صبااااااااااااااااح الخير
بسوي نفسي مذيع
اعزائي القارئين والمببصرين خخخخخخخخ بكمل مسلسلي اليومي ان سمحت الظروف اول شي بسم الله وش دعوه عبالك شايف جني
ثانيا جدي الله يحفظه بيته موجود في الخبر لاكن
تاخذ مشوار لما تروح له تقريبا ساعه يعني ولازم ابوي وعماني يجتمعون
عنده كل اربعاء وخميس والجمعه
وهنى يجتمع المجانين اخواني مع عيال عمي مع عيال عماتي يعني نفلها
جدي بيته وسط مزرعه وجدي من النوع الي مستحيل تطلع من البيت بعدد صلاة العشاء
يقفل البيبان علينا تعرفون الشياب صعبين واحنى اكبر واحد فينا عمره 30 تقريبا يعني كلنا شباب لازم نطلع
نهجول ونفلها المهم يوم جاءت الساعه 10 قالوا الشباب يلله نطلع وجدي كان
جالس قال جدي وين وين مافيه طلعه الشباب مااهتموا بجدي قالوا ايه هين
يوم قمنى قلنا يلله شباب قام جدي وحلف بطلاق اننا مانطلع الشباب عصبوا
قام ابوي وعماني يحاولون في جدي اننا نطلع جدي ابد راكب راسه ولله مايطلعون انا حالف ان طلعوا اني لاطلق
جدتي كانت تطلبنى تكفون لا تطلعون
انا قلت لجدتي ايه ماتبينه يطلقكي ضحكواعلى جدتي وهي واقفه وسطنى خايفه تتطلق كانت جدتي مستحيه مرررررررررررره من الموقف
المهم هدوا الشباب بس قلنا خلاص لين يروح ينام جدي خاف اننا نطلع ويطلق لانه حلف بس احنى قلنا مارح نطلع بس مو مخلينه ينام
جدي اخذ كل المفاتيح وجاب فراشه ونام عندنى احنى 6 انا وجسوم وعيال عمتي نبيل وفيصل وعيال عمي ياسر خويي حبيبي وعبدالوهاب
يوم شفناه جاب فراشه ونام عندنا رفعنى صوت البلاستيشن والاب والتلفزيون يعنى ازعاج
جدي يصيح علينا وطو صوت التلفزيون احنى ولا كان احد يتكلم
بعد شوي الا نلعب بالوت هوشه وصراخ وضرب اهو قام علينا وقعد يهاوش ويفصل الاسلاك
قلنا خلاص بننام تسدحنى عنده مره نرفس واحد ونضحك ومره يقوم واحد يعني اننى نبي الحمام واحنى نتسابق عليه
المهم جدي مانام ابد قعد يهدد انه لياخذنى للغنم انا وياسر وفيصل هبلنا فيه طلعناه من طوره
المهم جسوم ووهابي ونبيل نامو على طول اول مانسدحوا ناموا المهم جاء الفجر واحنى مانمنا
ولا جدي نام بعد الفجر راجعين احنى ووجيهنى نبي ننام الا جدي اخذنا للغنم يويلي لو تدرون
وش سوينى له طلعنى قرون براسه بس صراحه كرفنى كراف انا اركب فوق التيس واسوي انه حصان واخوف الغنم
وياسر يجيب الاكل لهم واذا اجتمعوا عليه الغنم رجعه للمستودع
وفيصل ياخذ عيالهم ويحذفهم من فوق السور وامهاتهم انجنوا العامل يحلب واحنى كل بعد شوي
جايين نركض في وسط السور والعنز الي يحلبها تنحاش مع الغنم وكل شوي يروح ويجيبها
قال لنا جدي يلله روحوا عبو الاحواض مويه انا وياسر نمسك على عنز عنز نحط الهوز
في فمها ونشربها والغنم تشرق وفيصل يضربها مع ظهرها ومره يدعك جبهتها مثل الحريم يوم يشرقون يهالهم
وجدي يجمع التيوس يبي يبيعها ويلله بدعنى في سوق الغنم
جدي يختبرنى هاه لو قالكم واحد بكم التيس هذا وش تقولون قال ياسر بخمسين جدي عصب قال خمسين
رصاصه فراسك التيس الواحد يمكن يصل الالفين وانت تقولي خمسين احنى فهينى
الفين جدي خاف نجيب العيد قال خلاص بروح معكم ياحنى ولله مانعرف شي توي ادري ان
بايعين الغنم بينهم منافسه زي الشركات
المهم رجعنى واحنى كاننى متروشين بتراب الله يعزكم تخيلوا حتى الرمش مغبره
اتمنى ان ينال اعجابكم لا اقول وداعا بل الى اللقاء في الحلقه القدمه من مسلسل
هذي حياتي
التعديل الأخير تم بواسطة خادم القرآن ; 29 - 01 - 2012 الساعة 03:10 PM 
ردها لنا
