،،
أرتكيت بكل حرفي وأشتهق حبر الأصيل
وارتميت بحضن فجري لين هدد بالزوال
،،
ماهقيت أن الليالي تكثر بصدراً عليل
طاحت الهقوات من عيني بعد كثر القلال
،،
ماصدقت دنياي مع حلمي ولي حظاً يميل
كل ماقلت أستكنت هيجت حظي ومال
،،
من متى وانا أحسب الوقت وادور دليل؟!
يثبت أن الحب نبضي..لآ ..ولآ فيها جدال!
،،
من متى وانا ابتسم لنفوس يسكنها الغليل؟!
واصدق النيه بوجه أنذال في هيئة رجال !
،،
كل مامديت كفي..طالت أيدين البخيل
وأحتميت بجود ونات الوجع عقب الوصال
،،
وأكثر الطعنات والتوبيخ من غير السبيل
مادرى أن ..الليش تجرح لتمادية السؤال .!
،،
مادرى ان الغصن يانع مورقه نسمة عليل
ينزع أغصانه وكن الغيض كالماء الزلاال ..!
،،
ياعذولاً ردني عن منهل الحزن النبيل
وعن متاهات الدروب وعن تفاصيل الخيال
،،
ليه تحرمني لذيذ العين بالنوم الطويل ؟!
بين أحلام الشقى أو قول ..ترف الأنعزال ؟!
،،
ليه صبرك ملني وأن طال بي وقتي تهيل
في رقيق الحس فيني نبض حبات الرمال؟!
،،
هات يارمز الذكورة وش بقى فيني تشيل
جرح وأدميته خفوقاً منوته منك أعتدال ؟!
،،
إييه يارمز الذكورة ..رد لي بعض الجميل ؟!
وأسمع الأتي ..ولاودي أضيق فيك بال...!
،،
تزرع الأشواك في صدري وابادلك النخيل.!
تسرق البسمه من شفاهي وانا اهديك الدلال!
،،
تشتكي مني علي وتصنع من الصبح ليل .!
تحرق أحلامي قصيده تعشق انفاس الجمال!
،،
نظرتك فيني أليمه لاتحال ولا تحيل .!
مابقى للعذر معنى لو تظاهرت الكمال..
،،
إيه عذرا تكتب الأحساس وتشب الفتيل
إيه عذرا تملك من الطبع ذربات الخصال
،،
إيه عذرا تسقي القيفان ماء السلسبيل
وتنقش الحنا على كف الصلابه والجزال
،،
أي ذكر من السماء تلجاه ياالعقل الذهيل ؟! ==> الهبيل :)
يذكر أن الغيد ممنوعه مداولة المقال؟!
،،
وش يقارن هند رستم في مدواة القتيل؟!
وبين من نظرة غضيض الطرف سباب القتال؟
،،
الشعور يموت يوم يعيش في حبراً خذيل
والتساوي من عطايا الرب ياناوي التعال ..!
،،
والختام ابث من شوقي لحامين الدخيل
كثر الله مثلكم واعدم أأشباه الرجال ..~
،،
أهداء الى كل رجل يملك من الحب أدناه
ومن الشعور مسماه ....~
عمق الشكر وأجزله ...~
{نوارة الدار}
لا أحلل النقل..~
إلى كل أشباه الرجال إيه عذرا
المواضيع المتشابهه 
