــنـــي رثيتـــك
بعد مــــا خنـــت وتوفيــت وقبـــرتـك !!

والله انـــي .. لاحزنـــت ولا بكيــــــتـك
مثـل مـا عمّرتـك بقلبــــــي دمـرتــــك

بس تدري ليش عقب غيـاب جيتـــك ؟!
واهتدت رجلي على بيتــــك وزرتـك ..!!

بشكرك .. على آخر طعونـك فديتـــــك
ليلة فراقك .. نسيت !! وما شــكرتك !!

’’

محمد حمدى ناصف

عضو الماسي

تاريخ التسجيل: Jan 2010

المشاركات: 37,798

معدل تقييم المستوى: 54

رد: ليلة فرقاك نسيت وماشكرتك

16 - 01 - 2016, 08:24 PM

جزاكم الله خيرا

ودى واحترامى

سبحان الله وبحمده سبحان الله العظيم
بعدد خلقه وزنة عرشه ورضا نفسه ومداد كلماته

ليلة فرقاك نسيت وماشكرتك

روابط سريعة