• 1:29 صباحاً
logo




طظ في كل حاجه واي حد

إضافة رد
عضو فـعّـال
تاريخ التسجيل: Oct 2011
المشاركات: 1,344
معدل تقييم المستوى: 9
lama23 is on a distinguished road
10 - 02 - 2012, 09:50 AM
  #1
lama23 غير متواجد حالياً  
افتراضي طظ في كل حاجه واي حد


طظ في كل حاجه واي حد !!!




وسط كل المزايدات علي الوطنية والتدين
وسط كل العراك علي شكل الدولة اذا كانت هتبقي دينية ولا مدنية
وسط التخوين والمؤمرات الوهمية والايادي الخفية
وسط كل دا احنا نسينا حاجه مهمة اوي
نسينا نجاوب علي السؤال دا



هو مات ليه ؟



حط نفسك مكانه وحاول تتخيل
هو فتح صدره وخد الرصاصة دي ليه ؟



علشان الدستور اولا ولا الانتخابات اولا ؟
علشان علياء المهدي تقلع براحتها ولا علشان عبد المنعم الشحات يكفر فينا براحته ؟
ما هو علشان كل حاجه واي حاجه حصلت من سنه فاتت لحد النهارده مجوبتش علي السؤال دا
يبقي طظ



طظ في الداخلية اللي لسه زي ما هي ومش قادرة تفهم اننا مش هنضرب تاني ومش هنسكت علي ضرب تاني



طظ في ابناء مبارك طظ فيهم وفي اي واحد بيعمل من بني ادم صنم وبيعبده



'طظ في شلة فيفي عبده ونادية الجندي والهام شاهين وغادة عبد الرازق وكل اللي نسيو انهم نافخين وشادين اصلا بفلوسنا



طظ في الاعلام اللي خلي اكتر ناس نشوفها بعد الثورة توفيق عكاشة واحمد سبايدر وعمرو مصطفي



طظ في الاخوان المسلمين اللي بيستقوا بعددهم ونسيوا ان عددهم ما حررهومش من الظلم
نسيوا ان مليون ظالم لو قدامهم واحد بس مظلوم فالواحد بس هو صاحب الحق



طظ في الليبرالين اللي بيعتبروا اي رأي مخالف ليهم هو تخلف وجهل



طظ في مدعي السلفية اللي اي نصر ليهم بيفتكروه نصر للاسلام
وكل شوية يقولك ماذا رأيتم من الله حتي تكرهوا شريعته
ياعم بقي انا مشكلتي معاك انت مش مع الشريعة



طظ في اللي مسمين نفسهم ثوار وبيسافروا علشان يتكرموا وياخدو جوايز من كل حتة في العالم
ونسيو ان الدنيا كلها كانت مديانا ضهرها وان احنا اللي حررنا نفسنا بنفسنا



طظ في الاغلبية الصامتة هتقولوا قلة هنقولكو وبنقل
بنغربل الاوساخ وبنديهالكم بلد
بتسيبنا ناس في الشمس علشان تقف في الضل
وسيدنا الحسين منصور عمره ما همه عدد



طظ في المجلس العسكري علشان نسي علشان يجيب حقه عمره ما هيمشي ويسيب دمه



طظ في الجيل اللي فات كله اللي مش مكفيه اننا بندفع تمن سكوتهم 30 سنه
وبدل ما ينصفونا بقوا اكتر ناس بتكرهنا
علي فكرة بقي انتوا اللي خربتوا البلد



طظ فيكم كلكم وطظ فيا
طظ فيا مليون مرة علشان نسيت ان عقلي كان وهيفضل عدوهم الاساسي
نسيت اني اتخلقت حر
واني مش محتاج اقدم طلب او اخد موافقة من حد علشان ابقي حر











الثورة حق
الدم حق
خوف كل واحد علي البلد ردو حق
الصرخه حق
والصمت حق
وعلشان مكناش انبيه ولا اوليه
الضعف حتي هيبقي حق
بس الاكيد اللي عمره ما هيبقي حق
حرقة قلوب الامهات
الخوض في اعراض البنات
انك تنزل تحتفل وتغني وتقول يا عين يا ليل وجوه بيتك في حد مات
نرجع بقي ونقول كمان
الثورة حق
الدم حق
والصورة لو متفبركة المشرحة تشهد بحق



التعديل الأخير تم بواسطة خادم القرآن ; 11 - 02 - 2012 الساعة 03:56 AM
رد مع اقتباس



إضافة رد

أدوات الموضوع


جديد مواضيع استراحة بورصات


01:29 AM