سؤال مهم و اظنه يفيد ناس كتير

السلام عليكم يا احلي منتدي

حبيت بس اسال سؤال سريع و برده احاول اجاوب عليه علي اد معلوماتي و انتظر باه راي خبراء الفوركس لاني دلوقتي في حيرة من الموضوع ده

في بداية تعلمي للفوركس سمعت طبعا مصطلحات كتير يمكن نسيت الاغلب منها لاني مش بستخدمه بس انا اول ما سمعت الهيدج سمعت معاه مصطلح البلوكينج و الصراحة انا دلوقتي بقيت مش عارف ايه الهيدج و ايه البلوكينج
hedge
blocking

بس في البداية سمعت ان الهيدج بيكون علي عملتين مختلفتين و لكن صفقات معكوسه
يعني مثلا عملتين خط سيرهم قريب من بعض مثلا يورو دولار و باوند دولار و افتح هنا بيع و هنا شراء و هوه ده الهيدج و كان كل الناس بتاكدلي ان هوه ده الهيدج اللي يبقي علي عملتين مختلفتين مش نفس الزوج

و قالول ان البلوكينج هوه اللي بيبقي علي نفس العملة بامرين مختلفين

دلوقتي بعد الغاء الهيدج لقيت كله بيتكلم عن منع الصفقات المعكوسه علي نفس الزوج يبقي معني كده ان الهيدج هوه الصفقات المعكوسه علي نفس الزوج

طب يبقي ايه هوه البلوكينج؟؟؟

شكرا و منتظر خبراتكم و اسف علي الاطالة

وأيضا ما معنى الصفقات السوينج والشورت وغيرها من مصطلحات ؟.

اهلا بيك يا اخي العزيز
و يا ريت اقدر افيدك في الموضوع ده
بص يا سيدي
السوينجات دي صفقات علي المدي البعيد و بيكون تحليلها علي شارتات كبيرة او فريمات وقت كبيرة يعني مثلا علي الديلي و في ناس بتدخل سوينجات علي فريم الويكلي الاسبوعي يعني
و الصفقات دي هدفها بيبقي كبير يصل ل 500 نقطه و 400 نقطه و يمكن اكتر و استوبها برده بيبقي كبير ممكن 200 نقطه و تحليلها بيعتبر نفس تحليل الصفقات العادية و لكن بيبقي اكتر دقة لان متغيرات السوق علي المدي القصير مش بتاثر كتير في الصفقة دي و كمان الاخبار اللي بتعمل تذبذب في السوق لا تؤثر كثيرا في هذه الصفقات علشان كده نسبة نجاحها بتبقي اكبر اذا كان التحليل فنيا سليم

اما الشوت دي صفقات علي المدي القصير و الفريمات العادية و دي الصفقات اللي كلنا بنعملها

و برده انتظر راي الاساتذه لاني انا لسه في البداية و يا رب تستفيد وانا كمان استفيد
شكرا

و عليكم السلام و رحمة الله و بركاته
فعلا اخي العزيز هذا ما فهمناه في
البداية و اذكر انه كان هناك شرح لهذه
العملية في المنتدى و اظنها للاخ شريف
خورشيد حيث بين فيها ما هو الهيدج
و لكن الان ظهر لنا ان مصطلح الهيدج
غير ما فهمناه لان الشركات تتعامل
على اساس ان الهيدج هو بيع و شراء
زوج معين و في نفس الوقت,
و الله اعلم

التوقيع

شرح كيفية ارفاق الصور في المشاركات

يبقي انا كده كنت فاهم الشورت و اللونج غلط
عامة شكرا علي الافادة

شكرا جزيلا نحن نتعلم ونتستفيد من الأساتذة الكرام، بارك الله لكم.

الهيدج هو فتح صفقتين متعاكستين على نفس العملة سواء من نفس المكان او من اماكن مختلفة..
الصراحة لم اسمع عن ما يسمى بلوكنج من قبل..

الشورت هو عملية البيع
و اللونج هو الشراء..
و السوينج هو عقد طويل الاجل يتميز بكبر الهدف و الستوب و غالبا ما يكون على الفريمات الكبيرة..

الله كريم.,

التوقيع

..:: مواضيــــــعى ::..